Sundabraut bíður enn

Frestað var á fundi borgarráðs Reykjavíkur í vikunni afgreiðslu á tillögu borgarfulltrúa Sjálfstæðisflokks um Sundabraut. Tillaga borgarfulltrúanna gengur út á að farin verði innri leið við lagningu brautarinnar með þeim breytingum sem Skipulagsstofnun hefur lagt til. Þá er lagt til að undirbúningi málsins verði hraðað eftir megni í samvinnu við Vegagerðina og því verði beint til skipulagsnefndar borgarinnar að hefja þegar vinnu við nauðsynlegar breytingar á aðalskipulagi vegna lagningar brautarinnar.