Áheitaróður á hættuslóðum

Kjartan Jakob Hauksson sem rær nú umhverfis landið lenti í óhappi á erfiðasta kafla ferðarinnar þegar fótstig brotnaði skammt frá Hornafirði og því afréð hann að leita í land í Skinneyjarhöfða því ekki væri á það hættandi að fara þessa leið á varafótsigi sem aðeins er ætlað í neyðartilfellum. "Ég ætla að reyna að komast upp í Jökulárlón eða að Ingólfshöfða," sagði Kjartan meðan hann mat veðurskilyrði frá fjörunni í Skinneyjarhöfða í gær viðbúinn að ýta úr vör. "Það er ekki víða hægt að ná í land á suðurströndinni og því er ég viðbúinn því að þurfa að fara í gegnum brim frekar en að leita í land þó það brjóti jafnvel bátinn," segir ræðarinn. Aðeins einn annar ræðari hefur gert tilraun til að róa umhverfis landið en hann lagði árar í bát við Hornarfjörð og treysti sér ekki meðfram suðurströnd landsins þar sem erfitt er að ná að landi. Það er því ljóst að mesti áhætturóðurinn bíður Kjartans næstu daga.