Heimsóttu gröf Arafats

Hópur íslenskra þingmanna heimsótti fyrrum höfuðstöðvar og gröf Jasser Arafat, fyrrverandi leiðtoga Palestínu, í ferð sinni um Ramallah á Vesturbakkanum í gær. "Gröfin var þakin blómum. Hún var mjög virðuleg og hafði yfir sér látlaust yfirbragð," sagði Magnús Þór Hafsteinsson. Þrátt fyrir að einhverjir Palestínumenn hafi notað pálmasunnudaginn í gær til að mótmæla hertöku Ísraela á Vesturbakkanum sagðist Magnús Þór ekkert hafa orðið var við slíkt. "Það var allt með kyrrum kjörum. Palestínumennirnir hafa verið mjög vinsamlegir og vilja allt fyrir okkur gera."