Vakta staði vegna hættu á eitrun

Hafin er vöktun á nokkrum stöðum við landið vegna svifþörunga sem geta valdið skelfiskseitrun. Vinsældir skelfisks hafa farið vaxandi á undanförunum árum og er hann ræktaður á nokkrum stöðum. Eins er algengt að fólk tíni sér krækling til matar í fjöru en það getur verið hættulegt. Ef fjöldi eitraðra svifþörunga fer yfir tiltekin viðmiðunarmörk á mælingarsvæði verður varað við því á síðu Hafrannsóknarstofnunarinnar, hafro.is. Ekkert aukabragð finnst að eitruðum skelfiski og eitrunin hverfur ekki við eldun. Afleiðingar eitrunar geta meðal annars verið uppköst, niðurgangur, öndunarörðuleikar, lömun, minnisleysi og jafnvel dauði.