Burnley upp í 8. sætið eftir fjórða sigurinn í síðustu fimm leikjum

Ingvi Þór Sæmundsson skrifar
Burnley hefur fengið 13 stig af 15 mögulegum í síðustu fimm deildarleikjum.
Burnley hefur fengið 13 stig af 15 mögulegum í síðustu fimm deildarleikjum. vísir/getty

Burnley komst upp í 8. sæti ensku úrvalsdeildarinnar með sigri á Bournemouth, 3-0, á Turf Moor í dag. Þetta var fjórði sigur Burnley í síðustu fimm leikjum.

Jóhann Berg Guðmundsson sat allan tímann á varamannabekknum hjá Burnley.

Matej Vydra kom Burnley yfir á 53. mínútu þegar hann skoraði í öðrum leiknum í röð.

Skömmu síðar jafnaði Harry Wilson fyrir Bournemouth. Eða svo hélt hann.

Markið var hins vegar dæmt af með hjálp myndbands og Burnley fékk vítaspyrnu vegna þess að Adam Smith handlék boltann inni í vítateig í sókninni á undan. Jay Rodriguez skoraði örugglega úr vítinu og kom heimamönnum í 2-0.

Í fyrri hálfleik var einnig dæmt mark af Bournemouth þegar Philip Billing var álitinn hafa tekið boltann með hendi.

Þremur mínútum fyrir leikslok gulltryggði Dwight McNeil sigur Burnley með frábæru marki.

Bournemouth er 16. sæti deildarinnar með 26 stig, tveimur stigum frá fallsæti.

Bein lýsing

Leikirnir






    Fleiri fréttir

    Sjá meira