Þúsund kynlífsþrælar í Ástralíu

Dómsmálaráðherra Ástralíu, Chris Ellison, vísar þessu á bug og segir tölurnar ekki í samræmi við upplýsingar frá lögreglu. Á ráðstefnu í síðustu viku, sem markaði upphaf herferðar gegn mansali í landinu, sagði lögreglumaðurinn fyrrverandi, Chris Payne, að allt að þúsund konur væru neyddar til þess að starfa í ólöglegum vændishúsum í Ástralíu. Konum sem notaðar væru sem kynlífsþrælar hefði fjölgað mikið síðan fyrir áratug, þegar talið var að þær væru tvö til þrjúhundruð. Skýrsla sem unnin var á vegum opinberrar stofnunar gegn kynferðislegu ofbeldi staðfestir tölurnar sem Payne styðst við. Í skýrslunni segir að vikulega sé 50 fórnarlömbum mansals bjargað, en af þeim tölum megi leiða að árlega séu þúsund konur fluttar nauðugar til landsins og notaðar sem kynlífsþrælar.