Olía á eld milliríkjadeilu

Japönsk stjórnvöld greindu frá því í gær að þau hefðu tekið til afgreiðslu umsóknir japanskra fyrirtækja um tilraunaboranir eftir jarðgasi undir sjávarbotni á svæði í Austur-Kínahafi sem Kínverjar gera einnig tilkall til. Líklegt er að þessi ákvörðun verði sem olía á eldinn í alvarlegustu milliríkjadeilu Japans og Kína sem upp hefur komið síðustu áratugi. Deilan hófst um síðustu helgi þegar hávær fjöldamótmæli fóru fram í Peking, þar sem Kínverjar létu í ljós reiði sína yfir því sem þeir álíta vera sögufalsanir í nýrri japanski kennslubók. Kínverski forsætisráðherrann Wen Jiabao hefur látið að því liggja að Japanar verðskuldi ekki að fá varanlegt sæti í Öryggisráði Sameinuðu þjóðanna. Japanskur ráðherra hefur kallað þessi læti í Kína ógnvekjandi.