Ásgeir í prófkjörsslag

Ásgeir Magnússon, framkvæmdastjóri Skrifstofu atvinnulífsins á Akureyri og fyrrum bæjarstjóri í Neskaupstað, hefur tilkynnt að hann hyggist bjóða sig fram í lokuðu prófkjöri Samfylkingarinnar á Akureyri vegna sveitarstjórnarkosninganna á næsta ári. Ásgeir, sem ekki var á lista Samfylkingarinnar í kosningunum fyrir þremur árum, segist ekki vera búinn að taka stefnuna á eitt ákveðið sæti en ætlar að fara í prófkjörið með það fyrir augum að hafa áhrif á störf og stefnumál Samfylkingarinnar á Akureyri.