Andstæðingar Mubarak tapa

Ayman Nour, einn helsti andstæðingur Hosni Mubarak Egyptalandsforseta, missti þingsæti sitt til frambjóðanda stjórnarflokksins í fyrstu umferð egypsku þingkosninganna sem fram fór í vikunni. Einn öflugasti liðsmaður Bræðralags múslima tapaði jafnframt í sínu kjördæmi enda þótt hreyfingin virðist almennt hafa bætt við sig fylgi.

Landskjörstjórn hefur greint frá því að kjörsóknin hafi verið um 34 prósent. Það er skárri þátttaka en í forsetakosningunum í september þegar 23 prósent kusu.