Erlent

Bardagar í einu hverfa Damaskus

Bardagar hafa geisað í gærkvöldi og nótt í hverfinu al-Mezze í Damaskus höfuðborgar Sýrlands milli uppreisnarmanna og her- og öryggissveita Al-Assad forseta landsins.

Erlent

Margir með afbrot að baki

Margir þeirra sem keyptu efni til sprengjugerðar frá sömu efnaverksmiðjunni í Póllandi og Anders Behring Breivik hafa komið við sögu lögreglu, að því er greint er frá á vef Dagsavisen.

Erlent

Fæstu fæðingar frá árinu 1988

Færri börn fæddust í Danmörku í fyrra en nokkru sinni frá árinu 1988, tæplega 59 þúsund. Þetta kemur fram í nýjustu tölum hagstofunnar þar í landi, en þar segir einnig að fæðingartíðni, hlutfall fæðinga gegn fjölda kvenna, hafi verið 1,76 í fyrra sem er lækkun milli ára.

Erlent

Tveir menn teknir af lífi

Tveir menn sem voru dæmdir fyrir að hafa staðið á bak við sprengjuárás á neðanjarðarlestarstöð í Hvíta-Rússlandi hafa verið teknir af lífi.

Erlent

Fjórar mannskæðar árásir í Sýrlandi

Öflug bílsprengja sprakk skammt frá öryggisbyggingu sýrlensku ríkisstjórnarinnar í borginni Aleppo í gær. Yfirvöld í Sýrlandi segja að hryðjuverkamenn hafi staðið á bak við sprenginguna. Bættu þau við að einn lögreglumaður og einn almennur borgari hafi farist í sprengingunni og þrjátíu til viðbótar hafi særst. Þetta var önnur árásin í landinu á tveimur dögum. Á laugardag fórust 27 manns í þremur sjálfsmorðssprengjuárásum í höfuðborginni Damaskus.

Erlent

Notuðu ekki sjálfstýringu

Ástæðan fyrir því að Hercules-flutningavél norska hersins brotlenti í Svíþjóð með fimm manns um borð er líklega sú að flugmennirnir ákváðu að fljúga vélinni sjálfir í lágflugi í stað þess að nota sjálfstýringuna. Þetta sagði Trond Solna, sem hefur yfirumsjón með flutningavélum norska hersins, í viðtali við norska dagblaðið Aftenposten.

Erlent

Norðmenn verða fimm milljónir

Norðmenn verða fimm milljónir talsins á morgun, samkvæmt spá norsku hagstofunnar. Þeim mun þá hafa fjölgað um rúmlega 4000 frá því um áramótin. Norðmenn fylltu fyrstu milljónina árið 1822 og árið 1890 voru Norðmenn orðnir tvær milljónir. Verulega dró úr ungbarnadauða í Noregi á 19, öld og á tímabili var mest fólksfjölgun í Noregi af öllum löndum í Evrópu, segir á vef norska Dagbladet. Norðmenn gætu þó verið enn fleiri því að á tímabilinu 1825-1930 fluttu um ein milljón manna til Bandaríkjanna.

Erlent

Nýr forseti Þýskalands valinn

Joachim Gauck, fyrrverandi prestur, hefur verið kjörinn forseti Þýskalands. Hann var kjörinn af þinginu og fékk 991 atkvæði af 1232. Fréttastofa BBC segir að presturinn hafi engin tengsl við stjórnmálaöfl. Hann hafi aftur á móti unnið sér inn gott orðspor og sé óhræddur við að hreyfa við mikilvægum málefnum. Forveri Gaucks er Christian Wulff en hann sagði af sér í siðasta mánuði vegna fjármálahneykslis.

Erlent

Sífelldar sprengingar í Sýrlandi

Bilsprengja sprakk í borginni Aleppo í norðurhluta Sýrlands í dag, samkvæmt frásögnum þarlendra miðla. Stjórnarandstæðingar í landinu segja að einhverjir hafi farist í sprengingunni og aðrir særst en engar tölur um fjölda hafa borist. Í gær fórust að minnsta kosti 27 manns þegar sprengja sprakk í Damaskus, höfuðborg Sýrlands.

Erlent

Myndar Scotts beðið með eftirvæntingu

Kvikmyndar Ridleys Scott, Prometheus, er beðið með eftirvæntingu, en ný stikla úr myndinni var frumsýnd í gær. Myndin var tekin upp að hluta hér á landi, meðal annars við Dettifoss, eins og fram hefur komið.

Erlent

Þúsundir minnast Knúts

Fjöldi fólks hefur lagt leið sína að ísbjarnargryfjunni í dýragarðinum í Berlín í dag. Á morgun er liðið ár frá því að ísbjörninn Knútur, sem bjó í gryfjunni, drapst. Hann var fjögurra ára gamall. Margir þeirra sem lagt hafa leið sína að ísbjarnargryfjunni í dag hafa lagt þar blóm eða myndir. Nokkrir þeirra hafa fellt tár, eftir því sem þýska fréttastofan dpa greinir frá. Mamma Knúts afneitaði honum þegar hann kom í heiminn og hann var því alinn upp af dýrahirðum. Knútur öðlaðist heimsfrægð og 11 milljónir manna lögðu leið sína í dýragarðinn til að sjá hann.

Erlent

Fundu líkamsleifar á fjallinu

Sænska lögreglan tilkynnti seinni partinn í dag að hún hefði fundið líkamsleifar í hlíðum Kebnekaise hæsta fjalli Svíþjóðar, þar sem norska Herkúles flugvélin fórst í fyrradag. Frá þessu er greint á vef norsku sjónvarpsstöðvarinnar TV 2.

Erlent

Fangavörður Nasista látinn

Fangavörðurinn John Demjanjuk er látinn 91 árs að aldri. Hann var dæmdur í fimm ára fangelsi í fyrra fyrir störf sín sem fangavörður í fangabúðum Nasista í Seinni heimsstyrjöldinni. Hann var látinn laus eftir að hann áfrýjaði dómnum og var á elliheimili þegar hann lést. Demjanjuk var vörður við Sobibor fangabúðirnar í Póllandi árið 1943, en rösklega 28 þúsund manns voru líflátnir í fangabúðunum á meðan hann starfaði þar. Fangavörðurinn neitaði alltaf sök og sagðist sjálfur hafa verið fórnarlamb stríðsfanga.

Erlent

Assange stefnir á þing

Julian Assange, stofnandi vefsíðunnar WikiLeaks, hyggst bjóða sig fram í þingkosningum í Ástralíu. Assange er ástralskur ríkisborgari. Hann er staddur í Bretlandi þessa dagana og bíður þess að dómstóll úrskurði um það hvort hann verði framseldur til Svíþjóðar vegna ásakana um að hann hafi framið kynferðisbrot. Assange neitar ásökununum og segir að þær séu pólitísks eðlis. WikiLeaks síðan hefur birt þúsundir leyniskýrslan um viðkvæm mál, sem tengjast meðal annars bandaríska hernum, á Internetinu. Assange telur að þrátt fyrir þær sakir sem bornar eru á hann geti hann boðið sig fram til þings.

Erlent

Viðbrögð stjórnvalda vonbrigði

Kofi Annan, sérstakur erindreki Arababandalagsins og Sameinuðu þjóðanna vegna Sýrlands, segir að ef ekki verði tekið á málum þar muni það hafa alvarlegar afleiðingar fyrir öll ríkin í kring. Aðstæðurnar séu flóknari en í Líbíu.

Erlent

Hermaðurinn vildi ekki til Afganistan

Hermaður sem skaut sextán manns til bana í Afganistan síðastliðinn sunnudag hafði misst framan af fæti og hlotið heilaskaða í herþjónustu í Írak, segir lögmaður hans. Hann hélt að hann yrði ekki sendur til frekari herþjónustu.

Erlent

Leikstjóri Kony 2012 handtekinn

Jason Russell, leikstjóri heimildarmyndarinnar Kony 2012 og einn af stofnendum Invisible Children hjálparsamtakanna, var handtekinn í San Diego í gær. Samkvæmt lögregluyfirvöldum var Russell færður í varðhald vegna ölvunar, skemmdarverka og sjálfsfróunar á almannafæri.

Erlent

Stökk úr 22 kílómetra hæð og stefnir enn hærra

Austurríski fallhlífastökkvarinn Felix Baumgartner stökk úr 22 kílómetra hæð í dag. Stökkið var ætlað sem æfing fyrir næsta stökk hans. Hann vonast til að setja heimsmet í sumar þegar hann stekkur úr tæplega 40 kílómetra hæð.

Erlent

Bin Laden vildi ráða Obama af dögum

Osama bin Laden fyrirskipaði undirmönnum sínum að drepa Barack Obama, Bandaríkjaforseta, og David Petraeus hershöfðingja, fyrrverandi leiðtoga herafla Bandaríkjanna í Afganistan.

Erlent

George Clooney handtekinn

Stórleikarinn GeorgeClooney var handtekinn ásamt föður sínum fyrir utan sendiráð Súdans í Washington í Bandaríkjunum í dag. Honum, auk fjölmargra annarra mótmælenda, voru gefnar þrjár viðvaranir um að fara ekki inn fyrir lögregluborða fyrir framan sendiráðið. Clooney virti aðvaranirnar að vettugi og var því handtekinn fyrir borgaralega óhlýðni.

Erlent

Allir með áfengismæli í bílnum

Frönsk stjórnvöld hafa samþykkt lög þess efnis að öndunarmælir sem mælir áfengismagn í blóði ökumanna skuli vera í öllum vélknúnum ökutækjum, sem eru í umferð þar í landi frá og með 1. júlí næstkomandi. Bæði í bílum og bifhjólum.

Erlent

Mest lesið