Fréttir

Fréttamynd

Hluti lyflækningadeildar í einangrun

Hluti af lyflækningadeild Landspítala Háskólasjúkrahús í Fossvoginum hefur verið sett í einangrun eftir að veirusýking kom þar upp. Á deildinni eru þrettán sjúklingar og nokkrir starfsmenn og hefur hluti þeirra fengið veirusýkinguna sem felur í sér uppsöl og niðurgang.

Innlent
Fréttamynd

Vélarvana við strendur Grindavíkur

Lítill fiskibátur varð vélarvana úti fyrir ströndum Grindavíkur laust fyrir hádegi . Starfsmenn Björgunarsveitarinnar Þorbjarnar þar í bæ kváðust hafa sent út bát af öryggisátæðun sem væri að fylgja skipverjum til hafnar.

Innlent
Fréttamynd

Framleiðandinn Aaron Spelling látinn

Sjónvarpsframleiðandinn Aaron Spelling lést í gær á heimili sínu í Los Angeles, áttatíu og þriggja ára að aldri. Spelling fékk heilablóðfall fyrr í mánuðinum. Hann var afkasta mikill framleiðandi og eftir hann liggja fjölmargar kvikmyndir og sjónvarpsþættir.

Erlent
Fréttamynd

Dauðarefsing afnumin á Filippseyjum

Gloria Arroyo, forseti Filippseyja, undirritaði í morgun lög sem afnema dauðarefsingu í landinu. Dauðarefsing var afnumin á Filippseyjum 1987 en aftur leyfð með lögum sex árum síðar. Sjö hafa verið teknir af lífi síðan þá.

Erlent
Fréttamynd

Lík eins námamanns af 65 fundið

Björgunarsveitarmenn fundu í gær lík námamanns sem var einn 65 sem festust í námu í Mexíkó í febrúar. Sprenging var í námunni og sátu mennirnir fastir og ekkert gekk að komast að þeim. Björgunarmenn leita nú að líku hinna.

Erlent
Fréttamynd

Tómas Zoëga verður ekki aftur yfirlæknir

Tómas Zoëga hefur látið af störfum við Landspítala Háskólasjúkrahús. Hæstiréttur Íslands úrskurðaði fyrr í mánuðinum að tilfærsla Tómasar í starfi hafi verið ólögmæt.

Innlent
Fréttamynd

Átök lögreglu og landtökufólks í Perú

Til átaka kom milli lögreglu og landtökumanna í útjaðri Lima, höfuðborgar Perú, í gær. Fólkið hafði reist sér bráðabirgðahúsnæði á svæðinu og var lögregla send til að reka það á brott og jafna húsin við jörðu. Ekkert leyfi hafði fengist fyrir því að byggja hús þarna en þau voru reist fyrir sex árum.

Erlent
Fréttamynd

Þrír teknir á ofsahraða

Lögreglan á Keflavíkurflugvelli gómaði í nótt þrjá ökumenn á ofsahraða á Strandarheiði. Sá sem hraðast ók var á 182 km. Hann var sviptur ökuskírteininu á staðnum en við það kom í ljós að pilturinn var ekki kominn með fullgilt skírteini. Í síðustu viku varð slys á þessu svæði og segir lögreglan að það sé leitt að sjá að slíkir atburðir hafi ekki þau áhrif að ökumenn sjái sóma sinn í að aka á skikkanlegum hraða.

Innlent
Fréttamynd

Missti stjórn á bíl sínum

Ölvaður ökumaður missti stjórn á bíl sínum í beygju við gatnamót Sæbrautar og Lauganesvegar í Reykjavík um klukkan sex í morgun, með þeim afleiðingum að hann hafnaði á ljósastaur. Minniháttar meiðsl urðu á bílstjóra og tveimur farþegum sem með honum voru.

Innlent
Fréttamynd

Strandaði á sandrifi

Einn var fluttur á slysadeild eftir að skemmtibátur strandaði á sandrifi skammt frá Snarfarahöfn á fyrsta tímanum í nótt. Fimm voru um borð í bátnum. Kona sem flutt var á slysadeild er ekki talin mikið slösuð.

Innlent
Fréttamynd

Klink og bank samkomustaður unglinga

Slökkvilið höfuðborgarsvæðisins var kallað að gamla Klink og bank húsinu við Brautarholt um korter yfir átta í kvöld í þriðja sinn á skömmum tíma. Búið er að slökkva eldinn en slökkviliðsmenn vinna nú að því að reykræsta húsið.

Innlent
Fréttamynd

Breytt skipting Dagsbrúnar

Og fjarskipti er nú dótturfélag Dagsbrúnar en fyrirtækið var áður hluti af móðurfélaginu Dagsbrún. Tekin var ákvörðun um þetta á hluthafafundi í dag. Með breytingunni er verið að fylgja eftir kröfum Samkeppnisráðs um að fjarskiptafyrirtæki og fjölmiðlafyrirtæki séu aðskild. Megin dótturfyrirtæki Dagsbrúnar eru nú þrjú Og fjarskipti, Kögun og 365 prent- og ljósvakamiðlar sem meðal annars rekur NFS. Breytingin hefur engin áhrif á rekstur fyrirtækjanna.

Innlent
Fréttamynd

Brotist inn í sumarbústaði

Sumarbústaðareigendum tveggja bústaða í Galtarholti í Borarbyggð brá heldur betur í brún þegar þeir komu í bústaði sína nú undir kvöldið. Brotist hafði verið inn í bústaði þeirra í gærkvöldi eða í nótt. Höfðu þjófarnir hina ýmsu hluti á brott með sér verkfæri, hljómflutningstæki og myndbandstæki.

Innlent
Fréttamynd

Tveir árekstrar í Kömbunum

Tveir árekstrar urðu neðarlega í Kömbunum og ullu töfum á umferð. Fjórir bílar eru mjög skemmdir en ekki urðu mikil meiðsl á fólki. Sjúkrabíll fór á staðinn og dráttarbílar fjarlægðu bílana sem voru óökufærir.

Innlent
Fréttamynd

Hlutfall kvenna í embættum sjálfstæðismanna í borginni 41%

Landssamband sjálfstæðiskvenna vísar ásökunum minnihlutans um að ekki sé hugað að jafnréttismálum í borginni aftur til heimahúsanna. Hlutfall kvenna í þeim embættum borgarinnar sem Sjálfstæðisflokkurinn hefur á að skipa er rúmlega 41%. Framsóknarflokkurinn stendur sig þó sýnu verst allra flokka.

Innlent
Fréttamynd

Björn segir varnarmálastefnu byggða á óskhyggju

Björn Bjarnason, dómsmálaráðherra telur að það hafi verið óskhyggja að vænta þess að Bandaríkjastjórn samþykkti kröfur íslenskra stjórnvalda um loftvarnir. Hann telur að riftun samningsins sé meiri hótun gagnvart NATO en bandaríkjamönnum.

Innlent
Fréttamynd

Rekinn en fær milljarð

Þórður Már Jóhannesson, sem rekinn var úr starfi forstjóra Straums-Burðaráss eftir 10 mánuði hagnast um milljarð króna á kaupréttarsamningum. Magnús Kristinsson gerði þennan samning við hann áður en formlega var gengið frá sameiningu Straums og Burðaráss

Innlent
Fréttamynd

Forsetinn skammar ísraelska sendiherrann

Ólafur Ragnar Grímsson forseti lenti í rifrildi við sendiherra Ísraels á Bessastöðum samkvæmt frétt ísraelsks fréttavefs. Ástæðan var meðferð landamæravarða í Ísrael á forsetafrúnni. Sagt er að fundurinn hafi endað með því að forsetinn vísaði sendiherranum á dyr og skellti hurðum á eftir. "Litrík frásögn og færð í stílinn" - segir forsetaembættið.

Innlent
Fréttamynd

Ætlar að leita réttar síns

Helgi Hermannsson fyrrverandi dagskrárstjóri Skjás eins ætlar að leita réttar síns og fara fram á bætur fyrir dómstólum. Hann ákvað þetta eftir að Persónuvernd komst að þeirri niðurstöðu að forsvarsmenn sjónvarpsstöðvarinnar hefðu brotið gegn persónuvernd með því að skoða tölvupóst Helga.

Innlent
Fréttamynd

Forseti Íslands afhjúpar listaverk í Hull

Ólafur Ragnar Grímsson, forseti Íslands og John Precott, aðstoðarforsætisráðherra Bretlands, voru viðstaddir þegar listaverk eftir Steinunni Þórarinsdóttur var afhjúpað í Hull í Bretlandi í dag, til minningar um breska sjómenn sem létust á Íslandsmiðum. Sams konar verk verður síðan vígt í Vík í Mýrdal í næsta mánuði.

Innlent
Fréttamynd

Býður fólki að græða og gefa af sér um leið

Íslendingum gefst nú kostur á nýrri tegund netviðskipta. Bergur Ísleifsson rekur vef þar sem fólki er boðið að kaupa áskrift að þurrmat sem sendur er til sveltandi barna í þriðja heiminum. Tilgangurinn er að græða pening og búa til betri heim um leið.

Innlent
Fréttamynd

Segir umræðu þarfa um stöðu varnarmála

Þorsteinn Pálsson, ritstjóri Fréttablaðsins og fyrrverandi forsætisráðherra, segir í leiðara blaðsins í dag að hótun um uppsögn varnarsamningsins ef herþoturnar yrðu fjarlægðar af Keflavíkurflugvelli, hafi beinlínis verið óskynsamleg og Íslendingum ekki til framdráttar. Þá segir hann stjórnvöld hafa stuðst við lélega ráðgjöf í varnarmálum.

Innlent
Fréttamynd

Samgöngumál ósættanleg með öllu

Ástand í samgöngumálum milli lands og Vestmannaeyja er óásættanlegt með öllu, að mati hóps þjónustuaðila og áhugamanna um ferðaþjónustu í Vestmannaeyjum. Hópurinn óskar eftir nýju gangmiklu skipi svo fjótt sem auðið er og að flug með 30-50 sæta flugvélum verði komið á milli Reykjavíkur og Vestmannaeyja þegar í stað

Innlent
Fréttamynd

Miðnæturhlaup í Laugardalnum

Hið árlega Miðnætur- og Ólympíufjölskylduhlaup fer fram í kvöld klukkan tíu við Laugardalslaug. Þetta er í fjórtánda sinn sem hlauið er haldið og hefur þátttakendur fjölgað ár frá ári. Enn er hægt að skrá sig í hlaupið en hægt er að skrá sig í þriggja kílómetra skemmtiskokk án tímatöku og fimm og tíu kílómetra hlaup með tímatöku. Hlaupið er haldið í tengslum við Jónsmessumót fjölskyldunnar sem verður í Laugardalnum, Heiðmörk og Viðey í kvöld.

Innlent
Fréttamynd

Valgerður ræður aðstoðarmann

Sigfús Ingi Sigfússon hefur verið ráðinn aðstoðarmaður Valgerðar Sverrisdóttur utanríkisráðherra. Hann starfaði áður í iðnaðar- og viðskiptaráðuneytinu en tekur til starfa í utanríkisráðuneytinu á næstu dögum.

Innlent
Fréttamynd

Skorður settar við efnistöku úr Ingólfsfjalli

Forstjóri Landverndar segir áfangasigur í náttúruvernd hafa náðst með úrskurði Úrskurðarnefndar skipulags- og byggingarmála um efnistöku úr Ingólfsfjalli. Nefndin stöðvaði framkvæmdir að hluta til með bráðabirgðaúrskurði sínum í gær. Enn er þó til meðferðar aðalkrafa kærenda, Landverndar og Náttúruverndarsamtaka Suðurlands, um afnám framkvæmdaleyfis vegna efnistöku úr Ingólfsfjalli.

Innlent
Fréttamynd

Sancy heldur heim

Færeyski togarinn Sancy hélt frá Eskifirði í gærkvöldi, eftir að tryggingar voru settar, og hefur skipstjórinn nú samviskusamlega kveikt á sjálfvirka fjareftirlits-búnaðinum.

Innlent
Fréttamynd

Hryðjuverkamenn í Miami

Sjö voru handteknir í gærkvöldi í Miami í Bandaríkjunum, vegna gruns um að þeir legðu á ráðin um hryðjuverkaárásir í Bandaríkjunum. Talið er að ætlunin hafi verið að sprengja Sears-turninn í Chicago og aðrar byggingar í Bandaríkjunum.

Erlent

Mest lesið