Montgomerie efstur í Singapúr

Skotinn Colin Montgomerie lék best allra á fyrsta degi Opna Singapúrmótsins í golfi í morgun. Montgomerie lék á 7 undir pari og er þremur höggum á undan þremur öðrum kylfingum, Englendingunum Mark Foster og Nick Dougherty og Malasíumanninum Danny Chia. Fimm kylfingar eru jafnir eftir fyrsta keppnisdag á Bob Hope Chrysler Classic mótinu á La Quinta vellinum í Kaliforníu. Robert Damron, Ted Purdy, Duffy Waldorf, Jeff Ogilvie og Fred Funk eru allir á 8 undir pari. Fimm kylfingar eru síðan jafnir, einu höggi á eftir fimmenningunum.