Viðskipti innlent

Stjórnendur búast við enn frekari verslunarsamdrætti

Horfur eru á að verslun gæti dregist enn frekar saman á næstunni og lítilsháttar fækkun verði í fjölda starfsmanna. Þetta á sérstaklega við um litlar verslanir. Í niðurstöðum könnunar sem Rannsóknasetur verslunarinnar gerði nýlega meðal stjórnenda í verslun kom þetta fram.

Viðskipti innlent

Skyggnir hlýtur gæðavottun frá BSI

British Standard Institute (BSI) hefur veitt rekstrar- og hýsingarfélaginu Skyggni vottun um upplýsinga-, öryggis- og stjórnkerfi fyrir árið 2009. Skyggnir hlaut fyrst staðfesta vottun á þessu sviði árið 2004 og er hún árlega tekin út af fulltrúum BSI. Þetta segir í fréttatilkynningu frá Skyggni en félagið er eitt af dótturfélögum Nýherja.

Viðskipti innlent

Kreppan hefur áhrif á verð moldarkofa í Gíneu

Það er ekki einungis á Íslandi sem efnahagslægðin í heiminum skýtur niður fæti sínum af fullum þunga en lækkandi fasteignaverð á vesturlöndum teygir anga sína alla leið til vestur-Afríku ríkisins Gíneu. Þar í landi er lítið fjallaþorp, Nionsomoridou, sem notið hefur góðærisins undanfarin ár. Leiguverð á litlum gluggalausum moldarkofum með stráþaki hefur fallið úr jafngildi 20 bandaríkjadala niður í 6,5 dali á mánuði.

Viðskipti innlent

Google valdi Finnland í stað Íslands fyrir tölvumiðstöð

Tölvurisinn Google hafði um skeið mikinn áhuga á því að reisa tölvumiðstöð á Íslandi og hefur víst enn. Hinsvegar valdi Google Finnland fram yfir Ísland fyrsta kastið og keypti hina aflögðu pappírsverksmiðju Summa fyrir utan Helsingfors undir miðstöðina en verksmiðjan kostaði um 7,2 milljarða kr.

Viðskipti innlent

Kæra Valitor til Samkeppniseftirlitsins

Kortaþjónustan hefur sent kvörtun til Samkeppniseftirlitsins þar sem Valitor er sakað um margvísleg og ítrekuð brot á samkeppnislögum og nokkrum tilteknum skilmálum þeirrar sáttar sem fyrirtækið gerði við Samkeppniseftirlitið á síðastliðnu ári.

Viðskipti innlent

Leggja fram frumvarp svo fyrrum starfsmenn Spron fái greidd laun

Viðskiptanefnd Alþingis hefur lagt fram frumvarp sem felur í sér breytingar á lögum um fjármálafyrirtæki. Nefndin vonar að með frumvarpinu verði hægt að greiða rúmlega 100 fyrrverandi starfsmönnum Spron laun. Starfsmennirnir hafa ekki fengið greidd laun frá mánaðarmótum vegna lagatúlkunar skiptanefndar sparisjóðsins.

Viðskipti innlent

Samningarnir forsenda endurreisnarinnar

Samningar íslenskra stjórnvalda um þau bresku og hollensku um Icesave-reikninganna eru forsenda þess að sú endurreisn íslensks efnahagslífs og nú er hafin nái fram að ganga. Þetta er mat Jónasar Haralz, fyrrverandi bankastjóra, og Gylfa Zoega, hagfræðings, en þeir rita saman grein sem birtist í Morgunblaðinu í dag.

Viðskipti innlent

Primera gerir viðhaldsamning

Íslenska flugfélagið Primera Air hefur gert samning um viðhald og viðgerðir við singapúrska fyrirtækið ST Aerospace. Virði samningsins er um 32,5 milljónir dala. Um tvo samninga er að ræða og felur sá fyrri í sér að fyrirtækið er ætíð viðbúið til viðgerða auk þess sem að útvega varahluti. Jafnframt var undirritaður samningur um lendingarbúnað.

Viðskipti innlent

Atvinnuleysi á niðurleið

Skráð atvinnuleysi í júní 2009 var 8,1 prósent eða að meðaltali 14.091 manns. Atvinnuleysi hefur dregist saman um 3,5 prósentustig að meðaltali frá því í maí eða um 504 manns. Á sama tíma á árinu 2008 var atvinnuleysi 1,1 prósent eða 1.842 manns. Atvinnuleysi var meira meðal karla en 8.484 karlar voru atvinnulausir í síðasta mánuði en 5.607 konur. Þetta kemur fram í tilkynningu frá Vinnumálastofnun.

Viðskipti innlent

Fréttaskýring: Ráðgjöfin í kvótanum ræður úthlutun

Jón Bjarnason sjávarútvegsráðherra hefur valið að fara í nær öllu sem máli skiptir eftir ráðgjöf Hafrannsóknar við úthlutun á kvóta fyrir næsta fiskveiðiár. Ráðherrann hefur þó fyrst í samráði við Alþjóða hafrannsóknarráðið ákveðið að leyfilegur hámarksafli af þorski miðist við 20% úr viðmiðunarstofni. Eitt sinn var nokkur sátt um að hafa hlutfallið nokkrum prósentum hærra, þó ekki yfir 25%.

Viðskipti innlent

Bakkavör hækkaði um 3,31%

Velta með ríkisskuldabréf í Kauphöllinni nam tæpum sex milljörðum króna í dag. Hlutabréfavelta nam 42 milljónum króna og hækkuðu bréf Bakkavarar um 3,31% í viðskiptum dagsins. Hlutabréf í Marel lækkuðu um 1,81% og bréf Færeyjabanka lækkuðu um 0,83%. Verð annarra hlutabréfa hreyfðist ekki.

Viðskipti innlent

Starfsánægja Íslandsbankafólks í sögulegu hámarki

„Við vorum að fá niðurstöðu úr svona starfsmannakönnun þar sem er verið að mæla starfsánægju, og í henni kemur fram að starfsandi í bankanum er í sögulegu hámarki," segir Birna Einarsdóttir bankastjóri Íslandsbanka í viðtali við netvarpið.is. Hún segir að starfsmenn bankans hafi verið miður sín eftir bankahrunið en öflugri stefnumótunarvinnu.

Viðskipti innlent

Óvissa um afnám gjaldeyrishafta veikir gengi krónunnar

Lítil trú virðist vera á krónunni og gríðarleg óvissa ríkir varðandi framtíð gjaldeyrishaftanna og hvenær þau verða afnumin. Óvissan veikir gengi krónunnar. Í stöðugleikasáttmála stjórnvalda og aðila vinnumarkaðarins segir að tímasett áætlun verði lögð fram fyrir 1. ágúst næstkomandi um afnám hafta.

Viðskipti innlent

Seðlabankastjóri lagði fram upplýsingar um erlenda skuldastöðu Íslands

Svein Harald Oygard, seðlabankastjóri lagði fram upplýsingar um erlenda skuldastöðu Íslands ásamt mati Seðlabankans á greiðslubyrði vegna Icesave samninganna á sameiginlegum fundi efnahags- og skattanefndar og fjárlaganefndar í morgun. Þar fór hann fram á að þingmenn héldu trúnaði um upplýsingarnar í óákveðinn tíma. Eins og fram hefur komið í fréttum Stöðvar 2.

Viðskipti innlent

Um 200 manns starfa hjá skilanefndum gömlu bankanna

Gera má ráð fyrir að um 200 manns starfi hjá skilanefndum þrotabúa Kaupþings, Glitnis og Landsbankans. Rúmlega 60 manns starfa hjá skilanefnd Kaupþings Ef gert er ráð fyrir að fjöldi starfsmanna sé svipaður hjá skilanefndum Glitnis og Landsbankans þýðir að um 200 manns starfa hjá skilanefndum bankanna.

Viðskipti innlent

Þór Sigfússon formaður SA fer í frí

Vefsíða Samtaka atvinnulífsins segir að Þór Sigfússon, formaður SA, hafi ákveðið að taka sér leyfi frá störfum sem formaður Samtaka atvinnulífsins um óákveðinn tíma, frá og með 9. júlí, þar til mál skýrast varðandi stöðu hans í rannsókn sérstaks saksóknara á fjárfestingarstarfsemi Sjóvar.

Viðskipti innlent

ESB samþykkir lán Lúxemborgar til Kaupþings

Framkvæmdanefnd Evrópusambandsins hefur samþykkt 320 milljón evra, eða tæplega 58 milljarða kr. lán stjórnvalda í Lúxemborg til Kaupþings. Þar með fá belgískir innistæðueigendur Edge-reikninga hjá útibúi Kaupþings þar í landi fé sitt endurgreitt.

Viðskipti innlent

Mest lesið