Terri Schiavo öll

Terri Schiavo andaðist í gærmorgun á hjúkrunarheimilinu í Pinellas Park í Flórída. Þar með lýkur sjö ára löngu stríði yfir örlögum hennar sem foreldrar hennar og eiginmaður háðu. Deilurnar náðu hámarki þegar Bandaríkjaforseti blandaði sér í málið í fyrir nokkrum dögum. Terri Schiavo var 41 árs að aldri en árið 1990 skaðaðist hún alvarlega á heila. Síðustu þrettán sólarhringana í lífi sínu var hún án næringar. Foreldrar hennar voru að vonum miður sín og sagði lögmaður þeirra að þau væru afar döpur yfir að hafa ekki fengið að vera hjá dóttur sinni á dánarstundinni.