Erlent

Kínverjar tóku Shaikh af lífi

Bretinn Akmal Shaikh, sem kínverskur dómstóll dæmdi til dauða fyrir heróínsmygl, var tekinn af lífi klukkan hálfþrjú í nótt að íslenskum tíma, líklegast með byssuskoti í höfuð eins og tíðkast í kínverskum aftökum.

Erlent

Að segja 2010 hjá BBC

Innanhússumræður eru nú um það hjá breska ríkisútvarpinu BBC hvernig orða skuli árið 2010 en gert er ráð fyrir því í reglum að samræmi sé meðal allra þeirra, sem tala í hljóðvarp þess eða sjónvarp, um hvernig vísað er til ártalsins.

Erlent

Al Qaeda stóðu að baki sprengjutilraun

Hryðjuverkasamtökin al Qaeda hafa lýst á hendur sér tilraun til þess að sprengja farþegavél Northwest-flugfélagsins í loft upp á jóladag í flugi milli Amsterdam og Detroit en nígerískur farþegi um borð í vélinni reyndi að sprengja sprengju sem hann hafði meðferðis en mistókst. Í yfirlýsingu al Qaeda segir að ætlunin hafi verið að hefna fyrir aðgerðir Bandaríkjahers í Yemen og hafi nýrri gerð af sprengju verið beitt sem hafi ekki sprungið vegna tæknilegra mistaka. Þá segir að Bandaríkjamenn megi búast við fleiri árásum.

Erlent

Umbótasinnar myrtir í Teheran

Ómögulegt er að fá staðfest hversu margir hafa látist í mótmælunum í Íran, þar sem stjórnvöld hafa takmarkað mjög starf erlendra fréttamanna í landinu. Samkvæmt írönskum ríkisfjölmiðlum létust átta á sunnudaginn en umbótasinnar segja að fimmtán hafi látist. Hundruð manna hafa verið tekin höndum.

Erlent

Benedikt páfi heldur ótrauður áfram

Benedikt XVI páfi heimsótti súpueldhús fyrir heimilislausa í gær. Þetta var fyrsta ferð hans út fyrir Vatíkanið eftir að hann varð fyrir árás á aðfangadagskvöld. Páfinn gekk á meðal almennings, heilsaði fólki og kyssti börn.

Erlent

Kínverskt flutningaskip laust úr haldi

Sómalskir sjóræningjar slepptu í gær kínverska flutningaskipinu De Xin Hai ásamt 25 manna áhöfn en skipinu rændu þeir í október þegar það flutti 76.000 tonn af kolum frá Suður-Afríku til Indlands.

Erlent

Fundu leifar hershöfðingja

Kínverskir fornleifafræðingar telja sig hafa fundið gröf hins alræmda hershöfðingja Cao Cao sem uppi var á þriðju öld.

Erlent

Skuggalegir skoteldar

Tæplega fertugur maður í Greve, rétt utan við Kaupmannahöfn, hefur verið handtekinn fyrir að selja lífshættulega og ólöglega flugelda úr tveimur vörubílum við verslunarmiðstöð þar í bænum.

Erlent

Bretar forðast vask

Mikil örtröð varð í breskum verslunum í gær þegar almenningur notaði síðustu daga ársins til að kaupa sjónvörp, þvottavélar og fleiri heimilistæki áður en virðisaukaskattur hækkar úr 15,5 prósentum í 17,5 um áramótin þar í landi.

Erlent

Skálmöld í Teheran

Fimm íranskir stjórnarandstæðingar eru nú látnir í mótmælum í Teheran, höfuðborg Írans, að sögn írönsku IRNA-fréttastofunnar. Dauðsföllin eru í rannsókn en talið er að þau séu orsök ólögmætrar valdbeitingar lögreglu.

Erlent

Mótmælendur skotnir til bana

Fjórir mótmælendur voru skotnir til bana í Teheran, höfuðborg Írans, í gær. Meðal hinna látnu var frændi stjórnarandstöðuleiðtogans Mirs Hosseins Mousavi, að sögn breska ríkisútvarpsins. Tugir særðust og um þrjú hundruð manns voru handteknir í mótmælunum.

Erlent

Annar Nígeríumaður handtekinn í flugvél frá Delta

Annar karlmaður frá Nígeríu var handtekinn um borð í Delta flugvél í dag á sömu leið og landi hans, Umar Farouk Abdulmutallab, sem reyndi að sprengja flugvél í loft upp á jóladag, flaug með. Frá þessu greinir AP fréttastofan.

Erlent

Fjórir skotnir í Íran

Lögregla í Teheran í Íran hefur skotið fjóra menn til bana í mótmælum sem fram fara í tengslum við hátíðarhöld Sítamúslíma í borginni. Yfirvöld hafa varað mótmælendur við hörðum viðbrögðum lögreglu ef þeir reynda að boða til mótmæla í tengslum við hátíðarhöldin.

Erlent

Minnast Benazir Bhutto í Pakistan

Stuðningsmenn Benazir Bhutto fyrrverandi forsætisráðherra Pakistans minnast hennar í dag þegar tvö ár eru liðin frá því hún var myrt í borginni Rawalpindi.

Erlent

Sprengjuvargur ákærður

Umar Farouk Abdulmutallab hefur formlega verið ákærður fyrir að reyna að tortíma farþegaflugvél og farþegum Delta flugfélagsins skömmu fyrir lendingu í Detroit í Bandaríkjunum á jóladag.

Erlent

Neda Soltan kjörin maður ársins - harðvítug átök í Íran

Hin tuttugu og sex ára gamla Neda Soltan frá Íran hefur verið kjörin maður ársins af breska tímaritinu Times. Neda var skotin í brjóstkassann í júní þegar hún mótmælti ásamt þúsundum eftir að Mahmoud Ahmadinejad var endurkjörinn forseti Írans. Mótmælendur vildu meina að hann hefði svindlað í kosningunum.

Erlent

Jarðskjálfti fimm árum eftir flóðbylgju

Þess er nú minnst víða í Asíu að fimm ár er liðið frá því um 230 þúsund manns fórust í einni mestu flóðbylgju og hamförum í manna minnum. Jarðskjálfti upp á 6,7 á rickter varð undan Malukueyjum í Indónesíu í dag, en engar fréttir hafa borist af manntjóni eða flóðbylgjum vegna hans.

Erlent

Farþegar yfirbuguðu sprengjumann

Tilraun var gerð til að sprengja upp farþegaþotu með tæplega þrjú hundruð manns innanborðs skömmu fyrir lendingu í Detroit í Bandaríkjunum í gær. Farþegum tókst að yfirbuga mann sem hafði vafið sprengjuefni um fætur sér. Eftirlit með farþegum til Bandaríkjanna hefur verið hert og má hver einasti farþega á leið þangað búast við líkamsleit.

Erlent

Baby P. minnst í Bretlandi

Dauða hins sautján mánaða Peter Connelly, oft kallaður Baby P., var minnst í Bretlandi um hátíðarnar en minningarreitur hans var þakinn kveðjum og leikföngum um jólin. Dauði Peters komst í heimsfréttirnar eftir að móðir hans auk stjúpföður urðu honum að bana eftir hrottalegar misþyrmingar.

Erlent

Umbótasinnar og öryggissveitir berjast í Íran

Íranskar öryggisveitir og aðgerðarsinnar í stjórnarandstöðu lentu í átökum í miðborg Teheran í dag samkvæmt BBC sem aftur hefur það eftir AFP. Átökin byrjuðu þegar 200-300 manns reyndu að koma saman á Enghelab-torginu í Teheran.

Erlent

Mest lesið