Aflaverðmætið jókst um tæpa 16 milljarða í fyrra

Aflaverðmæti íslenskra skipa nam rúmum 115 milljörðum króna á árinu 2009, samanborið við 99 milljarða yfir árið 2008. Aflaverðmæti hefur því aukist um tæpa 16 milljarða eða 16% á milli ára.

Seðlabankinn lækkar vexti um 0,5%

Peningastefnunefnd Seðlabanka Íslands hefur ákveðið að lækka vexti bankans um 0,5 prósentur. Vextir á viðskiptareikningum innlánsstofnana lækka í 7,5%, hámarksvextir á 28 daga innstæðubréfum í 8,75%, vextir á lánum gegn veði til sjö daga í 9,0% og daglánavextir í 10,5%.

Fasteignaverð lækkar áfram á höfuðborgarsvæðinu

Vísitala íbúðaverðs á höfuðborgarsvæðinu var 302,1 stig í febrúar 2010 og lækkar um 0,4% frá fyrra mánuði. Síðastliðna 3 mánuði lækkaði vísitalan um 2,2%, síðastliðna 6 mánuði hefur hún lækkað um 3,8% og lækkun síðastliðna 12 mánuði var 10%.

Hagnaður HB Granda nam 2,2 milljörðum í fyrra

Hagnaður HB Granda, eftir skatta, nam rúmum 2,2 milljörðum kr. á síðasta ári. Þetta kemur fram í tilkynningu um uppgjör ársins sem birt hefur verið á heimasíðu HB Granda.

Skammstöfunin BG ávísun á viðskiptalegt afhroð

Skammstöfunin BG virðist hafa farið verr út úr hruninu heldur flestar aðrar. Björgólfur Guðmundsson er gjaldþrota, sömuleiðis Baugur Group og Baldur Guðlaugsson er grunaður um hundruð milljóna innherjasvik.

Bílaleiga Akureyrar kaupir 175 nýja bíla af Suzuki umboðinu

Höldur-Bílaleiga Akureyrar og Suzuki bílaumboðið á Íslandi hafa skrifað undir kaup bílaleigunnar á að minnsta kosti 175 nýjum bílum af tegundunum Suzuki Swift og Suzuki Grand Vitara og hugsanlega verður bílunum fjölgað eitthvað þegar nær dregur sumri, að fram kemur í tilkynningu. Fyrr í dag var greint frá samkomulagi bílaleigunnar og Heklu um kaup á 200 nýjum bílum.

Helga Valfells ráðin framkvæmdastjóri

Stjórn Nýsköpunarsjóðs atvinnulífsins hefur ákveðið að ráða Helgu Valfells, fyrrverandi aðstoðarmann Gylfa Magnússonar viðskiptaráðherra, sem framkvæmdastjóra sjóðsins. Hún tekur við af Finnboga Jónssyni sem hefur verið ráðinn sem framkvæmdastjóri Framtakssjóðs Íslands.

Stjórnarformaður OR furðar sig á yfirlýsingum framkvæmdastjóra SA

Guðlaugur G. Sverrisson stjórnarformaður Orkuveitu Reykjavíkur (OR) lýsir furðu sinni á yfirlýsingum framkvæmdastjóra Samtaka atvinnulífsins (SA) í Fréttablaðinu í dag.

Seðlabankinn notaði 15 milljarða til að styrkja gengi krónunnar

Frá því í desember 2008 hefur Seðlabanki Íslands selt gjaldeyri fyrir 15,1 milljarð kr. til að styðja við gengi krónunnar. Verulega hefur dregið úr gjaldeyrissölu Seðlabankans síðustu mánuði og hefur bankinn ekki átt í viðskiptum á millibankamarkaði frá því í nóvember 2009.

Telja skattsvik í bönkunum nema hundruðum milljarða

Þau Jóhanna Sigurðardóttir forsætisráðherra og Steingrímur J. Sigfússon fjármálaráðherra telja að skattsvik í gömlu bönkunum þremur, Kaupþingi, Landsbanka og Glitni hafi numið hundruðum milljarða. Þetta kom fram í máli þeirra að loknum ríkisstjórnarfundi í morgun.

Steingrímur: Sparisjóðir verði á félagslegum grunni

Ákvarðanir um endurreisn sparisjóðanna verða kynntar á næstu dögum. Steingrímur J. Sigfússon fjármálaráðherra boðar að sparisjóðirnir verði endurreistir með sterka fótfestu í byggðunum og þeir verði reknir á félagslegum grundvelli.

Facebook gæti kostað íslenskt atvinnulíf 15 milljarða á ári

Facebook kostar Dani um 250 milljarða íslenskra króna á hverju ári í glötuðum vinnustundum samkvæmt nýjum rannsóknum þar í landi. Ef könnunin er heimfærð yfir á Ísland kostar Facebooknotkun okkur um 15 milljarða króna.

Gríðarlegur samdráttur í fjárfestingu atvinnuveganna

Gríðarlegur samdráttur varð í fjárfestingu atvinnuveganna á síðasta ári. Nam samdrátturinn frá fyrra ári 54% og kemur sá samdráttur í kjölfar tæplega 30% samdráttar árið 2008 og 22% samdráttar árið 2007.

Íslandssjóðir tilkynna slit á Sjóði 1 og Sjóði 11

Það er mat stjórnar Íslandssjóða hf. að hagsmunum sjóðfélaga í Sjóði 1 og Sjóði 11 sé best borgið með því að slíta sjóðnum og um leið sé jafnræði fjárfesta á endurheimtum best tryggt.

ÍLS heldur vöxtum óbreyttum í kjölfar útboðs

Íbúðalánasjóður (ÍLS) hefur í kjölfar útboðs á íbúðabréfum ákveðið að útlánavextir sjóðsins verði óbreyttir.

Bílaleiga Akureyrar kaupir 200 nýja Volkswagen og Skoda

Bílaleiga Akureyrar -Höldur ehf. hefur samið við Heklu um kaup á 200 nýjum Volkswagen og Skoda bifreiðum sem afhentir verða á vormánuðum.

Íslensk verðbréf reikna með 0,25 til 0,5% vaxtalækkun

Íslensk verðbréf telja líklegt að stýrivextir verði lækkaðir um 25-50 punkta eða 0,25 til 0,5 prósentustig á morgun miðvikudag þegar peningastefnunefnd Seðlabankans tilkynnir ákvörðun sína.

Launakostnaður jókst um 5,6% til 7,7% milli ára

Árshækkun heildarlaunakostnaðar á greidda vinnustund milli fjórða ársfjórðungs síðasta árs og sama tímabils 2008 var á bilinu 5,6% til 7,7%.

Eignir tryggingafélaga jukust um 12,6 milljarða í janúar

Heildareignir tryggingafélaganna námu 147,2 milljarða kr. í lok janúar og hækkuðu um 12,6 milljarða kr. milli mánaða.

Bestu launin í þrotabúunum

Starfsfólk skilanefndar og slitastjórnar Glitnis var með hæstu meðallaunin í bankakerfinu á liðnu ári, samkvæmt upplýsingum Fréttablaðsins. Meðallaun þar námu 874 þúsund krónum á mánuði.

Seðlabankinn í pattstöðu

Engin rök eru fyrir háum vöxtum Seðlabankans. Afgangur af vöruskiptum við útlönd er mikill og gríðarlegur slaki er á innlendri eftirspurn. Það endurspeglast í meira atvinnuleysi en sést hefur hér á landi. Seðlabankinn er hins vegar í pattstöðu enda verður hann að hafa rými til að hækka stýrivexti þegar krónunni verður sleppt lausri.

Heildarskuldir ríkisins 78 prósent af landsframleiðslu

Heildarskuldir ríkissjóðs í árslok 2009 svöruðu til 78 prósent af vergri landsframleiðslu samkvæmt fréttatilkynningu sem fjármálaráðuneytið sendi frá sér.

Vill 50 milljónir frá SPRON

Kröfur í þrotabú SPRON nema um 250 milljörðum króna. Guðmundur Hauksson, fyrrverandi forstjóri, gerir tæplega fimmtíu milljóna króna launakröfu í þrotabúið.

Gamma lækkaði um 0,1%

Skuldabréfavísitalan GAMMA: GBI lækkaði um 0,1% í dag í 13,7 milljarða viðskiptum. GAMMAi: Verðtryggt lækkaði um 0,1% í 2,7 milljarða viðskiptum og GAMMAxi: Óverðtryggt hækkaði um 0,1% í 11 milljarða viðskiptum.

Gengi hlutabréfa Bakkavarar hækkaði um 22,22 prósent

Gengi hlutabréfa Bakkavarar hækkaði um 22,22 prósent í Kauphöllinni í dag. Aðeins ein viðskipti standa á bak við hækkunina. Á eftir fylgdi gengi bréfa Marels, sem hækkaði um 1,69 prósent, og Össurar, sem hækkaði um 1,68 prósent. Þá hækkaði gengi hlutabréfa færeyska flugfélagsins Atlantic Petroleum um 0,75 prósent í dag.

Skuldatryggingaálag ríkissjóðs sígur rólega niður

Skuldatryggingaálag ríkissjóðs hefur sigið rólega niður undanfarna sjö daga og stendur í 416 punktum í dag samkvæmt mælingu CMA gagnaveitunnar.

Greining dregur úr spá sinni um stýrivaxtalækkun

Greining Íslandsbanka hefur dregið úr spá sinni um stýrivaxtalækkun og reiknar nú með því að peningastefnunefnd Seðlabankans lækki vexti bankans um 0,25-0,50 prósentustig. Í fyrri spá greiningarinnar var gert ráð fyrir 0,50 til 1 prósentustiga lækkun. Vaxtaákvörðnin verður á miðvikudag.

Skiptimynt fékkst upp í 42 milljarða gjaldþrot

Icarus Invest sem áður hét Saxbygg Invest ehf. og var dótturfélag í 100% eigu Saxbygg ehf. á stærsta gjaldþrot sem sést hefur í Lögbirtingablaðinu síðustu mánuðina. Hljóðar það upp á rúma 42 milljarða króna, eða 42.058.386.695 krónur.

Tryggingafélögin endurnýta tjónabúnað

Græn framtíð hefur hafið samstarf við tryggingafélögin Sjóvá, VÍS, Tryggingamiðstöðina og Vörð um endurnýtingu á smáraftækjum sem berast vegna tjónamála. Græn framtíð mun annast flutning á tjónabúnaði fyrir hönd tryggingafélaganna til vottaðra endurvinnslufyrirtækja erlendis sem tryggja endurnýtingu á þeim með ábyrgum hætti.

Heildaraflinn minnkaði um 8,5% í febrúar

Heildarafli íslenskra skipa í nýliðnum febrúarmánuði, metinn á föstu verði, var 8,5% minni en í febrúar 2009. Það sem af er árinu hefur aflinn dregist saman um 8,7% miðað við sama tímabil 2009, sé hann metinn á föstu verði.

Tekjubil á Íslandi hefur breikkað frá 2004 til 2009

Tekjubil á Íslandi hefur breikkað ef mið er tekið af þróun Gini-stuðuls og upplýsinga úr lífskjararannsóknum 2004 til 2009. Hlutfall Íslendinga undir lágtekjumörkum hefur hins vegar haldist nær óbreytt á umræddu tímabili.

Áfengisala minnkaði um rúm 13% í febrúar

Sala áfengis minnkaði um 13,1% í febrúar miðað við sama mánuð árið áður á föstu verðlagi. Leiðrétt fyrir árstíðabundnum þáttum nam samdráttur í veltu áfengis í febrúar 12,7% frá sama mánuði í fyrra. Verð á áfengi var 18,2% hærra í febrúar síðastliðnum en í sama mánuð í fyrra.

Bankarnir vilja blása lífi í bónuskerfi starfsmanna

Þreifingar eru um að taka aftur upp bónuskerfi í Arion banka, Íslandsbanka og Landsbanka, samkvæmt heimildum Fréttablaðsins. Slíkt kerfi var við lýði í bönkunum fram að hruni haustið 2008. Bónuskerfi hafa ekki verið tekin upp í bönkunum síðan þá. Gangi allt eftir munu bónuskerfin einskorðast við tvö svið, eignastýringu og fyrirtækjaráðgjöf.

Uppbygging í óvissu á Hljómalindarreit

Algjör óvissa ríkir um uppbyggingu á Hljómalindarreitnum svokallaða en fasteignafélagið Festar ehf., sem á flestar eignir þar, stendur afar illa. Fyrirtækið skuldaði tæpar 1.800 milljónir króna samkvæmt ársskýrslu 2008 og eigið fé fyrirtækisins var neikvætt um tæpar 700 milljónir króna. Langstærstur hluti skuldanna er við Landsbankann, eða um 1.250 milljónir króna. Stærstur hluti skuldanna er gengistryggður og því má gera ráð fyrir að staða fyrirtækisins sé mun verri nú en í lok árs 2008.

Afturkallar greiðslu upp á fimm milljarða

Skiptastjóri Milestone mun afturkalla greiðslur upp á 5,2 milljarða króna til Ingunnar Wernersdóttur, systur Wernersbræðra. Þeir keyptu Ingunni út með láni frá Milestone upp á rúma 5 milljarða króna en greiddu það aldrei upp.

Sprotafyrirtæki: Bankar sýna lítinn áhuga

Bankar sýna sprotafyrirtækjum lítinn áhuga og stuðningur hins opinbera er of takmarkaður að mati þeirra sem starfa við uppbyggingu slíkra fyrirtækja. Frumkvöðlastarfsemi hefur þó sprungið út eftir að kreppan skall á og ásókn í styrki margfaldast.

Yfir 6.000 félög skila ekki ársreikningi fyrir 2008

Alls eiga 6.171 starfandi félög á Íslandi eftir að skila ársreikningi vegna ársins 2008. Samkvæmt lögum um skil á ársreikningum, sem samþykkt voru fyrir tveimur árum, ber félögum að skila reikningum eigi síðar en átta mánuðum eftir lok reikningsárs. Sá frestur rann út í ágústlok í fyrra.

Alþjóðadagur neytendaréttar á morgun

Alþjóðadagur neytendaréttar er haldinn á morgun og vekja Neytendasamtökin athygli á nokkrum báráttumálum í tilefni þess. Vilja samtökin að komið verði upp raunhæfum neysluviðmiðum hér á landi, þar sem tekið sé mið af eðlilegri neyslu en ekki sultarneyslu eins og nú sé gert.

Ekki dómur um lögmæti gengislána

Framkvæmdastjóri Samtaka fjármálafyrirtækja hafnar því að hægt sé að túlka þau orð hans að óheimilt sé að tengja lánssamninga í íslenskum krónum við erlenda mynt - sem dóm um lögmæti gengistryggðra bíla- og húsnæðislána.

Greining MP Banka spáir hógværri stýrivaxtalækkun

Greining MP Banka telur líklegast er að peningastefnunefnd Seðlabankans ákveði að halda áfram að lækka vexti í bili, en fari þó að öllu með gát vegna aukinnar óvissu um efnahagsáætlunina og erlenda fjármögnun. Því megi reikna með 25 punkta (0,25 prósentustiga) lækkun stýrivaxta á miðvikudaginn kemur.

Deutche bank gæti kært ríkið

Ríkið gæti átt yfir höfði sér málsókn frá Deutsche bank nái hugmyndir félagsmálaráðherra um afskriftir á bílalánum fram að ganga. Þýski bankinn er stærsti lánveitandi Lýsingar, sem færi í þrot. Stjórnvöld eru meðvituð um þessa hættu en telja sig geta komið í veg fyrir málsókn.

Illugi vill afnema dráttarvexti tímabundið

Þingflokksformaður Sjálfstæðisflokksins vill láta afnema dráttarvexti á lán tímabundið og segir ekki skynsamlegt að leggja þá á skuldsetta einstaklinga og heimili í greiðsluvanda. Það sé réttlætismál að leggja ekki refsivexti á fólk sem hafi lent í skuldavanda í kjölfar efnahagshrunsins.

Naumur tími til að taka á skuldavandanum

Íslensk stjórnvöld hafa nauman tíma til að taka á skuldavanda ríkisins, segir sérfræðingur í skuldavanda fullvalda ríkja í samtali við Morgunblaðið. Hann segir að forðast beri lán frá Alþjóðagjaldeyrissjóðnum.

Eftirlitið brást hjá Seðlabanka

Hrun íslensku krónunnar árið 2008 má rekja beint til íslensku viðskiptabankanna sem gengu allt of langt í kaupum á erlendum gjaldeyri mánuðina fyrir hrun. Seðlabankinn hafði ekkert eftirlit með viðskiptum bankanna, heldur þvert á móti rýmkaði heimildir um kaup á gjald

Hátt í 40 þúsund hafa nýtt sér úrræði í boði

Af viðskiptavinum Landsbankans og Íslandsbanka hafa 60 prósent nýtt sér sjálfvirka greiðslujöfnun íslenskra íbúðalána, samkvæmt upplýsingum frá bönkunum. Heldur fleiri hafa farið þá leið hjá Arion banka, eða 68 prósent.