Konur hafa áhrif á heimsmálin

Askalú Menkeríos, fyrrverandi hermaður og núverandi menningarmálaráðherra Erítreu, segir að Vigdís Finnbogadóttir hafi sannað það fyrir heiminum að konur geti verið þjóðarleiðtogar og haft áhrif á heimsmálin. Hún er komin hingað til lands til að sitja heimsfund menningarmálaráðherra úr röðum kvenna. Heimsfundur menningarmálaráðherranna verður haldinn í Reykjavík í næstu viku, í tilefni af 75 ára afmæli Vigdísar Finnbogadóttur, fyrrverandi forseta Íslands, en fundurinn er samstarf íslensku ríkisstjórnarinnar og heimsráðs kvenleiðtoga. Askalu Menkerios, menningarmálaráðherra Eritreu, flytur erindi um stöðu kvenna í heimalandi sínu. Hún segir heimsfundinn einstakt tækifæri fyrir konur til að koma saman og skiptast á skoðunum um málefni kvenna í mismunandi löndum. Hún telur stærstu hindranirnar í baráttu kvenna fyrir jöfnum rétti, vera hefðir, sem séu konum fjandsamlegar og segir mikilvægt að stjórnarskrárbundinn réttur komi í veg fyrir mismunun þeirra. Askalu segir að stjórnvaldsaðgerðir þurfi til þess að breyta þessu. Hún sagði að gera ætti karlmenn meðvitaðri um þetta og oft viti þeir ekki að þeir séu að gera rangt og haldi einfaldlega að ástandið eigi að vera svona. Þeir halda að konur fái nú þegar nóg. Hún sagði að karlar og konur væru fædd jöfn og stundum eru það hefðirnar og pólitík sem setur konurnar í verri stöðu. Hún sagði að það væru fjölmörg mál sem þyrfti að taka upp og ræða. Hún sagði einnig að Vigdís hefði sannað að konur geta gegnt forystuhlutverki í ríkjum sínum og haft mikið að segja. Askalu er fyrrverandi hermaður í frelsisher Eritreu sem meðal annars barðist gegn Eþíópíu, en fram til ársins 1998 höfðu Eritreumenn lagt niður vopn og komið þeim fyri á söfnum. Eftir það gripu þau aldrei til vopna fyrr en árið 1988 þegar Eþíópíumenn gerðu tikall til landsins og stríðið braust út að nýju. Hún sagði þau hafa verið freslsihermenn en ekki hermenn. Heimsfundur menningarmálaráðherra úr röðum kvenna verður haldinn í Reykjavík á mánudag og þriðjudag og meðal fyrirlesara verður Cherie Booth Blair, eiginkona Tonys Blairs forsætisráðherra Bretlands.