Glæsifley reynist vandræðadalllur

Eitt mesta glæsifley heims er vandræðadallur. Aurora nefnist flaggskip P&O-skemmtiskipakeðjunnar. Fyrir hálfum mánuði lagði skipið af stað í hundrað daga rándýra ferð um heiminn en komst ekki nema út á Ermarsund þar sem vélarnar gáfu sig. Eftir margra daga pínlega bið úti á hafi voru farþegarnir færðir í land í gær. Þetta eru ekki fyrstu hrakfarir Auroru. Kampavínsflaskan sem notuð var þegar skipinu var gefið nafn brotnaði ekki, sem er óheillamerki. Aurora bilaði í jómfrúrferðinni árið 2000 og fyrir tveimur árum lögðust bæði farþegar og áhöfn í skæða magakveisu sem skemmdi þá ferð.