Fréttir

Fordæma valdaránið í Máritaníu

Sameinuðu þjóðirnar, Afríkusambandið og Bandaríkin hafa fordæmt valdaránið í Vestur-Afríkuríkinu Máritaníu í gær. Nokkrir herforingjar hafa lýst því yfir að þeir hafi tekið völdin í sínar hendur til að binda endi á tveggja áratuga einræðisstjórn forsetans Maaouiya Ould Sid Ahmed Taya.

Erlent 13.10.2005 19:37

Veðleyfi upp á 73,7 milljónir

Bæjarráð Vesturbyggðar samþykkti á fundi í gærmorgun veðleyfi að upphæð 73,7 milljónir króna frá Verðbréfastofunni hf. í Reykjavík á fjölbýlishúsið Gilsbakka 2-6 á Bíldudal. Fyrir skömmu samþykkti sveitarfélagið sölu á umræddu fjölbýlishúsi fyrir rúmar tíu milljónir króna.

Innlent 13.10.2005 19:37

Ábyrgð helst óbreytt

"Ábyrgð Toyota helst óbreytt eins og verið hefur en viðurkennd breytingarverkstæði bera að sjálfsögðu ábyrgð á öllum breytingum sem gerðar eru," segir Bogi Sigurðsson, þjónustustjóri P. Samúelssonar, umboðsaðila Toyota á Íslandi.

Innlent 13.10.2005 19:37

Lögreglustjórinn tekur við völdum

Herráð Afríkuríkisins Máritaníu, sem steypti forseta landsins af stóli í gær, hefur útnefnt yfirmann lögreglunnar sem nýjan leiðtoga landsins. Hann mun ásamt herráðinu gegna völdum í landinu næstu tvö árin en að þeim tíma liðnum er ráðgert að halda lýðræðislegar kosningar í landinu.

Erlent 13.10.2005 19:37

Vinna stöðvuð vegna mótmælenda

Öll vinna við byggingu álvers Alcoa við Reyðarfjörð hefur verið stöðvuð eftir að hópur mótmælenda fór inn á svæðið í morgun. Þeir hafa meðal annars strengt borða með áletruninni: „Alcoa græðir- Íslandi blæðir.“ Lögreglumenn frá Eskifirði og Neskaupstað eru á vettvangi og handtaka fólk, að sögn Björns S. Lárussonar, samskiptafulltrúa verktakans Bechtel.

Innlent 13.10.2005 19:37

Djöfulleg breyting fyrir aldraða

Ellilífeyrisþegi í Árbæ segir að með nýju leiðakerfi Strætó bs. sé í raun búið að gera ófært fyrir marga að taka strætisvagn þaðan og niður í bæ. Hann segir þetta einkum bitna á gamla fólkinu og fólki með skerta hreyfigetu. </font /></b />

Innlent 13.10.2005 19:37

Slasaður sjómaður sóttur nærri Vík

Björgunarsveitin Víkverji í Vík í Mýrdal var kölluð út klukkan ellefu í morgun til að sækja slasaðan sjómann um borð í bát sem staddur var rétt fyrir utan Vík. Björgunarsveitarmenn fóru á hjólabát ásamt lækni til að sækja manninn.

Innlent 13.10.2005 19:37

Í neðanjarðarbyrgi í 18 mánuði

Bandaríkjamenn hafa haldið tveimur Jemenum föngnum án ákæru í neðanjarðarbyrgi í átján mánuði, án þess að leyfa þeim að hafa nein samskipti við umheiminn. Þetta kemur fram í nýrri skýrslu frá mannréttindasamtökunum Amnesty International.

Erlent 13.10.2005 19:37

Al-Kaída hótar frekari árásum

Mikill viðbúnaður var hjá lögreglunni á lestarstöðum í London í gær, en frekari sprengjuárásum hafði verið hótað. Fjórar vikur eru liðnar síðan 52 létust í sjálfsmorðsprengingum í lestum og strætisvagni í London.

Erlent 13.10.2005 19:37

Heimatilbúnar sprengjur

Þeir sem stóðu að sjálfsmorðssprengingunum í London fyrir fjórum vikum notuðust við heimatilbúið sprengiefni, eftir því sem lögreglan í New York-borg segir.

Erlent 13.10.2005 19:37

Tvær systur ákærðar

Tvær systur, búsettar í Stockwell í Lundúnum, hafa verið ákærðar fyrir að veita ekki upplýsingar eftir sprengjutilræðið 21. júlí. Systurnar tvær, Yeshshiembet Girma, sem er 28 ára og Muluemebet Girma, 21 árs, munu mæta fyrir rétti í dag.

Erlent 13.10.2005 19:37

Hæsti tindurinn 2110 metrar

Hvannadalshnúkur á Öræfajökli, hæsti tindur landsins, er níu metrum lægri en áður var talið. Niðurstaða GPS- mælinga á honum er sú að hnúkurinn sé 2109,6 metra hár, en ekki 2119 metrar eins og lengst af var talið. Hann er þó enn hæsti tindur landsins.

Innlent 13.10.2005 19:37

Dag hvern slasast fimm aldraðir

Tæplega tveir þriðju allra slysa sem eldri borgarar urðu fyrir árið 2003 áttu sér stað á eða við heimili þeirra.

Innlent 13.10.2005 19:37

Rannsókn hætt í smyglmáli Hauks ÍS

Saksóknari í Bremerhaven hefur formlega hætt rannsókn á því hvernig töluvert magn kókaíns og hass komst um borð í Hauk ÍS fyrr á þessu ári. Tveir úr áhöfn skipsins voru handteknir í kjölfar leitar þýska tollsins um borð og játaði annar þeirrar að hafa tekið á móti tösku fyrir hönd þriðja manns í áhöfn.

Innlent 13.10.2005 19:37

Ekki í samstarfi við bæjaryfirvöld

Vestmannaeyjabær er ekki í samstarfi við kvikmyndagerðarmennina sem vinna að heimildamynd um Þjóðhátíð í Vestmannaeyjum. Í fréttum Stöðvar 2 var haft eftir einum forsvarsmanna myndarinnar að hún væri unnin í samstarfi við bæinn og að myndbrot þar sem Hreimi Heimissyni söngvara og Árna Johnsen lendir saman yrði ekki sýnt til að vernda Vestmannaeyjabæ.

Innlent 13.10.2005 19:37

Klifruðu upp í byggingarkrana

Þrettán mótmælendur voru handteknir eftir að þeir fóru inn á byggingarsvæði álvers Alcoa í Reyðarfirði á ellefta tímanum í gærmorgun. Stöðva þurfti framkvæmdir í fjórar klukkustundir vegna þessa.

Innlent 13.10.2005 19:37

Útvarpsráð mælti með Sigrúnu

Útvarpsráð mælti í morgun með því að Sigrún Stefánsdóttir verði ráðin forstöðumaður Rásar 2 og yfirmaður svæðisstöðva Ríkisútvarpsins.

Innlent 13.10.2005 19:37

Júlíus Vífill gefur kost á sér

Júlíus Vífill Ingvarsson ætlar að gefa kost á sér í prófkjöri sjálfstæðismanna fyrir borgarstjórnarkosningarnar næsta vor. Júlíus sagði í samtali við fréttastofu að fjöldi fólks hefði haft samband við hann síðustu daga og skorað á hann að snúa sér aftur að stjórnmálum en hann sat í borgarstjórn fyrir Sjálfstæðisflokkinn frá 1998 til 2002.

Innlent 13.10.2005 19:37

Óttast um afdrif manns

Lögreglan í Reykjavík kallaði út björgunarsveitir upp úr miðnætti þar sem óttast var um mann sem hafði sjósett smábát á Seltjarnarnesi fyrr um kvöldið og ekki sést síðan. Bíll hans og tómur bátavagn stóðu í fjöruborðinu og ekki náðist neitt samband við manninn.

Innlent 13.10.2005 19:37

Mæðgur létust í sprengingu

Mæðgur létust og fjórir slösuðust þegar sprengja sprakk í ruslatunnu í úthverfi Istanbul, höfuðborgar Tyrklands, í nótt. Mæðgurnar voru á leiðinni í bíl sinn eftir brúðkaupsveislu þegar sprengjan sprakk.

Erlent 13.10.2005 19:37

Komnir heim með slitna skó

<font face="Helv"></font> Göngugarparnir Bjarki Birgisson og Guðbrandur Einarsson komu til Reykjavíkur í gær og luku þar með 46 daga hringferð sinni um landið. "Þetta hefur ekki verið svo erfitt líkamlega en það reynir á þolrifin að vera svona lengi frá sínu fólki," sagði Guðbrandur, þegar þeir komu að Rauðavatni klukkan hálf fjögur í gær og lokuðu hringnum.

Innlent 13.10.2005 19:37

Þjónustugjöld ekki felld niður

Ekki er líklegt að þjónustugjöld bankanna verði felld niður í bráð eins og þingflokksformaður Sjálfstæðisflokksins lagði til í gær. Bankarnir skiluðu allir methagnaði á fyrri hluta ársins, samtals um 54 milljörðum króna.

Viðskipti innlent 13.10.2005 19:37

Þjóðverjar skammaðir

Þýskar vegabréfsáritanir, sem gefnar voru út á árunum 1999 til 2002, stóðust ekki reglur Evrópusambandsins sem miða að því að koma í veg fyrir ólöglega innflytjendur.

Erlent 13.10.2005 19:37

Mastrið losnaði úr festingum

Mastrið á seglskútunni Svölu, sem togskipið Ársæll Sigurðsson er að draga í land, losnaði úr festingum sínum í nótt og féll. Skiperjar á Ársæli náðu því um borð í Ársæl en nokkur töf varð vegna þessa.

Innlent 13.10.2005 19:37

Ekkert gerðist í London

Taugatitringurinn var mikill á götum Lundúna í morgun þegar borgarbúar héldu til vinnu. Ástæðan var sú að öryggisyfirvöld óttuðust hryðjuverkaárásir, mánuði eftir að fimmtíu og tveir voru drepnir í árásum í borginni. Ekkert gerðist en viðbúnaðurinn var gríðarlegur.

Erlent 13.10.2005 19:37

Dróst vegna fjarveru starfsmanna

Kristján Þór Júlíusson, bæjarstjóri Akureyrar, hefur svarað fyrirspurnum Oktavíu Jóhannesdóttur, bæjarfulltrúa Samfylkingarinnar, um umdeilda lífskjararannsókn sem unnin var fyrir bæjarstjórn Akureyrar. Í svörum bæjarstjórans segir að ástæða þess að kynning niðurstaðna dróst frá maí fram í júlí hafi verið veikindi og fjarvera starfsmanna og bæjarfulltrúa.

Innlent 13.10.2005 19:37

Unnið að stefnumörkun

"Stefnumörkun er í gangi þessa dagana og enn á eftir að ganga frá ýmsum lausum endum," segir Gísli Tryggvason, nýskipaður talsmaður neytenda. Rúmur mánuður er síðan Neytendastofa tók formlega til starfa fyrsta sinni en talsmaður neytenda heyrir undir hana.

Innlent 13.10.2005 19:37

Stuðningur við Bush minnkar

Eftir að fjórtán bandarískir hermenn létu lífið þegar að vegasprengja í Írak sprakk á miðvikudag, auk fjórtán hermanna sem létust á mánudag, hafa Bandaríkjamenn í vaxandi mæli krafist þess að George W. Bush kalli hermennina heim.

Erlent 13.10.2005 19:37

Engin íslensk hrossamafía

Íslenska hrossamafían stundar ekki skipulagða glæpastarfsemi eins og þýsk tollayfirvöld héldu fram fyrir nokkrum árum. Eftir margra ára rannsókn hafa þau komist að því að mál sem vakti mikla athygli byggðist allt á misskilningi.

Innlent 13.10.2005 19:37

Gaza: 200 mótmælendur handteknir

Meira en tvö hundruð mótmælendur voru handteknir á Gaza-ströndinni í nótt fyrir að fara fram hjá girðingum öryggissveita. Um tíu þúsund mótmælendur höfðu safnast saman í borginni Ofakim í suðurhluta Ísraels en þeir hættu við mótmælagöngu snemma í morgun eftir að öryggissveitir lokuðu leiðinni sem þeir ætluðu að fara.

Erlent 13.10.2005 19:37