Tugir látast af völdum heimilisofbeldis

Alls hafa 52 konur látist á Spáni af völdum heimilis­ofbeldis það sem af er árinu, enda þótt stjórnvöld hafi í ársbyrjun hafið mikla herferð gegn því sem spænskir fjölmiðlar kalla "hryðjuverk á heimilunum".

Heimilisofbeldi er alvarlegt þjóðfélagslegt vandamál í landinu en tiltölulega stutt er síðan yfirvöld gerðu sér grein fyrir ástandinu. Hafa hin síðustu ár milli 50 og 150 konur látist vegna þess á hverju ári. Konurnar eru á öllum aldri og er þær yngstu allt niður í sextán ára sem hafa orðið fórnarlömb eiginmanna eða elskhuga sinna.