Erlent

Yfir þúsund lögreglumenn réðust inn í úthverfi Parísar

Yfir þúsund franskir lögreglumenn réðust inn í eitt af úthverfum Parísar í morgun og leituðu að persónum sem stóðu fyrir uppþotunum í borginni í nóvember í fyrra. Alls hafa um 30 manns verið handteknir en ekki er vitað hvort meðal þeirra séu þeir sem lögreglan leitar að.

Erlent

Ráðherrafundur EB um Kosovo haldinn í dag

Utanríkisráðherrar Evrópubandalagsins koma saman til fundar í dag til að ræða sjálfstæði Kosovo. Reiknað er með að mörg ríki innan bandalagsins muni viðurkenna sjálfstæði Kosovo í dag.

Erlent

Stjórnvöld í Kósóvó hafa lýst yfir sjálfstæði

Stjórnvöld í Kósóvó lýstu í dag yfir sjálfstæði héraðsins. Mikil spenna hefur ríkt undanfarna daga vegna þessarar ákvörðunar sem tekin er í óþökk Serba og Rússa. Fyrir helgi samþykkti Evrópusambandið að senda tvö þúsund manna gæslulið til Kósóvó til að annast eftirlit með lög- og dómgæslu og borgaralegri stjórn í héraðinu eftir að sjálfstæði hefði verið lýst yfir.

Erlent

80 þúsund hermenn gæta öryggis í Pakistan

Áttatíu þúsund hermenn eru að störfum víðsvegar í Pakistan til að tryggja öryggi fyrir þingkosningar sem fara fram í landinu á morgun. Asif Ali Zardari, ekkill Benazir Bhutto og leiðtogi stærsta stjórnarandstöðuflokksins í landinu kallar eftir friði eftir að sjálfsmorðssprengja varð 37 manns að bana þar í gær.

Erlent

Bush vill tryggja frið í Kósóvó

Bush Bandaríkjaforseti segir að allt verði gert til að tryggja að ekki komi til átaka í Kosovo-héraði þegar að ráðamenn þar lýsa yfir sjálfstæði frá Serbíu. Fastlega er búist við að það gerist í dag.

Erlent

Áttatíu féllu í sjálfsvígsárás í Kandahar

Minnst áttatíu féllu og fjölmargir særðust í sjálfsvígssprengjuárás á vinsælum útivistarstað í Kandahar-héraði í Suður-Afganistan í morgun. Árásin er sú mannskæðasta í landinu í marga mánuði. Héraðsstjórinn í Kandahar segir Talíbana hafa verið að verki en þeir hafa ekki lýst árásinni á hendur sér.

Erlent

Kveiktu í barnaheimili í Árósum

Kveikt var í barnaheimili í Tilst, úthverfi Árósa, á sjöunda tímanum í kvöld að íslenskum tíma. Lögreglan segir að hættan sé yfirstaðin og tveir piltar á aldrinum 15 og 16 ára hafi verið handteknir. Slökkvistarf er lokið og talið er að einungis lítill hluti af barnaheimilinu hafi eyðilagst.

Erlent

Sjö létust í ólöglegum kappakstri

Sjö manns létust þegar bíll keyrði inn í mannþröng í ólöglegum kappakstri í Maryland í Bandaríkjunum. Slysið varð klukkan tuttugu mínútur í níu í morgun að íslenskum tíma, um 32 kílómetrum frá Washington DC, höfuðborg Bandaríkjanna. Auk þeirra sjö sem létust slösuðust fjórir, að sögn lögreglunnar. Ekki er vitað nánar um ástand hinna slösuðu.

Erlent

Eistar bjóða samstarf

Utanríkisráðherra segir Eistlendinga fremsta þjóða í vörnum gegn tölvuglæpum. Margt sé hægt að læra af þeim í vörnum gegn þessari einni helstu öryggisógn tuttugust og fyrstu aldarinnar.

Erlent

Sækir um pólitískt hæli

Einn kosningastjóra stjórnarandstöðunnar í Kenýa hefur sótt um hæli sem pólitískur flóttamaður á Íslandi. Vegabréfsáritun hans rennur út á mikvikudaginn, en hann segist vera á aftökulista yfirvalda í Kenýa.

Erlent

Allt logar í Danmörku

Í gærkvöldi og nótt loguðu eldar í fleiri dönskum bæjum en áður, meðal annars í Kaupmannahöfn, Árósum og Óðinsvéum. Reið ungmenni kveiktu í ruslagámum, bílum og skólum.

Erlent

Hátt í 40 létust í sjálfsmorðssprengingu í Pakistan

Þrjátíu og sjö manns biðu bana og níutíu særðust í sjálfsmorðssprengingu á fundi stuðningsmanna Benazir Bhuttos heitinnar í Parachirans í Pakistan í dag. Sprengjuárásin var gerð á lokadegi kosningabaráttu fyrir þingkosningar sem fara fram í landinu á mánudaginn.

Erlent

Evrópusambandið sendir 2000 manna lið til Kósóvó

Evrópusambandið samþykkti í gærkvöldi að senda tvö þúsund manna gæslulið til Kósóvó til að annast eftirlit með lög- og dómgæslu og borgaralegri stjórn í héraðinu eftir að Kósóvó-Albanar hafa lýst einhliða yfir sjálfstæði frá Serbíu. Fastlega er búist við að þeir geri það á morgun, í óþökk Serba og Rússa.

Erlent

Fossett talinn af

Vellauðugi ævintýramaðurinn Steve Fossett var í gær úrskurðaður látinn. Hans hefur verið saknað í fimm mánuði - eða allt frá því lítil flugvél með hann einan innanborðs hvart yfir eyðimörkinni í Nevada-ríki í Bandaríkjunum.

Erlent

George Bush á faraldsfæti

George Bush Bandaríkjaforseti hóf ferðalag sitt um Afríku í morgun. Fyrsti viðkomustaðurinn er Benín. Forsetinn mun heimsækja fjögur önnur ríki á sex daga ferð sinni um álfuna. Hann fer til Tansaníu, Rúanda, Ghana og Líberíu. Þetta er önnur heimsókn hans til Afríku frá því hann tók við völdum eftir forsetakosningarnar 2000.

Erlent

Enn átök í Danmörku

Til harðra átaka kom milli lögreglu og ungmenna víða í Danmörku í nótt. Þetta er sjötta nóttin í röð sem ungmenni á aldrinum þrettán til átján ára - flest af erlendu bergi brotin - leggja eld að bílum, ruslagámum og húsum í úthverfum Kaupmannahafnar til að tjá óánægju sína með að skopmynd af Múhameð spámanni var birt í dönskum blöðum í vikunni.

Erlent

Ég er elst í heimi

Svo virðist sem hin 114 ára bandaríska kona Edna Parker sé ekki lengur elst í heimi samkvæmt Heimsmetabók Guiness, jafnvel þótt hún hafi ekki gefið upp öndina. Mariam Amash í ísraelska bænum Jisr az-Zarqa heldur því nefnilega fram að hún sé 120 ára, fædd árið 1888

Erlent

Illinois morðinginn var afburðanemandi

Maðurinn sem hóf skothríð í Northern Illinois háskólanum í Bandaríkjunum í gærkvöld með þeim afleiðingum að fimm féllu hét Stephen Kazmierczak. Hann var 27 ára gamall og stundaði framhaldsnám í félagsfræði við skólann. Hann var vopnaður þremur skammbyssum og haglabyssu.

Erlent

Bíða þess að vera grýtt og aflimuð

Sex manns bíða þess að vera grýttir í hel í Bauchi héraði í Nígeríu. Fjörutíu og sex til viðbótar bíða þess að höggnir verði af þeim limir, fyrir einhver afbrot.

Erlent

Hamas orðar vopnahlé við Ísrael

Hamas samtökin hafa sagt Egyptum að þeir myndu íhuga að semja vopnahlé við Ísrael, ef Ísraelar opnuðu aftur landamæri sín að Gaza ströndinni og hættu hernaðaraðgerðum á landsvæðum Palestínumanna.

Erlent

Mest lesið