Erlent

Minntust látins forseta

Þingmenn minntust Lech Kaczinsky fyrrum forseta Póllands við hátíðlega athöfn í dag. Athöfnin fór fram áður en nýi forsetinn Bronislaw Komorowski var settur inn í embættið.

Erlent

Straw dregur sig í hlé

Jack Straw, þingmaður breska Verkamannaflokksins, ætlar að draga sig í hlé. Hann tilkynnti breskum fjölmiðlum þetta í dag. Jack Straw hefur átt farsælan stjórnmálaferil. Hann var meðal annars utanríkisráðherra í stjórn Tonys Blair og dómsmálaráðherra í stjórn Gordons Brown. Jack Straw hefur verið þingmaður fyrir Verkamannaflokkinn allt frá árinu 1979, eða í 31 ár.

Erlent

Jón Gnarr vekur athygli Breta

Það uppátæki Jóns Gnarr að mæta sem klæðskiptingur við upphaf Hinsegin daga í gær hefur vakið athygli út fyrir landsteinana. Í það minnsta greinir fréttavefur BBC frá því í dag að hann hafi verið viðstaddur skemmtunina í gærkvöld. „Borgarstjórinn gat ekki mætt sjálfur,“ er haft eftir Jóni Gnarr á vefnum.

Erlent

María á von á tvíburum

María, krónprinsessa Danmerkur, er ófrísk að tvíburum, samkvæmt upplýsingum sem Danmarks Radio hefur frá konungshirðinni. Gert er ráð fyrir að hún muni ala börnin í janúar næstkomandi. Danmarks Radio segir að undanfarna daga hafi Danir mikið velt vöngum um ástand Maríu en það var danska slúðurblaðið Se og Hør sem upplýsti um það á miðvikudag að hún væri ófrísk. Konungshirðin hefur hins vegar neitað að tjá sig þangað til í dag.

Erlent

Moskvubúar hrynja niður

Dánartíðni íbúa Moskvu hefur hækkað um þriðjung undanfarnar vikur. Það er rakið til hitabylgjunnar sem er hin versta sem komið hefur í borginni í meira en öld.

Erlent

Engir gargandi grislingar

Nokkur leiguflugfélög eru að skoða möguleika á því að bjóða upp á barnlaus flug til vinsælla áfangastaða.

Erlent

Krefjast þess að Wikileaks skili aftur leyniskjölum

Bandaríska varnarmálaráðuneytið hefur krafist þess af forráðamönnum vefsíðunnar Wikileaks að þeir skili aftur leyniskjölum þeim um stríðið í Afganistan sem nýlega voru birt á síðunni og samhliða í þremur alþjóðlegum fjölmiðlum.

Erlent

Gerist teiknimyndahetja

Ali Imron, ungur múslimi sem tók þátt í að skipuleggja sprengjuárás á eyjunni Balí árið 2002, sem kostaði 202 menn lífið, er aðalhetja teiknimyndasögu sem dreift verður í skóla og bókasöfn um alla Indónesíu.

Erlent

Bann við giftingum brýtur í bága við stjórnarskrá

Vaughn Walker, dómari í Kaliforníu, felldi úr gildi bann við hjónaböndum samkynhneigðra í Kaliforníuríki. Walker taldi bannið, sem samþykkt var í atkvæðagreiðslu fyrir tveimur árum, brjóta í bága við stjórnarskrá Bandaríkjanna.

Erlent

Stjórnvöld banna útflutning á hveiti

Rússnesk stjórnvöld hafa bannað allan útflutning á korni til ársloka. Ástæðan er sú að tuttugu prósent af hveitiuppskeru landsins eyðilögðust í skógareldum. Bannið gæti framlengst telji stjórnvöld það nauðsynlegt.

Erlent

Andstæðingar fallast á úrslitin

Íbúar í Keníu samþykktu með yfirgnæfandi meirihluta nýja stjórnarskrá sem dregur mjög úr völdum forseta landsins. Andstæðingar nýju stjórnarskrárinnar segjast ætla að sætta sig við niðurstöðuna.

Erlent

Tryggði stöðu sína til hausts

Silvio Berlusconi, forsætisráðherra Ítalíu, tryggði stöðu sína á þinginu að minnsta kosti fram á haustið þegar stjórnarþingmenn felldu þingsályktunartillögu gegn aðstoðarráðherra í dómsmálaráðuneytinu, sem er flæktur í spillingarmál.

Erlent

Aaaarg...reykingamaður um borð

Þotu American Airlines sem var á leið frá New York til Los Angeles í gær var snúið til lendingar í Nýju Mexíkó þegar talið var að farþegi hefði kveikt sér í sígarettu.

Erlent

Mest lesið