Erlent

Segir Rauðu Khmerana hafa verið góða gæja

Nuon Chea, sem var næstráðandi hjá Rauðu Khmerunum, sagði í dag að hann og aðrir liðsmenn í Rauðu Khmernunum væru ekki slæmir menn. Hann neitaði því að Rauðu Khmerarnir bæru ábyrgð á láti 1,7 milljón manna á áttunda áratug síðustu aldar. Þetta kom fram í réttarhöldum yfir Chea í dag.

Erlent

Má áfrýja til Hæstaréttar

Julian Assange, stofnandi uppljóstrunarvefsins WikiLeaks, er heimilt að áfrýja til Hæstaréttar Bretlands þeirri ákvörðun breskra dómstóla að hann verði framseldur til Svíþjóðar. Yfirréttur í London komst að þessari niðurstöðu í dag. Assange hefur hingað til haldið sig í Bretlandi og varist framsalsbeiðninni fyrir breskum dómstólum. Assange var kærður fyrir að hafa nauðgað tveimur stúlkum í Svíþjóð í fyrra og vilja sænsk yfirvöld yfirheyra hann vegna kærunnar.

Erlent

Kerti menga meira en fjölmennar umferðaræðar

Bruni frá einu stöku kerti veldur margfalt meiri mengun innanhús en er til staðar á fjölförnum umferðaræðum. Í frétt um málið í Politiken segir að samkvæmt mælingum gefur brennandi kerti frá sér nær áttfalt meira af hárfínum sótögnum en umferðin á H.C. Andersen breiðgötunni í Kaupmannahöfn.

Erlent

Neyðarástand í Perú vegna gullnámu

Ollanta Humala forseti Perú hefur lýst yfir neyðarástandi í norðurhluta landsins þar sem bitur mótmæli hafa staðið yfir gegn nýrri gullnámu í héraðinu Cajamarca.

Erlent

Örlagarík vika í sögu evrusvæðisins hafin

Örlagarík vika í sögu evrusvæðisins er hafin. Í dag munu þau Angela Merkel kanslari Þýskalands og Nicolas Sarkozy Frakklandsforseti funda til að ná samkomulagi um leiðir til að berja niður skuldakreppuna sem ríkt hefur á evrusvæðinu.

Erlent

Flokkur Putin hélt meirihluta sínum í Dúmunni

Úrslit þingkosninganna í Rússlandi eru áfall fyrir Valdimir Putin forsætisráðherra Rússlands og flokk hans Sameinað Rússland. Þegar búið er að telja yfir 90% atkvæða er samt ljóst að flokkurinn heldur meirihluta sínum í Dúmunni, neðri deild þingsins.

Erlent

Vill rannsókn á Sýrlandsstjórn

Navi Pillay, mannréttindafulltrúi Sameinuðu þjóðanna, vill að Alþjóðlegi sakadómstóllinn taki mannréttindabrot sýrlenskra stjórnvalda til rannsóknar. Pillay kynnti á fundi mannréttindaráðs SÞ á föstudag nýjar upplýsingar um framferði sýrlenskra stjórnvalda gagnvart mótmælendum, þar sem meðal annars kemur fram að meira en fjögur þúsund manns hafi verið drepnir undanfarna mánuði, þar af að minnsta kosti 307 á barnsaldri.- gb

Erlent

Jonah Mowry þakkar fyrir sig

Jonah Mowry, unglingurinn sem fangaði hjörtu netnotenda um allan heim eftir að myndband sem hann setti á netið í ágúst fór á ótrúlegt flug, hefur nú birt nýtt myndskeið á YouTube. Þar þakkar hann bloggaranum Perez Hilton sýndan stuðning en hann hefur strítt við einelti í langan tíma. Bloggarinn Perez Hilton, sem nýtur gríðarlegra vinsælda og hefur lengi talað gegn einelti, benti á myndband Jonah og eftir það fór boltinn að rúlla.

Erlent

Strokufangi í djúpum skít

Þegar lögreglan í Chicago náði loksins í skottið á strokufanga sem hafði verið á flótta eftir að hafa brotist út úr fangaflutningabíl þurfti ekki að segja honum að hann væri í djúpum skít. Hann var það nefnilega. Dagblaðið Herald-News greinir frá því að hinum 37 ára gamla Cesar Sanhcez hafi tekist að fara huldu höfði í nokkra klukkutíma. Leitarhundar voru kallaðir út og eftir nokkra leit runnu þeir á lyktina.

Erlent

Risapöndur flytja til Skotlands

Risapöndurnar Tian Tian og Yang Guang hafa flust búferlum og munu eyða næstu tíu árum í það minnsta í dýragarðinum í Edinborg í Skotlandi. Þær eru fyrstu pöndurnar í breskum dýragarði í sautján ár og hefur koma þeirra vakið mikla athygli í nýja heimalandinu. Þær voru fluttar í dag með flugvél frá Kína og tók flugferðin níu tíma. Á leiðinni gæddu þær sér á bambus, eplum, og gulrótum en með í för voru dýralæknir og tveir starfsmenn dýragarðsins. Varaforsætisráðherra Bretlands, Nick Clegg, segir að koma dýranna sé vitnisburður um gott samband Breta og Kínverja.

Erlent

Þúsundir Þjóðverja fluttir á brott vegna sprengju sem fannst í Koblenz

Tugþúsundir íbúa þýsku borgarinnar Koblenz hafa verið fluttir af heimilum sínum eftir að risastór ósprungin sprengja úr seinni heimsstyrjöldinni fannst í ánni Rín sem rennur í gegnum borgina. Um 45 þúsund manns þurftu að yfirgefa borgina en í dag á að reyna að aftengja sprengina sem er tæp tvö tonn af þyngd en henni var varpað á borgina af breskri sprengjuflugvél á sínum tíma.

Erlent

Rússar ganga til kosninga

Í dag ganga Rússar til kosninga um neðri-deild þingsins til næstu fimm ára. Deilt hefur verið á framkvæmd kosningana en, Golos, einu sjálfstæðu eftirlitssamtök Rússlands, hafa tekið á móti fimm þúsund og þrjú hundruð kvörtunum.

Erlent

Dæmdur í fangelsi fyrir dónalegt húðflúr

Dómari í áströlsku borginni Ipswich dæmdi á dögunum mann í fangelsi fyrir undarlegar sakir. Maðurinn húðflúrar fólk í hjáverkum og þegar kúnni kom til hans og bað hann um kínverska táknið Ying og Yang hófst hann handa. En þegar hann var nýbyrjaður virðist hann hafa móðgast hressilega vegna einhvers sem kúnninn sagði og í stað þess að flúra táknið ákvað hann að teikna stærðarinnar getnaðarlim á bak mannsins.

Erlent

Þriðji hver Dani haldið framhjá

Ný könnun leiðir í ljós að þriðji hver Dani hefur verið maka sínum ótrúr einhvern tímann á ævinni. Framhjáhaldið skiptist nokkuð jafnt milli kynja.

Erlent

Cain hættur við framboð

Herman Cain, einn þeirra sem hefur þótt líklegur til að hreppa útnefningu Repúplikana til framboðs í næstu forsetakosningum í Bandaríkjunum er hættur í kapphlaupinu. Þetta tilkynnti hann rétt í þessu en beðið hefur verið eftir tilkynningu hans í nokkurn tíma. Cain var nær óþekktur viðskiptamógúll sem hafði auðgast á Pizza framleiðslu áður en hann bauð sig fram. Öllum að óvörum gekk honum nokkuð vel í kapphlaupinu og hefur stundum mælst með mesta stuðninginn á meðal kjósenda. Hneykslismálin hrúguðust þó upp að lokum en hann hefur verið sakaður um kynferðislega áreitni í garð nokkurra kvenna. Þá steig kona ein fram í síðustu viku og fullyrti að hún hafi haldið við Cain, sem er giftur maður, í þrettán ár.

Erlent

Heiðursglæpum fjölgar mikið

Svokölluðum heiðursglæpum hefur fjölgað mikið í Bretlandi á síðustu misserum. Með heiðursglæpum er átt við það þegar konum og stúlkum er refsað af fjölskyldum sínum. Guardian hefur nú í fyrsta sinn birt tölur yfir heiðursglæpi sem framdir eru í Bretlandi en það voru réttindasamtök íranskra og kúrdískra kvenna sem fóru fram á að tölurnar yrðu gerðar opinberar.

Erlent

Þrjátíu og þrír fórust í bílslysi í Brasilíu

Brasilísk yfirvöld segja að þrjátíu og þrír verkamenn hafi farist þegar flutningabíll með tengivagn skall á langferðabíl sem flutti verkamenn í fylkinu Bahia í suðurhluta landsins. Lögregla segir að ökumaður flutningabílsins hafi misst stjórn á honum í beygju þegar hann var á leið niður bratta brekku nálægt bænum Miracles.

Erlent

Páfinn sleppur við sekt í Þýskalandi

Benedikt sextándi páfi mun sleppa við að greiða sekt vegna umferðarlagabrots sem hann framdi í Þýskalandi þegar hann heimsótti landið í september. Þar á bæ eru skýrar reglur um að menni verði að vera með öryggisbelti þegar þeir aka um í bíl en páfi klikkaði á því þegar hann rúntaði framhjá þúsundum manna í sérsmíðaða bílnum sem gengur oft undir nafninu „popemobile“.

Erlent

Clarkson í klandri: Sjálfselska að kasta sér fyrir lest

Jeremy Clarkson stjórnandi Top Gear á BBC er enn á ný kominn í klandur vegna ummæla sinna. Á dögunum varð allt vitlaust þegar hann sagði að réttast væri að taka þá sem tóku þátt í allsherjarverkfallinu í Bretlandi í vikunni af lífi fyrir framan fjölskyldur þeirra. Nú er hann enn á milli tanna fólks í Bretlandi eftir að hafa skrifað í pistli í The Sun að þeir sem fremji sjálfsmorð með því að henda sér fyrir lest séu sjálfselskir.

Erlent

Suu Kyi vongóð um framfarir

„Ef við höldum þessu áfram í sameiningu þá er ég sannfærð um að ekki verði hægt að snúa af braut lýðræðis,“ sagði Aung San Suu Kyi, leiðtogi lýðræðishreyfingarinnar í Búrma, eftir að hafa rætt við Hillary Clinton, utanríkisráðherra Bandaríkjanna.

Erlent

Merkel útilokar nú allar skyndilausnir

„Við erum komin á nýtt stig í samhæfingu Evrópusambandsins,“ sagði Angela Merkel Þýskalandskanslari í ræðu á þýska þinginu í gær, þar sem hún lýsti hugmyndum sínum um að styrkja efnahagssamstarf evruríkjanna.

Erlent

Forsetinn varar við sundrungu

Vinsældir Sameinaðs Rússlands, stjórnmálaflokks þeirra Vladimírs Pútín forsætisráðherra og Dmitrí Medvedev forseta, hafa dalað nokkuð í Rússlandi vegna spillingarímyndar þótt enn sé honum spáð góðum sigri í þingkosningum sem haldnar verða á morgun.

Erlent

Mest lesið