Di Caprio vill Kerry

Stjörnurnar í Bandaríkjunum keppast við að leggja John Kerry lið í kosningabaráttunni fyrir forsetakoningarnar, sem fram fara 2. nóvember næstkomandi. Nýjasta stirnið í aðdáendahóp Kerry er leikarinn snoppufríði Leonardo Di Caprio, sem hefur undanfarið komið fram á kosningafundum Kerrys í Florida og Oregon og hvatt kjósendur til að snúa baki við George Bush forseta og kjósa Kerry í hans stað. Meðal annarra frægðarmenna sem taka virkan þátt í kosningabaráttu Kerrys eru Ben Affleck, Matt Damon, Robert De Niro, Michael Douglas, Sharon Stone, Justin Timberlake, Samuel L. Jackson og Barbara Streisand, svo nokkrir séu nefndir.