Erlent

Mikill viðbúnaður vegna réttarhalda yfir ræningjum í Gautaborg

Mikill viðbúnaður hefur verið við dómhúsið í Gautaborg undanfarna daga þar sem staðið hafa yfir réttarhöld vegna ráns sem framið var á flugvellinum í Gautaborg í mars í fyrra. Átta manns eru ákærðir í málinu.

Hryðjuverkamaður enn á lífi

Eitt helsta skotmark Bandaríkjamanna í sprengjuárás í Sómalíu á mánudag er enn á lífi að því er BBC segir frá. Fazul Abdullah Mohammed, sem tilheyrir Al Kaída samtökunum, var sagður hafa látist í sprengjuárásinni á mánudaginn en sendiherra Bandaríkjamanna sagði í dag að hann væri enn á lífi. Mohammed er talinn hafa átt þátt í sprengjuárásum á bandarísk sendiráð í Afríku árið 1998.

Unga fólkið vill Royal

Yngstu kjósendurnir í Frakklandi eru hrifnari af frambjóðanda Sósíalistaflokksins, Ségoléne Royal, en innanríkisráðherranum Nicholas Sarkozy. Í könnun sem gerð var fyrir fríblaðið Metro myndu 53% 18-29 ára Frakka kjósa Royal ef valið stæði á milli þessara tveggja í seinni umferð forsetakosninganna.

Flokksbræður Bush ekki sannfærðir

Samflokksmenn Bush Bandaríkjaforseta virðast ekki að fullu sannfærðir um Íraksstefnu forsetans og ákvörðun hans að fjölga í herliði Bandaríkjamanna. Í gær höfðu allt í allt 7 öldungadeildarþingmenn repúblikana lýst því yfir að þeir styddu ekki fjölgun hermanna í Írak. Sumir höfðu jafnvel lýst andstöðu við stefnu flokksbróður síns úr ræðustóli þingsins.

Viltu eitt eða tvö egg ?

Bóndinn var ekki heima þegar þrjú svín brutust út úr stíu sinni á býli hans, sem er í Temerin í Serbíu, um sjötíu kílómetra norðvestan við Belgrad. Svínin röltu sér inn í íbúðarhúsið til að skoða sig um. Þar velti eitt þeirra um sjónvarpstæki með miklum látum.

Carlsberg reiðubúið að greiða fyrir lestarsamgöngur í Valby

Danska bruggfyrirtækið Carlsberg segist reiðubúið að greiða hluta af kostnaði við að leggja neðanjarðarlestarteina út í Valby í Kaupmannahöfn ef það verði til þess að lest komi við í fyrirhugaðri byggð sem ætlunin er reisa þegar fyrirtækið flytur þaðan til Fredericia.

Fyrrverandi Eþíópíuleiðtogi fær lífstíðarfangelsi

Mengistu Haile Mariam, fyrrverandi leiðtogi Eþíópíu, var fjarverandi þegar lífstíðarfangelsisdómurinn var kveðinn upp yfir honum í morgun, rétt eins og hann hefur verið fjarverandi öll réttarhöldin. Meðan Mugabe er við völd í Zimbabwe, þar sem Mariam hefur hæli, þá mun hann ekki verða framseldur til Eþíópíu til að afplána dóminn.

Réðust inn á ræðismannsskrifstofu

Krefjast þess að Guantánamo-búðunum verði lokað

Staðið verður fyrir mótmælum víða um heim í dag þar sem þess verður krafist að fangabúðum Bandaríkjamanna við Guantánamo-flóa verði lokað. Það eru eru mannréttindasamtök víða um heim sem standa fyrir mótmælunum þar sem þess verður minnst að búðirnar hafa verið starfræktar í fimm ár.

Apple sakað um að hafa stolið vörumerkinu iPhone

Bandaríska tæknifyrirtækið Cisco Systems hefur höfðað mál á hendur Apple og sakar það um að hafa stolið vörumerkinu iPhone. Apple kynnti í fyrra dag fyrsta farsímann sem fyrirtækið hefur hannað undir þessu nafni en Cisco segist hafa átt vörumerkið iPhone frá árinu 2000.

Hermenn sendir til höfuðs glæpaklíkum í Mexíkó

Yfirvöld í Mexíkó hafa skorið upp herör gegn glæpaklíkum í nokkrum héruðum landsins og hafa þess vegna sent þúsundir hermanna til héraðanna.

Segjast hafa fellt 150 talibana

Atlantshafsbandalagið greindi frá því í dag að hermenn bandalagsins og afganski herinn hefðu fellt hátt í 150 uppreisnarmenn úr röðum talibana í austurhluta Afganistans.

Olía aftur byrjuð að streyma frá Rússlandi til Mið-Evrópu

Olía er aftur byrjuð að streyma frá Rússlandi til Austur og Mið-Evrópu eftir að Rússar og Hvít-Rússar komust að samkomulagi í gær í olíudeilu sinni.

Daniel Ortega sestur í forsetastól Níkaragúa

Daniel Ortega, fyrrverandi byltingarleiðtogi í Níkaragúa, var í gær svarinn inn í embætti forseta landsins, tveimur mánuðum eftir að hann sigraði í forsetakosningum þar í landi. Þúsundir fögnuðu Ortega í höfuðborginni Managúa þar sem hann fagnaði áfanganum ásamt Hugo Chaves, forseta Venesúela, og Evo Morales, forseta Bólivíu.

Krónan tefur fyrir bensínlækkun hér á landi

Olíuverð hélt áfram að lækka á heimsmarkaði í gær og er tunnan í Bandaríkjunum komin niður í 54 dollara. Það er lægsta verð í tæp tvö ár og hefur olíuverðið lækkað um 12 prósent frá áramótum.

Flak indónesísku flugvélarinnar loks fundið

Hernaðaryfirvöld í Indónesíu hafa skýrt frá því að flak flugvélar sem fórst í Indónesíu á nýársdag sé loks fundið. Það voru fiskimenn sem fundu hluta af flakinu á hafsbotni nærri eyjunni Sulawesi en vélin var á leið þangað.

Bretar fækka hermönnum í Írak með vorinu

Á sama tíma og bandarísk stjórnvöld vilja fjölga hermönnum í Írak greinir breska blaðið Daily Telegraph frá því að bresk stjórnvöld hyggist kalla heim hátt í þrjú þúsund hermenn frá landinu fyrir lok maímánaðar. Sagt er að Tony Blair forsætisráðherra muni tilkynna þetta innan tveggja vikna.

Bush viðurkenndi mistök í Írak

George Bush Bandaríkjaforseti viðurkenndi í fyrsta sinn í gær að hann hefði gert mistök með stefnu sinni í Írak um leið og hann tilkynnti að bandarískum hermönnum yrði fjölgað um 21.500 til þess að reyna að binda enda á blóðbaðið í landinu.

Nýtur meiri vinsælda nú

Ehud Barak, fyrrverandi forsætisráðherra Ísraels, tilkynnti nýlega að hann hygðist snúa aftur á vettvang stjórnmálanna. Barak gæti, samkvæmt nýrri skoðanakönnun, átt góða möguleika á að verða aftur leiðtogi Verkamannaflokksins.

Fullyrðingar um málamiðlun

Stjórnvöld í Hvíta-Rússlandi afnámu í gær toll sem þau settu í síðasta mánuði á olíu frá Rússlandi, þegar Rússar hækkuðu verð á olíu. Áður höfðu talsmenn stjórnvalda í Minsk fullyrt að málamiðlun hefði náðst í deilunni eftir að forsetar grannlandanna tveggja, Viktor Lúkasjenko og Vladimír Pútín, ræddust við í síma í gær.

Sex manns dóu í sprengingu

Sex létust og 22 særðust í sprengingu á markaði á Filippseyjum í gær. Önnur sprengja sprakk á sama svæði stuttu síðar og særði tvo.

Villandi upplýsingar frá ESB

Evrópusambandið þarf að breyta „ónákvæmum og villandi“ ráðleggingum um bætur til flugfarþega segir umboðsmaður ESB, P. Nikiforos Diamandouros.

Leiði heiminn inn í nýja tíma

Þjóðir Evrópu verða að breyta orku-neysluháttum sínum og leiða heiminn inn í „nýja tíma sem taka við af tímum iðnbyltingarinnar", sagði Jose Manuel Barroso, forseti framkvæmdastjórnar Evrópusambandsins við kynningu á metnaðarfullri áætlun um það hvernig aðildarríkin geta farið að því að verða minna háð innfluttri olíu og gasi og minnkað losun gróðurhúsalofttegunda.

Háttsettur al-Kaída-liði féll

Háttsettur liðsmaður Al-Kaída, sem hefur lengi verið eftirlýstur vegna gruns um að standa á bakvið hryðjuverkaárás á bandarísk sendiráð í Austur-Afríku, féll í loftárásum Bandaríkjahers í Sómalíu, að sögn Abdirizak Hassan, starfsmannastjóra forseta landsins.

Bush leggur fram áætlun

Demókratar staðráðnir í að láta þingið greiða atkvæði um fjölgun í herliði Bandaríkjanna. Harðir bardagar hafa geisað í Bagdad síðustu daga.

Framsalsáætlun CIA fyrir rétti

Réttur í Mílanó hóf á þriðjudag vitnaleiðslur til að skera úr um hvort lögsækja beri 26 Bandaríkjamenn og fimm Ítala fyrir mannrán á múslímaklerki grunuðum um hryðjuverkatengsl árið 2003.

Flugvélin loks fundin

Hernaðaryfirvöld í Indónesíu hafa skýrt frá því að flak flugvélar sem fórst í Indónesíu í síðustu viku sé loks fundið. Svo virðist sem hluti af flakinu liggi á hafsbotni nærri Sulawesi, en vélin var á leið þangað. Lengi hefur verið leitað að vélinni og mikil reiði varð þegar herinn tilkynnti að vélin hefði fundist í fjallendi og tólf komist af en það reyndist síðan rangt.

Bandaríkjamenn neita loftárásum

Bandaríkin hafa neitað því að hafa ráðist á skotmörk í Sómalíu í dag og segjast aðeins hafa gert árásir á mánudaginn síðastliðinn. Loftárásir voru þó gerðar og segja bandarísk yfirvöld að þar hafi verið að verki eþíópíski herinn.

Chavez hyggur á frekari þjóðvæðingu

Hugo Chavez var í dag settur í embætti forseta Venesúela til næstu sex ára. Hann vann stórsigur í kosningum í fyrra og hefur á þeim grundvelli ákveðið að ýta úr vör umfangsmiklum þjóðvæðingarverkefnum. Chavez hafði þegar sagt að hann ætlaði sér að þjóðvæða fjögur olíuverkefni sem og fjarskiptafyrirtæki en bætti svo við í ræðu eftir athöfnina í dag að hann hygðist þjóðvæða jarðgasverkefni líka.

Bush fjölgar hermönnum um 21.500

Samkvæmt nýjustu fregnum mun George W. Bush, forseti Bandaríkjanna, fjölga hermönnum í Írak um 21.500 manns. Áður var talið að það myndu verða 20.000. Einnig hefur verið skýrt frá því að Bush ætli sér að biðjast afsökunar á því að hafa ekki haft nógu marga hermenn í Írak eftir innrásina.