Fleyttu blómum á slysstaðnum

Félagar í Snarfara, félagi sportbátaeigenda í Reykjavík, fleyttu í gær blómum þar sem bátur eins félaga þeirra fórst á Viðeyjarsundi um síðustu helgi. Í gær var haldin bænastund í félagsheimili Snarfara í Naustavogi vegna slyssins og felld niður áður fyrirhuguð hátíð vegna 30 ára afmælis félagsins. Bænastundinni stjórnaði sr. Sigurður Helgi Guðmundsson. "Snarfari er félagsskapur ríflega 250 einstaklinga sem hafa í þrjátíu ár haft ánægju af siglingum um hafsvæðið í kringum Reykjavík. Félagið hefur blessunarlega ekki orðið áður fyrir atburðum sem þessum í 30 ára sögu sinni," segir í tilkynningu og vísað til slyssins um síðustu helgi. "Félagið í heild er í sárum vegna aðburðanna, en hefur þó getað veitt aðstandendum aðstoð þá erfiðu viku sem liðin er frá slysinu. Félagið hefur tekið þátt í leit þar sem allt að 130 félagar á samtals 35 bátum hafa siglt hafsvæðið frá Gróttu og að Akranesi."