Planck stofnunin býður stjórnvöldum lausn á Icesave

Planck stofnunin í Hollandi (Planck Foundation) hefur boðið íslenskum stjórnvöldum áætlun sem felur í sér að Íslendingar borgi Icesave skuldina með orkusölu til Bretlands og Hollands. Orkan yrði send í gegnum háspennukapal sem þegar eru framleiddir hjá Siemens og ABB. Slíkir kaplar eru í notkun í Japan, Kína, Bandaríkjunum og fleiri löndum.

Úrvalsvísitalan hækkaði um 0,35 prósent

Gengi hlutabréfa í Færeyjabanka hækkaði um 1,58 prósent í Kauphöllinni í dag. Á eftir fylgir gengi bréfa í Marel sem hækkaði um 1,43 prósent, og Eik banka sem fór upp um 1,27 prósent. Gengi hlutabréfa í Icelandair lækkaði um 9 prósent og tæp 1,98 prósent í Century Aluminum. Úrvalsvísitalan hækkaði um 0,35 prósent og endaði í 937,2 stigum.

Áfram mikil velta á skuldabréfamarkaði

Skuldabréfavísitalan GAMMA: GBI hækkaði um 0,2% í dag í 16,8 milljarða kr. viðskiptum. GAMMAi: Verðtryggt hækkaði um 0,3% í 5,1 milljarða kr. viðskiptum og GAMMAxi: Óverðtryggt lækkaði um 0,1% í 11,7 milljarða kr. viðskiptum.

Eyrir Invest tapaði fjórðum milljörðum króna

Fjárfestingarfélagið Eyrir Invest tapaði rúmum 23,6 milljónum evra í fyrra. Þetta jafngildir fjórum milljörðum króna. Til samanburðar hagnaðist félagið um 8,8 milljónir evra í hittifyrra.

Endurskipulagning Farice framlengd til 1. apríl

Samkomulag það sem Eignarhaldsfélagið Farice ehf. og kröfuhafar þess gerðu í desember 2009 hefur verið framlengt til 1. apríl n.k.

Íslandsbanki setur Hafnarslóð í söluferli

Fyrirtækjaráðgjöf Íslandsbanka hf. hefur verið falið að annast formlegt ferli sem lýtur að mögulegri sölu á 100% hlut í Hafnarslóð sem er í dag í eigu Miðengis ehf., dótturfélags Íslandsbanka hf. Hafnarslóð ehf. er fasteignafélag sem á lóð og leikskóla við Vesturbrú 7 í Garðabæ.

Orkuveita Reykjavíkur tapaði 2,5 milljörðum í fyrra

Rekstrarhagnaður Orkuveitu Reykjavíkur (OR) fyrir fjármagnsliði, skatta og afskriftir, EBITDA, árið 2009 var 13,0 milljarðar króna. Að teknu tilliti til þeirra þátta nemur halli af rekstrinum 2,5 milljörðum króna og ræðst það að mestu af 7,6% veikingu íslensku krónunnar frá upphafi til loka árs. Á árinu 2008 varð halli að fjárhæð 73,0 milljarðar króna af rekstrinum.

Hagnaður Landsvirkjunar nam 24,4 milljörðum í fyrra

Hagnaður Landsvirkjunnar á síðasta ári nam 193 milljónum dollara sem svarar til um 24,4 milljarða króna á núverandi gengi.

Innflutningur á byggingarefnum hefur hrapað

Minnkandi umsvif byggingariðnaðarins koma glögglega í ljós þegar tölur Hagstofunnar um innflutning hinna ýmsu byggingarefna eru skoðaðar. Á síðasta ári dróst innflutningur á timbri saman um 40% frá fyrra ári og um 70% á steypustyrktarjárni fyrir sama tímabil í tonnum talið.

MIT Global Startup Workshop haldin á Íslandi

Dagana 24. - 26. mars nk. fer fram á Íslandi ein virtasta frumkvöðlaráðstefna í heiminum, MIT Global Startup Workshop.

Vísitala byggingarkostnaðar hækkar lítilega

Vísitala byggingarkostnaðar reiknuð um miðjan mars 2010 er 101,1 stig sem er hækkun um 0,3% frá fyrri mánuði. Vísitalan gildir í apríl 2010.

Greining: Verðbólgan verður 8,9% í mars

Greining MP Banka reiknar með því að ársverðbólgan fari í 8,9% í marsmánuði og aukist því um rúmt hálft annað prósentustig frá febrúar. Þetta kemur fram í Markaðsvísi greiningarinnar.

Nafni Færeyjabanka breytt í BankNordik

Føroya Banki er orðinn alþjóðlegur og með æ fleiri erlenda viðskiptavini sem eiga erfitt með að bera nafnið fram. Því ætti að breyta því, segir stjórnarformaður bankans, Klaus Rasmussen. Fyrir næsta aðalfund mun stjórnin því leggja til að nafninu verði breytt í BankNordik.

Upplýsingar veittar um Landsvirkjun

Lagt verður til við forsætisráðherra fyrir lok næsta mánaðar að opinber fyrirtæki svo sem Landsvirkjun, RÚV og Orkuveita Reykjavíkur verði sett undir upplýsingalög. Þannig hefði almenningur og fjölmiðlar betri aðgang að gögnum þessara stofnana.

Ný stjórn Arion banka kosin í dag - sænskur stjórnarformaður

Ný stjórn Arion banka var kosin á hluthafafundi bankans í dag, fimmtudaginn 18. mars. Á stjórnarfundi Arion banka sem var haldinn í kjölfarið var Monica Caneman kjörin stjórnarformaður en aðrir stjórnarmenn eru Guðrún Johnsen, varaformaður, Kristján Jóhannsson, Steen Hemmingsen og Theodór S. Sigurbergsson. Varamenn stjórnar eru: Agnar Kofoed-Hansen, Jóhannes R. Jóhannesson, Ólafur Helgi Ólafsson, María Grétarsdóttir og Guðrún Björnsdóttir.

GAMMA: Vanhugsað að aflétta gjaldeyrishöftum strax

Það er mat Róberts Helgason sjóðsstjóra GAMMA að aflétting gjaldeyshafta með öllu á þessu ári, eða jafnvel á næsta ári, verði að teljast vanhugsuð ákvörðun sem og illa ígrunduð. Íslenskt efnahagslíf hefur nú þegar fengið að kynnast því mjög náið hvernig er að notast við fljótandi örmynt í því regluverki sem stýrir frjálsu flæði stærstu mynta heims.

Fjárfestingastofa: Töluvert um fyrirspurnir frá Kína

Þórður Hilmarsson forstöðumaður Fjárfestingastofu Íslands segir að töluvert hafi verið um fyrirspurnir frá kínverskum aðilum um fjárfestingarmöguleika á Íslandi. „Enn sem komið er snúast þessar fyrirspurnir að mestu um möguleika á fjárfestingum í orkufrekum eða orkuháðum iðnaði," segir Þórður.

Gengi hlutabréfa Marels hækkaði um þrjú prósent

Gengi hlutabréfa Marel hækkaði um 3,09 prósent í Kauphöllinni í dag. Á eftir fylgir gengi bréfa stoðtækjafyrirtækisins Össurar, sem hækkaði um 1,95 prósent, og Færeyjabanka, sem fór upp um 0,95 prósent.

Bauð 50% af kostnaðaráætlun í vinnubúðir við Búðarháls

Tilboð í byggingu vinnubúða við Búðarhálsvirkjun voru opnuð á skrifstofu Landsvirkjunar í gær. Snilldarverk ehf. og Hnullungur ehf. áttu lægsta boðið eða rúmlega 30,6 milljónir kr. Nam tilboðið rúmlega helmingi af kostnaðaráætlun verksins.

Hertz kaupir 50 nýjar Skodabifreiðar af HEKLU

Undirritaður hefur verið samningur milli HEKLU og Bílaleigunnar Hertz um kaup á 50 nýjum Skoda Octavia og Skoda Yeti bifreiðum sem verða afhentar á vormánuðum en bílaleigan stefnir að því að vera búin að endurnýja allan bílaflota sinn haustið 2011. Von er á enn frekari samningum um tugi bíla til viðbótar.

Íslenski bílaflotinn með þeim elstu í Evrópu

Íslenski einkabílaflotinn er nokkuð eldri en bílaflotar flestra helstu Evrópuríkja og munar tæpum tveimur árum á meðalaldri bíla á Íslandi og bíla í Evrópusambandslöndunum.

Tæplega helmingur húsnæðislána í greiðslujöfnun

Tæplega helmingur allra húsnæðislána hefur nú verið greiðslujafnaður samkvæmt upplýsingum sem Félags- og Tryggingamálaráðuneytið kynnti í gær. Samkvæmt upplýsingum ráðuneytisins hefur um 45% verðtryggðra húsnæðislána verið greiðslujafnað og um 42% gengistryggðra húsnæðislána hafa fengið sömu meðferð.

Skuldatryggingaálag ríkissjóðs niður í 401 punkt

Skuldatryggingaálag á ríkissjóð Íslands hefur lækkað verulega á síðustu vikum og hefur það ekki verið jafn "lágt" síðan í byrjun desember síðastliðinn. Nú í morgun stóð álagið til 5 ára í 401 punkti (4,01%), en í byrjun febrúar síðastliðinn stóð álagið í 675 punktum. Hefur það því lækkað um 274 punkta á þessu tímabili.

Tortíming á orðstír Íslands stoppar IceCell

Póst- og fjarskiptastofnun hefur ákveðið að afturkalla starfsleyfi IceCell fyrir uppsetningu á farsímakerfi á Íslandi. IceCell segir að tortíming á orðstír Íslands hafi gert félaginu ómögulegt að fjármagna þetta verkefni.

Newsweek: Kínverjar vilja fjárfesta á Íslandi

William Underhill einn af dálkahöfundum tímaritsins Newsweek segir í grein í nýjasta tölublaði Newsweek að Kínverjar hafi áhuga á því að fjárfesta á Íslandi. Fjárfestingarstofa Íslands hafi orðið var við fjölda fyrirspurna frá Kínverjum um fjárfestingarmöguleika í landinu. Nýtt sendiráð Kína í Reykjavík verði það stærsta í borginni.

Hefur engin áform um að opna verslun í London

„Engin plön eru á mínum borðum um að opna búð í London," segir Jón Ásgeir Jóhannesson í samtali við fréttastofu.

Alls skulda 16 sveitarfélög LSS meir en milljarð hvert

Í ársreikningi Lánasjóðs sveitarfélaga (LSS) fyrir síðasta ár kemur fram að alls skulda 16 sveitar-og bæjarfélög sjóðnum meir en milljarð kr. Hafnarfjörður skuldar mest eða tæplega 7,5 milljarða kr. næst kemur Kópavogur með tæpa 6,5 milljarða kr. og í þriðja sæti er Akureyri með tæpa 4,2 milljarða kr.

Laun opinberra starfsmanna hækkuðu mest

Laun hjá opinberum starfsmönnum hækkuð mest af öllum starfsstéttum milli áranna 2008 og 2009. Þetta kemur fram á vefsíðu Hagstofunnar.

Jón Ásgeir undirbýr endurkomu í verslunargeira London

Jón Ásgeir Jóhannesson, fyrrum stjórnarformaður Baugs Group, er að undirbúa opnun þriggja lágvöruverðsverslana í London. Búðirnar mun heita Best Price að því er fram kemur í frétt um málið í Viðskiptablaðinu í dag. Verið sé að leita að heppilegum staðsetningum fyrir þessar búðir.

LSS skilaði rúmlega 1,6 milljarða hagnaði í fyrra

Lánasjóður sveitarfélaga (LSS) skilaði ágætu uppgjöri fyrir síðasta ár. Hagnaður af starfsemini var 1.656 milljónir kr. á móti 1.225 milljónum kr. árið áður.

Ný efnahagsáætlun ef Icesave leysist ekki

Þeim mun lengra sem líður án samkomulags um Icesave aukast líkur á að hverfa þurfi frá efnahagsáætlun ríkisins og AGS, að mati seðlabankastjóra. Þá megi naumlega forða greiðsluþroti ríkisins, en landið verði berskjaldað og þrengingar aukist.

Kröfur lækka um 30 milljarða í þrotabú Kaupþings

Gott jafnvægi er komið á útlánasafn Kaupþings, sem er með tvö lánasöfn í virkri stýringu: norrænt og evrópskt. Þá hafa kröfur í búið lækkað um 30 milljarða kr. með endurskoðun á kröfuhafaskrá bankans.

Fyrirtækin skulda um 112 milljarða í skatta

Alls voru um 112 milljarðar króna í vanskilum af sköttum og opinberum gjöldum hjá atvinnulífinu um síðustu áramót, samkvæmt áætlunum. Tekur það bæði til lögaðila og einstaklinga í atvinnurekstri. Fjármálaráðherra hefur lagt fram frumvarp um að hægt verði að fresta greiðslu á þessum skuldum.

Securitas fylgir ekki með í sölu Securitas

Sænska félagið Securitas AB hafnar því að vörumerkið Securitas fylgi með í kaupunum á þrotabúi öryggisfyrirtækisins Securitas hér á landi. Vörumerkið er skráð í eigu sænska fyrirtækisins hjá Einkaleyfisstofunni.

Hluthafar gætu brunnið inni við afskráningu Bakkavarar

Afskráning með þeim hætti sem Bakkavör áformar er ekki hafin yfir vafa, að mati Þórðar Friðjónssonar, forstjóra Kauphallarinnar. „Við erum að fara gaumgæfilega yfir málið," segir hann.

Plan b ef lánsfé fæst ekki

Seðlabankastjóri segir að hægt sé að koma í veg fyrir greiðslufall ríkisins, hvort sem erlent lánsfé fæst samkvæmt áætlun eða grípa þurfi til plans b, en hvorug leiðin sé sársaukalaus. Plan b feli í sér lægra gengi krónunnar og lægri laun.

Horfa fram á málaferli vegna riftunar- og skaðabótamála

Innri starfsemi SPRON sætti rannsókn í aðdraganda að yfirtöku Fjármálaeftirlitsins á sparisjóðnum. Rannsóknin bendir til þess að þrotabúið gæti átt yfir höfði sér málsóknir vegna riftunar og skaðabótamála. Þetta kemur fram í tilkynningu frá slitastjórn Spron.

Gengi hlutabréfa Icelandair hækkar um tíu prósent

Gengi hlutabréfa í Icelandair Group hækkaði um tíu prósent í Kauphöllinni í dag en það er mesta hækkun dagsins. Á eftir fylgdi gengi hlutabréfa færeyska bankans Eik Bank, sem hækkaði um 3,29 prósent. Þá hækkaði gengi bréfa Marel um 3,05 prósent, Century Aluminum um 2,19 prósent og Færeyjabanka um 0,32 prósent.

GBI vísitalan hækkaði töluvert í miklum viðskiptum

Skuldabréfavísitalan GAMMA: GBI hækkaði um 0,6% í dag í miklum viðskiptum eða 20,2 milljörðum kr. og er þetta mesta hækkun vísitölunnar síðan í byrjun desember 2009. GAMMAi: Verðtryggt hækkaði um 0,6% í 4,9 milljarða kr. viðskiptum og GAMMAxi: Óverðtryggt hækkaði um 0,6% í 15,3 milljarða kr. viðskiptum.

Bílabúð Benna blæs á kreppuna, frumsýnir nýjan Porsche

Næstkomandi laugardag mun Bílabúð Benna frumsýna Porsche 911 Sport Classic. Þessi bíll er framleiddur í aðeins 250 eintökum en búðinni tókst að fá einn slíkan í sýningarsal sinn á Vagnhöfða.

Verulega dregur úr samdrætti í veltu innanlands

Innlend velta samkvæmt virðisaukaskattskýrslum var um 2,6% minni að raunvirði á tímabilinu nóvember til desember síðastliðinn samanborið við sama tímabil árið 2008. Að nafnvirði jókst innlend velta hins vegar um 5,2%. Á þennan mælikvarða hefur verulega dregið úr samdrættinum í hagkerfinu en til samanburðar var samdrátturinn 13,4% að raunvirði á tímabilinu september til október síðastliðinn samanborið við sama tímabil 2008.

Fá skattahandvömm bankanna í bakið

Bankarnir létu hjá líða að greiða skatta af afleiðuviðskiptum viðskiptavina sinna og nú eru viðskiptavinirnir að fá það í bakið. Þeir þúsund einstaklingar sem fá bréf frá skattrannsóknarstjóra vegna vantaldra skatttekna geta hins vegar borið ákvörðun um skattfjárhæð undir yfirskattanefnd og lögmæti skattskyldunnar undir dómstóla.

Nýfjárfestingar í gjaldeyri nema 14 milljörðum

Fjórtán milljarðar í formi erlends gjaldeyris vegna nýfjárfestinga hafa streymt til landsins frá því Seðlabankinn steig fyrsta skrefið í afnámi gjaldeyrishafta, segir Már Guðmundsson, seðlabankastjóri.

Erlendar eignir bjarga stöðunni í lok næsta árs

Már Guðmundsson seðlabankastjóri segir að þjóðarbúið ráði við greiðslur á erlendum lánum á gjalddaga í lok næsta árs og upphafi ársins 2012. Hann nefnir sem dæmi erlendar eignir sem hægt sé að leysa til sín eins og Kaupþingslánið sem veitt var með veði í FIH bankanum haustið 2008.

Seðlabankastjóri: Möguleiki á nýrri efnahagsáætlun

Már Guðmundsson seðlabankastjóri segir að ef útlit er fyrir að Icesave deilan verði ekki leyst í bráð væri möguleiki á að koma nýrri efnahagsáætlun á fót. Þetta yrði þó ekki gert af Seðlabankanum einum saman heldur í samvinnu við stjórnvöld og fleiri aðila.