Heildarskuldir þrotabús Samson um 80 milljarðar

Helgi Birgisson skiptastjóri þrotabús Samson, eignarhaldsfélags þeirra Björgólfsfeðga, segir að líklega nema heildarskuldir þrotabúsins um 80 milljörðum króna. Hinsvegar sé að ganga frá uppgjörum þrotabúsins við skilanefnd Glitnis vegna gjaldeyrisskiptasamningum.

Kaupmáttur launa ekki verið minni síðan 2002

Á sama tíma og launahækkanir hafa verið hóflegar hefur verðbólgan geisað, sem gerir það að verkum að kaupmáttur launa hefur minnkað hratt og hefur nú ekki verið lægri hér á landi síðan í árslok 2002.

Nordic Partner losar sig við Kong Frederik

Hótelkeðjan First Hotel tekur yfir rekstur Hotel Kong Frederik í Danmörku en það var í eigu Nordic partners. Nordic Partners er í eigu Íslendinga. Stjórnarformaður þess er Jón Þór Hjaltason.

Höskuldur Ásgeirsson til Portusar

Höskuldur Ásgeirsson, rekstrarhagfræðingur, hefur verið ráðinn framkvæmdastjóri Portusar hf, sem á og annast byggingu tónlistar- og ráðstefnuhússins í Reykjavík.

Bandarískur gjaldþrotadómstóll í mál við Nýja Kaupþing

Bandaríski gjaldþrotadómstóllinn hefur höfðað mál á hendur Nýja Kaupþing í Héraðsdómi Reykjavíkur. Samkvæmt heimildum Vísis er um að ræða gagnaöflunarmál.

Heildarsala skuldabréfa hátt í tvöfaldast milli ára

Heildarsala skuldabréfa í júní 2009 nam tæpum 63 milljörðum kr. samanborið við 39,3 milljarða kr. í sama mánuði árið áður.

Launavísitala hækkar - kaupmáttur lækkar

Launavísitala hækkaði um 0,2 prósent frá fyrri mánuði samkvæmt Hagstofu Íslands.

Aflaverðmæti íslenskra skipa jókst um 6,5% milli ára

Aflaverðmæti íslenskra skipa nam tæpum 34 milljörðum króna fyrstu fjóra mánuði ársins 2009, samanborið við 32 milljarða á sama tímabili 2008. Aflaverðmæti hefur því aukist um 2 milljarða eða 6,5% á milli ára.

Segir mikilvægum spurningum ósvarað um bankauppgjörið

Jón Steinsson lektor í hagfræði við Columbia háskólann segir að mikilvægum spurningum sé ósvarað hvað varði uppgjör og eignarhald á nýju bönkunum. Hinsvegar telur hann fagnaðarefni að kröfuhafar eigi þess kost að eignast Íslandsbanka og Nýja Kaupþing að mestu eða öllu leyti.

Búið að endurgreiða 33.500 þýskum Edge eigendum

Nú er búið að endurgreiða rúmlega 33.500 þýskum eigendum Edge reikninga það sem þeir áttu inni hjá Kaupþingi í Þýskalandi. Heildarupphæðin nemur 320 milljónum evra eða um 57 milljarða kr.

Þáttur vogunarsjóða skoðaður

Ný bók um fall íslenska bankakerfisins verður gefin út í Bandaríkjunum í lok júlí. Bókin ber titilinn Why Iceland, eða Hvers vegna Ísland, og er eftir dr. Ásgeir Jónsson, yfirhagfræðing Kaupþings.

Athugasemd frá skilanefnd Glitnis

Samkvæmt samningi stjórnvalda og Glitnis eiga kröfuhafar í gegnum Glitni möguleika á því að eignast Íslandsbanka að hluta eða öllu leyti. Komi til þess verður eignarhald á Íslandsbanka að fullu á forræði skilanefndar Glitnis. Þetta kemur fram í fréttatilkynningu frá skilanefnd Glitnis.

Skuldabréfavelta dagsins yfir 21 milljarður

Skuldabréfaveltan í kauphöllinni nam 21,3 milljörðum kr. í dag en það er með mesta móti. Veltan á hlutabréfamarkaðinum var einnig töluverð miðað við aðra daga ársins eða rúmlega 73 milljónir kr.

Vonar að fyrrum eigendur bankanna séu á brott

„Nöfnin verða áfram en fólkið sem áður stóð á bakvið þá er farið. Það vonum við allavega innilega,“ segir Harald Magnus Andreassen aðalhagfræðingur First Securities í Noregi í samtali við vefsíðuna e24.no þar sem hann ræðir um endurfjármögnun íslensku bankanna.

Segir tilboð Lur Berri til hluthafa Alfesca vera sanngjarnt

Fyrirtækjaráðgjöf Saga Capital telur að tilboðsgengi Lur Berri Iceland ehf., til hluthafa Alfesca sé sanngjarnt. Tilboðið er 4,5 kr. á hlut og segir Saga Capital að tilboðið sé sanngjarnt sér í lagi ef litið er á kennitölur sambærilegra fyrirtækja á markaði og núvirt sjóðstreymi.

Skuldatryggingaálag á ríkissjóð lækkar hratt

Kostnaður við að tryggja skuldabréf ríkissjóðs í evrum til 5 ára hefur lækkað um nærri 0,8 prósentur frá lokun markaða á miðvikudag. Er álagið nú komið nokkuð undir 600 punkta.

Bankar geri ekki út á 100 prósent ríkisábyrgð til frambúðar

Indriði H. Þorláksson, aðstoðarmaður fjármálaráðherra, segir líklegt að innistæðutryggingakerfið hér á landi verði endurskoðað í samræmi við heildarendurskoðun á umgjörð innistæðutrygginga í Evrópu í framtíðinni.

Fréttaskýring: Eignarhaldið verður hjá áhættufjárfestum

Töluverð umræða hefur verið um hverjir komi til með að verða hinir erlendu eigendur Íslandsbanka og Nýja Kaupþings við árslok þegar kröfulýsingarfresti í þrotabúin lýkur. Leiða má góð rök fyrir því að stærstu eigendurnir verði áhættufjárfestar, aðallega vogunarsjóðir, en ekki alþjóðlegir stórbankar eins og stjórnvöld hafa gefið út.

Segir alla útreikninga á afleiðingum Icesave vera gallaða

Jón Daínelsson hagfræðingur við London School of Economics segir að allir útreikningar sem hann hafi séð á afleiðingum Icesave samkomulagsins séu gallaðir. Þetta kemur fram í grein eftir Jón sem birt er í Morgunblaðinu í dag.

Enginn arður fyrir árið 2008

Tryggingafélögin greiddu engan arð út fyrir árið 2008 og aðeins eitt þeirra greiddi út arð fyrir árið 2007. Árið 2006 greiddu félögin út frá 29 til 144 prósenta arð, sem hlutfall af hagnaði. Þetta kemur fram í tilkynningu frá Fjármálaeftirlitinu.

Tryggingamiðstöðin greiddi 144% arð af hagnaði 2006

Tryggingamiðstöðin greiddi hlutfallslega hæstan arð af hagnaði sínum árið 2006 eða 144%. Hagnaðurinn nam 696 milljónum kr. en arðgreiðslan 999 milljónum kr. Arðgreiðsla Sjóvár á þessu ár nam 61% af hagnaði eða 7,3 milljörðum kr. af hagnaði upp á tæplega 12 milljarða kr. VÍS greiddi svo hlutfallslega minnst eða 29%.

Endurfjármögnun bankanna ódýrari en áætlað var

Kostnaður ríkissjóðs vegna endurfjármögnunar nýju viðskiptabankanna þriggja mun nema um 330 milljörðum króna á þessu ári sem er um 60 milljörðum króna lægri upphæð en áður var áætlað samkvæmt samkomulagi ríkisins og skilanefnda gömlu bankanna. Þetta kemur fram í Hagsjá Landsbankans í dag.

Atlantic Petroleum lækkaði um 6,7%

Ekkert félag hækkaði í hlutabréfaviðskiptum dagsins í kauphöllinni í dag. Mesta lækkun varð hjá Atlantic Petroleum eða tæp 6,7%. Úrvalsvísitalan (OMX16) lækkaði um tæp 0,8% og stendur í 749 stigum.

LS Retail fékk viðurkenningu hjá Microsoft

Íslenska upplýsingatæknifyrirtækið LS Retail var útnefnt „Microsoft Dynamics ISV of the year" í Vestur-Evrópu á Microsoft World Wide Partner ráðstefnunni í New Orleans í liðinni viku.

Skuldatryggingarálag lækkar eftir bankafréttir

Skuldatryggingarálagið á íslenska ríkið lækkaði í dag í kjölfar frétta víða um heim um endurfjármögnun íslensku bankana. Í morgun stóð álagið í 622 punktum en eftir að fréttirnar um endurfjármögnunina fóru að berast lækkaði álagið í 609 punkta.

Erlendir sérfræðingar: Skref í rétta átt

Þeir erlendu sérfræðingar sem þegar hafa tjáð sig um samkomulagið um endurfjármögnun bankana segja að um sé að ræða skref í rétta átt. En mikið þurfi að koma til í viðbót ef koma á íslensku efnahagslífi á lappirnar að nýju.

Raunlækkun íbúðaverðs í borginni 15% frá áramótum

Íbúðaverð á höfuðborgarsvæðinu lækkaði um 0,4% í júní frá fyrri mánuði samkvæmt upplýsingum frá Fasteignaskrá Íslands. Íbúðaverð á höfuðborgarsvæðinu hefur nú lækkað um 9,5% að nafnvirði og um 15% að raunvirði frá áramótum talið. Búast má við að íbúðaverð muni enn gefa eftir á næstu misserum.

Skilanefnd leggur fram 65% af eiginfjárframlagi í Nýja Kaupþing

Samkvæmt samkomulaginu um endurfjármögnun Nýja Kaupþings mun skilanefnd Kaupþing leggja fram 65% af heildar eiginfjárframlagi í formi almenns hlutafjár og íslenska ríkið 35% í formi víkjandi láns og almenns hlutafjár.

Kröfuhafar eignast 90% hlut í Nýja Kaupþingi

Gamla Kaupþing mun gefast kostur á að eignast tæplega 90% hlut í Nýja Kaupingi á móti ríkinu, samkvæmt samkomulagi sem skilanefnd Gamla Kaupþings hefur gert við ríkið.

Byggingarvísitalan hækkar um 1,8% milli mánaða

Vísitala byggingarkostnaðar reiknuð um miðjan júlí 2009 er 486,4 stig sem er hækkun um 1,78% frá fyrri mánuði.

Íslandsbanki í eigu útlendinga innan tíðar

Glitnir banki hf. mun eignast allt hlutafé í Íslandsbanka með sérstöku samkomulagi sem hefur náðst um fjármagnsskipan bankans. Þetta er niðurstaða samningaviðræðna stjórnvalda við fulltrúa kröfuhafa Glitnis.

Ríkið gæti sloppið með 200 milljarða í nýju bankana

Framlag ríkissjóðs við endurfjármögnun bankana gæti orðið 200 milljarðar kr. eða 70 milljörðum kr. minna en áður var talið. Er þetta háð því að kröfuhafar verði beinir eignaraðilar að Íslandsbanka og Nýja Kaupþingi en ekki aðeins óbeinir eins og samkomulag liggur fyrir um.

Tilfærslur með hlutabréf VÍS gætu bent til sölu

Tilfærslur með hlutabréf í tryggingarfélaginu VÍS gætu bent til þess að eigendurnir séu að undirbúa sölu.

Ótti við að Alþingi hafni Icesave til umfjöllunar í erlendum miðlum

Erlendir fjölmiðlar fjalla um þann ótta sem ríkir meðal breskra innistæðueigenda að Alþingi hafni Icesave samkomulaginu. Í vefútgáfu Daily Mail er skrifað að Alþingi muni kjósa um samkomulagið í vikunni og hætta sé á að því verði hafnað.

Krónueignir erlendra aðila minnka umtalsvert

Krónueignir erlendra aðila hafa lækkað umtalsvert frá ársbyrjun eða um 70 milljarða króna. Þess ber að geta að langtímaeignir hafa aukist lítillega en aðallega hafa skammtímaeignir þó minnkað, úr 330 milljörðum í 260 milljarða. Þetta kemur fram í Hagsjá Landsbankans í dag.

Skuldabréfavelta nam rúmum 11 milljörðum í dag

Skuldabréfavelta nam rúmum 11,2 milljörðum króna í dag. Velta með íbúðabréf nam einungis um 3,4 milljörðum króna.

Landsbankinn ætlar ekki að hækka íbúðalánavexti

Landsbankinn hefur ákveðið að hækka ekki vexti á þeim íbúðalánum sem koma til endurskoðunar á árinu,

Landsbankinn lækkar vexti

Landsbankinn hefur ákveðið að lækka inn- og útlánsvexti þann 21. júlí næstkomandi. Í tilkynningu frá Landsbankanum segir að með því sé tekið enn eitt mikilvægt skref til að létta greiðslubyrði skuldsettra heimila og fyrirtækja.

Gjaldþrotið hjá Gott fólk er upp á tæpar 300 milljónir

Gjaldþrot auglýsingastofunnar Góðs fólks nemur hátt í 300 milljónum króna. Félagið á aðeins fjórar milljónir upp í 50 milljóna kröfu vegna launa og lífeyrissréttinda starfsmanna. Eigandi auglýsingastofunnar var Karl Wernersson.

Spáir því að ársverðbólgan lækki í 11,3% í júlí

Greining Íslandsbanka spáir því að vísitala neysluverðs (VNV) muni hækka um 0,2% í júlí. Gangi spáin eftir mun 12 mánaða verðbólga lækka úr 12,2% í 11,3%, sem er minni verðbólga en sést hefur síðan í mars 2008.

Skuldatryggingarálag lækkaði við fréttir um ESB viðræður

Skuldatryggingarálag á ríkissjóð lækkaði talsvert í gær í kjölfar frétta um að alþingi hefði samþykkt aðildarviðræður við ESB. Álagið fór úr 660 punktum í upphafi dags í 624 punkta í dagslok samkvæmt gögnum frá Bloomberg.

ÍLS minnkar útgáfu íbúðabréfa sinna um 5-6 milljarða

Endurskoðuð áætluð útgáfa íbúðabréfa Íbúðalánasjóðs (ÍLS) árið 2009 til fjármögnunar nýrra útlána er 28-32 milljarðar króna, sem er lækkun um 5-6 milljarða frá fyrri tölum.

Endurfjármögnun bankanna tilkynnt á mánudag

Ráðgert er að ríkisstjórnin gefi út yfirlýsingu á mánudag þar sem grein verður gerð fyrir niðurstöðum samningaviðræðna og þá um leið hvernig staðið verður að endurfjármögnun bankanna. Lokafrestur sem Fjármálaeftirlitið gaf í málinu rennur hinsvegar út í dag.

Tryggingarfélögin töpuðu samanlagt 50 milljörðum í fyrra

Innlendu tryggingafélögin (vátryggingafélög í annarri starfsemi en líftryggingastarfsemi) töpuðu samanlagt 49,6 milljarða kr. á síðasta ári. Til samanburðar var samanlagður hagnaður félaganna 20,3 milljarðar kr. árið 2007.

Erlendar krónueignir hafa minnkað um 70 milljarða í ár

Peningastefnunefnd ræddi krónueignir erlendra aðila á síðasta fundi sínum í byrjun júlí. Samkvæmt nýju mati nam eign þeirra 610 milljörðum kr. í lok júní og hafði þá minnkað um 70 milljarða kr. frá ársbyrjun.