Atvinnuþátttaka Íslendinga eykst

Konur sækja í sig veðrið á vinnumarkaðnum sem sést af því að litlu fleiri konur eru nú atvinnulausar en karlar, en voru nær tvöfalt fleiri í fyrra. Atvinnuþátttaka Íslendinga er sú langmesta á Vesturlöndum og ef til vill í heiminum. Hún er núna 83,5 prósent eða u.þ.b. einu prósentustigi meiri en á sama tíma í fyrra. Þótt atvinnuþátttaka íslenskra karla sé óvenju mikil miðað við karla í öðrum löndum þá skýrist heildarþátttakann á mikilli og vaxandi atvinnuþátttöku kvenna hér á landi, þótt atvinnuþátttaka karla sé enn um tíu prósentum meiri en hjá konum. Athygli vekur að karlar vinna nú rösklega sex klukkustundum meira á viku en á sama tímabili í fyrra, eða að meðal tali 48,5 klukkustund. Vinnutími kvenna er álíka, eða röskar 36 klukkustundir á viku. Atvinnuástand hjá yngsta fólkinu, frá 16 til 24 ára, hefur batnað til muna og sömuleiðis hjá elsta flokknum, frá 55 ára upp í 74 ára. Það þýðir ekki að fólk á miðlungsaldri sé að dragast aftur úr heldur getur það hreinlega ekki bætt meiru við sig, þannig að sá hópur stendur nánast í stað.