Illskeytt veira í Angóla

Skæð veira herjar nú á íbúa Angóla en í það minnsta 194 hafa látist af hennar völdum að undanförnu. Sjúkdómseinkennin sem hin svonefnda-Marburg veira leiðir af sér eru svipuð ebóla-veikinni og því er vonast til að bóluefnið sem notað er gegn henni dugi einnig gegn nýju veirunni. Læknar frá Sameinuðu þjóðunum og samtökunum Læknar án landamæra eru á vettvangi og hjúkra fólkinu. Það hefur valdið þeim vandræðum að fólk felur gjarnan sjúka ættingja sína fyrir þeim þar sem það óttast að ástvinir sínir verði teknir burt.