Óljóst með fjölda gísla í Madaen

Hundruð írakskra og bandarískra hermanna umkringdu í gærkvöldi bæinn Madaen, skammt frá Bagdad, og bjuggu sig undir áhlaup til að bjarga sjítum sem mannræningjar héldu í gíslingu. Það voru súnnítar sem héldu gíslunum og hótuðu að drepa þá, hyrfu ekki allir sjítar af svæðinu. Embættismenn í Bagdad segja mannræningjana hafa allt að hundrað og fimmtíu manns í haldi sínu, þar á meðal börn og konur. Talsmenn lögreglu segja aftur á móti að gíslarnir gætu verið mun færri, jafnvel ekki fleiri en þrír.