Erlent

Læknirinn Tiller borinn til grafar

George Tiller, læknir sem þekktur var fyrir að framkvæma fóstureyðingar á konum sem gengu með mjög þroskuð fóstur, var borinn til grafar í dag. Hundruð syrgjendur minntust Tillers í borginni Wichita í Kansasfylki en hann var myrtur fyrir viku. Tveir andstæðingar fóstureyðinga voru handteknir í dag þegar athöfnin fór fram.

Erlent

Fjöldi fórnarlamba á dagheimilinu eykst

Fjöldi barna sem létust eftir bruna á dagheimili í norðvesturhluta Mexíkó í gær eykst stöðugt. Nú eru 35 börn látin en að auki slösuðust tugir barna í eldinum, mörg hver afar illa.

Erlent

Lík úr flugslysinu fundin

Brasilíski flugherinn fann í dag lík tveggja karlmanna sem fórust með farþegaþotu Air France aðfaranótt mánudagsins síðasta. Brak úr vélinni sem og persónulegir munir fundust einnig í dag.

Erlent

Ráðist á lögreglustöð í Pakistan

Undanfarið hefur fjöldi fólks farist í mannskæðum sprengjuárásum ódæðismanna í Pakistan. Nú síðast í dag var lögreglustöð í höfuðborginni, Islamabad, skotmarkið. Einn lögreglumaður lést í árásinni og þá eru að minnsta kosti þrír særðir eftir árásina.

Erlent

Innrásarinnar í Normandí minnst

Leiðtogar Frakklands, Bandaríkjanna og Bretlands voru viðstaddir minningarathöfn í Frakklandi í morgun, þegar þess var minnst að 65 ár eru liðin frá innrásinni í Normandí.

Erlent

Rannsókn flugslyssins á byrjunarreit

Franskir og brasilískir leitaflokkar hafa ekki enn fundið brak sem talið er vera úr Air France farþegaþotunni sem fórst aðfaranótt mánudagsins síðasta. Einn íslenskur ríkisborgari var um borð.

Erlent

Með töskur úr kókaíni í flug

Ung kona var handtekin í Chile fyrr í vikunni fyrir fíkniefnasmygl. Konan ætlaði að fara um borð í flugvél á leið frá Chile til Spánar með tvær ferðatöskur, sem voru gerðar úr kókaíni.

Erlent

Uppstokkun í Bretlandi

Breski forsætisráðherrann Gordon Brown ætlar ekki að segja af sér embætti. Sex ráðherrar hafa hætt í ríkisstjórn hans á síðustu dögum. John Hutton varnarmálaráðherra og Geoff Hoon samgönguráðherra sögðu báðir af sér í gær. Afsagnir þeirra í gær komu í kjölfar afsagnar James Purnell atvinnumálaráðherra á fimmtudagskvöld. Áður höfðu Hazel Blears sveitarstjórnarráðherra og Jacqui Smith innanríkisráðherra sagt af sér ráðherradómi. Paul Murphy, ráðherra gagnvart Wales, hefur einnig sagt af sér.

Erlent

Fangelsisyfirvöld gerðu mistök

Fangelsismálayfirvöld í Bretlandi hafa viðurkennt að hafa gert mistök sem áttu hlut í því að tveir franskir námsmenn voru myrtir á hrottalegan hátt í London í fyrra. Annar morðingjanna var á skilorði og átti að vera undir miklu eftirliti. Tveir breskir menn voru í gær fundnir sekir um morðin hrottalegu.

Erlent

Fundu óvænt risastórt eldfjall

Vísindamenn hafa við rannsóknir á eðli flóðbylgja uppgötvað risavaxið neðansjávareldfjall undan vesturströnd Indónesíu. Fjallið er um 4.600 metrar á hæð og fimmtíu kílómetrar að þvermáli. „Þetta var algjörlega óvænt,“ sagði einn vísindamannanna í gær.

Erlent

Brown mun ekki segja af sér

Gordon Brown, forsætisráðherra Bretlands, segir að ný ríkisstjórn muni einbeita sér að því að þjóna þjóð sinni af heilum hug en fimm ráðherrar hafa sagt af sér á undanförnum fjórum dögum.

Erlent

Alan Johnson tekur við af Jacqui Smith

Alan Johnson verður nýr innanríkisráðherra í bresku ríkisstjórninni og tekur hann við af Jacqui Smith sem sagði af sér á dögunum. Johnson gegndi áður embætti heilbrigðisráðherra. Þetta kemur fram á heimasíðu BBC en Gordon Brown forsætisráðherra hefur staðið í ströngu síðustu daga og hafa þrír ráðherrar sagt af sér embætti.

Erlent

Skriftir eru ekki sálfræðimeðferð segir Vatíkanið

Ferð í skriftastólinn með tilheyrandi syndajátningum jafnast ekki á við sálfræðimeðferð. Vatíkanið hefur nú kveðið upp úrskurð um þetta og gerði erkibiskupinn Mauro Piacenza það að umtalsefni sínu í útvarpsviðtali nú í vikunni.

Erlent

Obama kominn til Þýskalands

Barack Obama Bandaríkjaforseti er nú kominn til Þýskalands í opinbera heimsókn þar sem hann mun meðal annars eiga viðræður við Angelu Merkel kanslara landsins.

Erlent

Kallar eftir nýju upphafi

Barack Obama Bandaríkjaforseti kallaði eftir nýju upphafi í samskiptum Bandaríkjanna og múslima í ræðu sinni í Kaíró í Egyptalandi í gær. Hann sagði að binda þyrfti enda á vítahring tortryggni og ósættis. Í sameiningu væri hægt að takast á við hryðjuverkamenn og öfgastefnur um allan heim og vinna að friði í Mið-Austurlöndum.

Erlent

Veitir Gordon Brown náðarhöggið

Atvinnumálaráðherra Breta, James Purnell, sagði af sér ráðherradómi í kvöld og er talinn hafa veitt forsætisráðherra Breta, Gordon Brown, pólitískt náðarhögg með afsögn sinni.

Erlent

Brasilíski sjóherinn finnur meira brak úr vélinni

Brasilíski sjóherinn er kominn á þær slóðir þar sem talið er að Airbus farþegaþota Air France flugfélagsins hafi hrapað aðfaranótt mánudags. Talið er að flugriti vélarinnar, eða hinn svokallaði svarti kassi, muni aldrei finnast þar sem hann er staðsettur á gríðarlega miklu dýpi.

Erlent

Cameron vill þingkosningar

Þingmenn Verkamannaflokksins í Bretlandi safna nú undirskriftum til að knýja á um að Gordon Brown, forsætisráðherra Bretlands og leiðtoga flokksins, víki. Talið er að framtíð hans í stjórnmálum geti ráðist af úrslitum Evrópu- og sveitastjórnakosningar sem fara fram í Bretlandi í dag. David Cameron, leiðtogi Íhaldsflokksins, vill að þing verði rofið og boðað verði til kosninga.

Erlent

Obama vill byrja upp á nýtt

Barack Obama Bandaríkjaforseti vill nýtt upphaf í samskiptum Bandaríkjanna og Múslimaríkja. Múslimatrú sé ekki vandamálið í baráttunni við öfgamenn heldur eitthvað sem nota skuli til að boða frið. Þetta sagði forsetinn í ávarpi í Egyptlandi í morgun.

Erlent

Api tók rafmagn af 7.000 japönskum heimilum

Apa nokkrum tókst að rjúfa rafstraum til um það bil 7.000 heimila í Aomori-héraðinu í Japan á þriðjudaginn. Apinn komst inn í spennistöð svæðisins og tók að fikta þar í ýmsum rofum þar til hann greip um aðalöryggi stöðvarinnar og fékk heiftarlegt rafstuð.

Erlent

Breti dæmdur til lífstíðar í Laos

Tvítug bresk kona, Samantha Orobator, hefur verið dæmd í lífstíðarfangelsi í Laos fyrir að reyna að smygla rúmum 700 grömmum af heróíni þaðan og til Taílands í ágúst í fyrra.

Erlent

Obama á ferðalagi um Mið-Austurlönd

Barack Obama Bandaríkjaforseti hóf tveggja daga ferð sína um Mið-Austurlönd með því að heimsækja Abdullah, konung Sádi-Arabíu, í gær. Abdullah og Obama ræddu saman stuttlega fyrir framan blaðamenn en héldu síðan til fundar.

Erlent

Mest lesið