Samþykktu kjarasamning

Félagar í Starfsmannafélagi Suðurnesja samþykktu kjarasamning við launanefnd sveitarfélaga á fundi sínum í gær. Sjötíu og sex prósent félagsmanna greiddu atkvæði með samningnum en tuttugu og tvö prósent greiddu atkvæði á móti samningnum. Tvö prósent fundarmanna skiluðu auðu. Innan við fjórðungur félagsmanna tók þátt í atkvæðagreiðslu um samninginn sem gildir fyrir 450 starfsmenn hjá sveitarfélögunum á Suðurnesjum og stofnunum þeirra. Samningurinn er afturvirkur frá 1. apríl síðast liðnum og gildir til 30. nóvember 2008. Starfsmenn fá strax 4,5 prósenta launahækkun og er talið að launakostnaður sveitarfélaga og stofnana þeirra hækki um tuttugu og tvö prósent á samningstímanum.