Erlent

Fréttamynd

Formlegri leit hætt í Louisiana

Yfirvöld í Louisiana hafa formlega hætt leit að fórnarlömbum fellibylsins Katrínar sem reið yfir suðurríki Bandaríkjanna fyrir um fimm vikum. Opinber tala látinna í ríkinu er nú 964 en upphaflega var óttast að hátt í tíu þúsund manns hefðu látist í hamförunum. Leit er hins vegar ekki alveg hætt þar sem einkafyrirtæki hefur verið ráðið til að leita fólks ef tilkynningar um lík berast yfirvöldum.

Erlent
Fréttamynd

ESB-viðræður við Tyrki hafnar

Samninganefnd Tyrkja í aðildarviðræðum við Evrópusambandið hélt til Lúxemborgar í gærkvöld. Þær frestuðust vegna deilna um samningsumboð ESB.

Erlent
Fréttamynd

Sýkti sjálfan sig af magasári

Vísindamenn á sviði ljósfræða hrepptu nóbelsverðlaunin í eðlisfræði sem afhent voru í gær. Í fyrradag fengu tveir Ástralir læknisfræðiverðlaunin fyrir að sýna fram á að bakteríur valda magasári.

Erlent
Fréttamynd

Ráðherra lifið af morðtilraun

Olíumálaráðherra Íraks slapp naumlega undan morðtilraun á mánudag en þrír lífvarða hans fórust í tilræðinu. Gærdagurinn var þriðji dagur árása Bandaríkjamanna á skæruliða al-Kaída í vesturhluta Íraks.

Erlent
Fréttamynd

Milljón manns á götunum

Um ein milljón verkamanna lagði niður vinnu og gekk um götur borga í Frakklandi í dag til þess að mótmæla fyrirhuguðum efnahagsumbótum ríkisstjórnarinnar.

Erlent
Fréttamynd

Dularfullur póstur til sendiráða

Sendiráð Japans í Malasíu var rýmt í morgun eftir að dularfullar póstsendingar bárust til sex sendiráða í höfuðborginni Kúala Lúmpúr. Sendiráðum Japans, Kanada, Þýskalands, Singapúr, Filippseyja og Taílands barst öllum sams konar lítill pakki með olíukenndum vökva og geisladiski.

Erlent
Fréttamynd

Hlutu Nóbelsverðlaun í eðlisfræði

Tveir Bandaríkjamenn og Þjóðverji hlutu Nóbelsverðlaunin í eðlisfræði í dag. Verðlaunin fengu þeir fyrir rannsóknir sínar í ljósfræðum, sem leitt hafa til mikilla umbóta á nákvæmum tímamælingum, staðsetningarkerfum og leisertækni - og í framtíðinni má búast við að þrívíddarsjónvörp verði byggð á tækni sem rannsóknir þeirra byggja á.

Erlent
Fréttamynd

Samgönguvandi vegna verkfalls

Almenningssamgöngur fóru úr skorðum í Frakklandi í dag þegar nokkur stærstu launþegasamtök landsins lýstu yfir sólarhringsverkfalli.

Erlent
Fréttamynd

Áhöfnin ekki fullmönnuð

Áhöfn ferjunnar sem hvolfdi á sunnudaginn í New York ríki í Bandaríkjunum, með þeim afleiðingum að tuttugu manns létust, var ekki fullmönnuð. Samkvæmt reglugerð um ferjur af þeirri tegund sem um var að ræða eiga minnst tveir að vera í áhöfninni. Hins vegar var skipstjórinn aðeins einn um borð þegar slysið átti sér stað.

Erlent
Fréttamynd

Hvattir til að hunsa kosningar

Armur hryðjuverkasamtakanna al-Qaida í Írak hvatti í dag súnníta til þess að sniðganga þjóðaratkvæðagreiðslu um nýja stjórnarskrá Íraks sem fram á að fara 15. október næstkomandi. Í yfirlýsingu frá samtökunum sem birt voru á heimasíðu á Netinu segja þau að stjórnarskráin muni aðeins leiða til þess að tök Bandaríkjamanna á landinu muni harðna.

Erlent
Fréttamynd

Sameinuðu þjóðirnar gagnrýna Íraka

Sjíar og Kúrdar á Íraksþingi hafa knúið fram breytingar á kosningalöggjöf landsins svo að nær ómögulegt er að fella drög að stjórnarskrá í þjóðaratkvæðagreiðslunni 15. október. Sameinuðu þjóðirnar fordæma breytingarnar.

Erlent
Fréttamynd

Mótmæltu einkavæðingu í Frakklandi

Um milljón verkamenn lögðu niður vinnu og gengu um götur borga í Frakklandi í dag til þess að mótmæla fyrirhuguðum efnahagsumbótum í landinu. Mótmælendur andmæltu einkavæðingu ýmissa ríkisfyrirtækja auk þess sem sífellt lakari lífskjörum í landinu var mótmælt. Tafir urðu á lestar- og strætósamgöngum víða í Frakklandi og sömuleiðis tafir á flugi til og frá París.

Erlent
Fréttamynd

Tyrkir fagna aðildarviðræðum

Athöfnin sem átti að marka upphaf aðildarviðræðna Tyrkja við Evrópusambandið klukkan þrjú í gærdag var haldin í nótt. Tyrkir fagna og það gera Króatar einnig því lausn Tyrkjadeilunnar þýðir pláss við samningaborðið fyrir þá.

Erlent
Fréttamynd

Vilja skilja systurnar að

Bandarískur barnaskurðlæknir, Benjamin Carson, hefur boðist til að skilja að indversku systurnar Saba og Farah, tíu ára, en þær eru samvaxnar á höfði.

Erlent
Fréttamynd

Rýmd vegna meints hryðjuverkamanns

Flugvél danska flugfélagsins Mærsk var rýmd á flugvellinum í Vín í morgun vegna misskilnings. Farþegar ýttu á neyðarhnapp vegna þess að þeir sáu mann sem þeim fannst líta grunsamlega út.

Erlent
Fréttamynd

Vildi ekki samlokur á matseðil

Eigandi lúxushótelsins D´Angleterre í Kaupmannahöfn hefur rekið meistarakokkinn Rasmus Kofoed fyrir að neita að setja meðal annars smurbrauð samlokur á matseðilinn. Í viðtali við danska dagblaðið <em>Berlingske Tidende</em> segir Kofoed að sér hafi verið hent út af hótelinu á föstudag vegna mótmæla sinna, en hann varð í þriðja sæti á heimsmeistarmót matreiðslumanna í Frakklandi í vor.

Erlent
Fréttamynd

Vefsíður varasamari en áður

Fréttavefur Breska ríkisútvarpsins greinir frá því að tæknilega sinnaðir glæpamenn hafi horfið frá því að nota vírusa sem sendir eru í tölvupósti, yfir í að nota vefsíður til að fanga fórnarlömb. Þá nota tölvuþrjótar í auknum mæli njósnaforrit til að stelast í persónuleg gögn sem þeir geta ýmist selt eða notað sjálfir.

Erlent
Fréttamynd

ESB refsar Úsbekum

Ríki Evrópusambandsins hafa stöðvað sölu á vopnum til Mið-Asíuríkisins Úsbekistans eftir fjöldamorð öryggislögreglu á óbreyttum borgurum í vor. Auk þess verður úsbeskum embættismönnum neitað um vegabréfsáritun til Evrópu.

Erlent
Fréttamynd

Með líkið heima í 20 ár

Háskólaprófessor á Indlandi sem lést nýlega var jarðsettur í sömu gröf og móðir hans. Það sem er enn athyglisverðara er að móðir mannsins lést fyrir tuttugu árum og hafði hann geymt líkið í glerkistu á heimili sínu öll þessi ár.

Erlent
Fréttamynd

Tveir í vörslu lögreglunnar á Balí

Lögreglan á Indónesíu hefur tvo aðila í sinni vörslu í tengslum við rannsóknina á sjálfsmorðssprengjuárásinni á Balí síðastliðinn laugardag þar sem nítján létust og meira en hundrað manns særðust. Í gær voru birtar myndir af mönnum sem talið er að séu árásarmennirnir

Erlent
Fréttamynd

Fengu Nóbelinn í eðlisfræði

Tveir Bandaríkjamenn og Þjóðverji hlutu Nóbelsverðlaunin í eðlisfræði í dag. Verðlaunin fengu þeir fyrir rannsóknir sínar í ljósfræðum, sem leiddu til mikilla framfara í fjarskiptum og geimrannsóknum. 

Erlent
Fréttamynd

Minnkar líkur á heilabilun

Regluleg hreyfing fólks á miðjum aldri minnkar líkurnar á heilabilun í ellinni. Niðurstöður nýrrar rannsóknar sænskra lækna benda til þess að þeir sem hreyfi sig í hálftíma minnst tvisvar í viku á fimmtugsaldri minnki líkurnar á heilabilun á eldri árum um helming.

Menning
Fréttamynd

Samvaxnir tvíburar fá styrk

Bandarískur skurðlæknir hefur gefið tíu ára indverskum síamstvíburum von um að mögulegt sé að aðskilja þá. Farah og Saba eru samfastar á höfði og deila að auki nýrum og hjartaslagæð.

Erlent
Fréttamynd

Þrjú þúsund sagt upp í New Orleans

Ray Nagin, borgarstjóri í New Orleans, tilkynnti í dag að þrjú þúsund starfsmönnum á vegum borgarinnar yrði sagt upp í kjölfar þess að fellibylirnir Katrín og Ríta riðu yfir borgina. Gríðarlegur fjáhagsvandi blasir við borgaryfirvöldum og telja þau að með uppsögnunum muni borgin spara á bilinu 300-500 milljónir króna á mánuði.

Erlent
Fréttamynd

Líkin flutu á vatninu

Alls tuttugu af 47 farþegum létu lífið er skemmtisiglingabát hvolfdi á George-vatni í New York-ríki á sunnudag.

Erlent
Fréttamynd

Þrýst á Schröder að draga sig í hlé

Angela Merkel segist "reiða sig á skynsemisöfl" í jafnaðarmannaflokki Schröders eftir að íhaldsflokkur hennar jók þingstyrksforskot sitt. Flokkarnir halda þreifingum um ríkisstjórnarmyndun áfram á morgun.

Erlent
Fréttamynd

Viðbúnaður vegna fellibylsins Stan

Ekkert lát virðist vera á fellibyljum úti fyrir ströndum Bandaríkjanna, en í dag gekk fellibylurinn Stan inn á Mexíkóflóa með tilheyrandi stormviðri og úrhelli. Þótt Stan sé aðeins flokkaður sem fyrsta stigs fellibylur á Saffir-Simpson kvarðanum, hafa yfirvöld í Mexíkó brugðist við og lokað tveimur af helstu olíuútflutningshöfnum sínum af ótta við að skemmdir verði á olíuvinnslutækjum.

Erlent
Fréttamynd

Flaga til að fylgjast með hjartanu

Vísindamenn í Finnlandi vinna nú að því að þróa örflögu sem hugmyndin er að koma undir húð hjartasjúklinga þannig að hægt verði að fylgjast með hjartslætti þeirra og gera læknum viðvart ef eitthvað er að. Hópur manna við Tækniháskólann í Tampere hefur unnið að þróun flögunnar í nokkur ár og hyggst prófa frumgerð hennar á kúm síðar á þessu ári.

Erlent
Fréttamynd

57 uppreisnarmenn fallnir

Minnst fimmtíu og sjö uppreisnarmenn hafa fallið í árásum bandaríska hersins í norðvesturhluta Íraks undanfarna þrjá daga. Áhlaup hersins á vígi uppreisnarmanna hófst í borginni Sadah á laugardaginn en hefur síðan færst yfir til borganna Karabíla og Rúmana.

Erlent
Fréttamynd

Leit hætt að fórnarlömbum

Yfirvöld í Louisiana hafa hætt formlegri leit að fórnarlömbum fellibylsins Katrínar sem reið yfir suðurríki Bandaríkjanna i ágústlok.

Erlent

Mest lesið