Skrifar undir hjá Grindavík

Sigurður Jónsson skrifaði undir þriggja ára samning í hádeginu um að þjálfa meistaraflokk Grindavíkur í knattspyrnu. Sigurður þjálfaði Víking í þrjú ár og þar áður FH í eitt ár. Milan Stefán Jankovic lætur af störfum en verður aðstoðarþjálfari Sigurðar og þjálfari 2. flokks félagsins. Samkvæmt heimildum íþróttadeildar mun Sinisa Kekic skrifa undir tveggja ára samning við Grindavík á næstu dögum. Þar með eru öll félögin í Landsbankadeildinni búinn að ráða þjálfara fyrir næstu leiktíð en Magnús Gylfason var í gær ráðinn til nýliða Víkings.