Icesave viðvörunarbjöllur byrjuðu að hringja í mars

Viðvörunarbjöllur varðandi Icesave í Bretlandi fóru að hringja í marsmánuði ef marka má orð Sigurðar Einarssonar fyrrum stjórnarformanns Kaupþings í Markaðnum á Stöð 2 í morgun. Hann segir vanta svör við ýmsu tengdu Icesave sem hann segir að hafi komið niður á Kaupþingi í Bretlandi.

Stærstu mistökin voru að fara ekki úr landi

Sigurður Einarsson fyrrum stjórnarformaður Kaupþings segir stjórn Seðlabanka Íslands gjörsamlega hafa brugðist þegar ekkert var gert eftir að nefnd sem hann var formaður skilaði af sér skýrslu árið 2003. Þar var varað við ástandinu en ekkert var að gert. Þetta sagði Sigurður í viðtali við Markaðinn á Stöð 2 í morgun.

Segir Davíð Oddsson hafa hótað því að taka Kaupþing niður

Sigurður Einarsson fyrrverandi stjórnarformaður Kaupþings segir að þeim Davíði Oddssyni hafi lent illilega saman á fundi Alþjóðagjaldeyrissjóðsins í Washington í fyrra. Davíð hafi meðal annars hótað Sigurði að taka bankann niður ef þeir hættu ekki við umsókn sína um að fá að gera upp í evrum. Hann segir samskipti Seðlabankans við yfirstjórn Kaupþings hafa snarminnkað eftir að Davíð varð seðlabankastjóri.

Mistök að fara inn í Glitni

Tryggvi Þór Herbertsson fyrrverandi efnahagsráðgjafi Ríkisstjórnarinnar segir að þeir Geir H. Haarde hafi ekki verið sammála um hvaða leiðir ætti að fara. „Ég lagði til aðrar leiðir, stundum var hlustað og stundum ekki,“ sagði Tryggvi í Markaðnum hjá Birni Inga á Stöð 2 fyrir stundu. Hann segir neyðarlögin hafa verið skrifuð nóttina áður en þau voru sett og myndi ekki snerta á pólitík með tveggja metra löngu priki.

Valdi ekki Icesave sem viðskipti ársins

Ólafur Ísleifsson hagfræðingur og lektor við viðskiptadeild Háskólans í Reykjavík segir í bréfi til þingmannsins Bjarna Harðarsonar í Morgunblaðinu í dag að hann hafi ekki setið í nefnd sem valdi Icesave ein af viðskiptum ársins, líkt og Bjarni hefur haldið fram á heimasíðu sinni.

SPRON frestar uppgjöri vegna fjármálakreppu

SPRON hf. hefur ákveðið að fresta birtingu uppgjörs fyrir þriðja ársfjórðung vegna áframhaldandi óvissu á íslenskum fjármálamarkaði.

Samson fer fram á gjaldþrotaskipti

Stjórn Samson eignarhaldsfélags hefur óskað eftir við Héraðsdóm Reykjavíkur að félagið verði tekið til gjaldþrotaskipta.

Össur steig hæst í Kauphöllinni í dag

Gengi hlutabréfa í stoðtækjafyrirtækinu Össuri hækkaði um 3,56 prósent í Kauphöllinni í dag. Þetta er mesta hækkun dagsins. Þá hækkaði gengi bréfa í Atorku um 1,82 prósent, Eimskipafélagsins um 1,5 prósent og Marel Food Systems um 1,33.

Stór sölusamningur um ker í nýja síldarverksmiðju í Rússlandi

Promens Dalvík ehf. hefur gert samning um framleiðslu á um 1000 fiskikerum og lokum fyrir nýja og fullkomna síldarverksmiðju í Rússlandi.

Fjármálaráðuneyti Póllands staðfestir lán

Pólska fjármálaráðuneytið segir í yfirlýsingu á heimasíðu sinni að þarlend yfirvöld muni lána Íslendingum 200 milljónir dollara. Vitnað er til yfirlýsingarinnar í virtum erlendum fréttamiðlum, þar á meðal hjá AFP-fréttaveitunni og Reuters.

Óvissa um vaxtastig og frekari stýrivaxtahækkanir framundan

Mikil óvissa er nú um skammtímavaxtastig hérlendis á næstunni í kjölfar áherslubreytinga Seðlabankans, og er hætt við að vaxtamyndun á skuldabréfamarkaði verði óskilvirkari og sveiflukenndari fyrir vikið á næstunni.

Segir stöðu VBS góða þrátt fyrir erfiðleika á byggingarmarkaði

Jón Þórisson, forstjóri VBS fjárfestingarbanka, segir stöðu félagsins góða þrátt fyrir að félagið hafi lánað nokkuð til framkvæmda á byggingarmarkaði þar sem nú ríkir nánast algjör stöðnun.

Össur og Marel hækka í morgunsárið

Gengi hlutabréfa í Össuri hækkaði um 0,85 prósent í Kauphöllinni dag og í Marel Food Systems um 0,8 prósent. Þetta eru einu hækkanir dagsins.

Sjóðseigendur hjá Byr fá 95 prósent af fé sínu

Byr sparisjóður hefur ákveðið að greiða út fjármuni úr peningarmarkaðssjóði sínum og er útgreiðsluhlutfall til sjóðsfélaga nærri 95 prósent miðað við síðasta skráða viðskiptagengi sjóðsins þann 6. október.

Kröfuhafar í þrotabú Kaupþings telja að 6,6% fáist út búinu

Niðurstaðan úr uppboðinu á skuldatryggingum Kaupþings í gærdag er að kröfuhafar í þrotabú bankans reikna með því að fá 6,6% af kröfum sínum í búið.

Atorka og Össur hækkuðu ein í dag

Gengi hlutabréfa í Atorku Group hækkaði um tíu prósent í dag og í Össuri um 0,34 prósent. Þetta er eina hækkun dagsins á annars rauðum degi.

Dótturfélag Icelandair leigir Boeingþotu til Síberíu

Í dag var undirritaður samningur milli Loftleiða Icelandic, dótturfélags Icelandair Group, og Yakutia Air Company í sjálfstjórnarlýðveldinu Sakha í Síberíu í Rússlandi um leigu á þriðju Boeing 757-200 farþegaþotunni til Yakutia.

Segir að IMF sé búinn að staðfesta lánið til Íslands

Í frétt á vefsíðunni E24.no segir að Alþjóðagjaldeyrissjóðurinn sé búinn að staðfesta lánveitingu sína til Íslands upp á 2,1 milljarða dollara. E24.no hefur þetta eftir NTB-fréttaveitunni.

Straumur segir mun á eignum og áhættu vera einn milljarð evra

Straumur hefur unnið að því að minnka efnahagsreikning og áhættu bankans, vernda eigið fé og bæta lausafjárstöðu. Þann 31. október sl. voru heildareignir Straums undir 5 milljörðum evra og áhættugrunnur bankans undir 4 milljörðum evra. Munurinn er því einn milljarður evra eða 166 milljarðar kr..

Landic Ísland leigir Miðbæjarhótelum Aðalstræti 6 og 8

Samningur hefur verið undirritaður milli Landic Ísland og Miðbæjarhótela/Centerhotels um leigu á rúmlega 3000 fermetrum í Aðalstræti 6 og 8 í Reykjavík. Um er að ræða hluta jarðhæðar, og aðra, þriðju og fjórðu hæð.

Funda um framtíð deCode í Nasdaq-kauphöllinni

DeCODE hefur farið fram á fund með nefnd á vegum Nasdaq-kauphallarinnar til þess að kynna áætlun félagsins um hvernig það hyggst mæta kröfum Nasdaq um lágmarksverðmæti hluta.

Mögulegt að verðbólgumarkmið Seðlabankans heyri sögunni til

Seðlabankinn hefur vikið verðbólgumarkmiði sínu til hliðar til bráðabirgða og mun einbeita sér að því að skapa stöðugleika í gengi krónu næsta kastið. Mögulegt er að tímar peningamálastefnu sem byggir á flotkrónu og verðbólgumarkmiði séu nú að baki fyrir fullt og allt.

Reiknað með að skuldatryggingar Kaupþings skili 5,6%

Skuldatryggingar Kaupþings fara undir hamarinn nú eftir hádegið á þriðja og síðasta uppboði trygginga íslensku bankanna. Fyrirfram er reiknað með að tryggingarnar skili 5,6% af nafnverði skuldabréfa í bankanum og er það jafnframt hlutfallið sem kröfuhafar telja að þeir af kröfum sínum úr þrotabúi bankans.

Alfesca hefur áhyggjur af erfiðri greiðslumiðlun til og frá landinu

Alfesca hefur áhyggur af því að erfiðleikar við greiðslumiðlun til og frá landinu muni hafa áhrif á greiðslu félagsins á skuldabréfi þann 15. nóvember n.k..Þetta kemur fram í greinargerð til Fjármálaeftirlitsins.

Norræni lánapakkinn á lokastigum

Háttsettur maður í Seðlabanka Svíþjóðar segir að verið sé að leggja lokahönd á lánapakka frá Norðurlöndunum til Íslands. Fundað var Stokkhólmi í gær og sat Ingimundur Friðriksson seðlabankastjóri fundinn fyrir hönd Íslands. Í samtali við Reuters fréttastofuna segir Mattias Persson að búið sé að ákveða hvernig lánapakkinn verði samsettur, aðeins eigi eftir að ljúka nokkrum smáatriðum.

Hætta rannsókn á sölu Moderna á Carnegie-hlut

Efnahagsbrotadeild lögreglunnar í Svíþjóð hefur ákveðið að hætta rannsókn sinni á sölu Moderna Finance, dótturfélags Milestone sem er félag Karls Wernerssonar og fjölskyldu, á um það bil 7,5 prósentum af hlut sínum í sænska fjárfestingarbankanum Carnegie í síðasta mánuði.

Century Aluminum fellur um sex prósent

Gengi hlutabréfa í Century Aluminum hefur fallið um 6,38 prósent frá því viðskipti hófust á hlutabréfamarkaði í Kauphöllinni í dag. Þá hefur gengi bréfa í Marel Food Systems lækkað um 0,65 prósent. Aðrar hreyfingar eru ekki í Kauphöllinni.

Óvissa um IMF-lánið

Óvissa ríkir um lánafyrirgreiðslu Alþjóðagjaldeyrissjóðsins til íslenskra stjórnvalda, vegna þess að fulltrúar Breta í sjóðnum setja sem skilyrði fyrir lánveitingunni, að fyrst verði samið við Breta vegna Icesave-reikninganna.

Fundað um lán til Íslands í Stokkhólmi

Fulltrúar norrænu Seðlabankanna og fjármálaráðuneyta landanna funduðu í Stokkhólmi í dag um hugsanlega aðstoð hinna norrænu ríkjanna við Ísland í kreppunni. Eftir því sem fram kemur á fréttavef breska blaðsins Financial Times sat Ingimundur Friðriksson, einn seðlabankastjóra, fundinn fyrir hönd Íslands.

Veiking krónunnar hefur lítil áhrif á lausafjárstöðu Straums

Sú þróun sem átt hefur sér stað á alþjóðafjármálamörkuðum, eftir 30. Júní, hefur haft mikil áhrif á fjármálastofnanir og fyrirtæki, þar á meðal Straum Fjárfestingabanka hf. (Straumur). Straumur hefur gert allt innan eðlilegra marka til að upplýsa hluthafa og lánveitendur um áhrif þessarar þróunar.

Telja 2-3% nást upp í erlendar skuldir bankanna

Alþjóðlegir uppboðshaldarar á skuldatryggingum íslensku bankanna í útlöndum, telja að aðeins muni fást tvö til þrjú prósent upp í skuldirnar, sem eru taldar vera um sex þúsund milljarðar króna, eða þrettánfaldar árstekjur ríkissjóðs.

Vilja að stjórn Seðlabanka víki

Óbreyttir vextir á óvissutíma.

Landsbankinn segist ekki mega tjá sig um mál 365

Landsbankinn hefur sent frá sér yfirlýsingu vegna umræðna á Alþingi og í fjölmiðlum í gær um samskipti bankans og fjölmiðlafyrirtækisins 365. Segir bankinn að honum sé óheimilt samkvæmt lögum að tjá sig um einstök viðskipti eða málefni viðskiptamanna sinna og mun sem fyrr fylgja þeim lögum.

FME segir óháða sérfræðinga komna í rannsóknarvinnu

Fjármálaeftirlitið (FME) segir að hafin sé rannsóknarvinna óháðra sérfræðinga sem skilanefndir bankanna hafi fengið til liðs við sig vegna tilmæla frá FME.

Össur valið markaðsfyrirtæki ársins

Markaðsfyrirtæki ársins 2008 er Össur og Markaðsmaður ársins 2008 er Magnús Geir Þórðarson leikhússtjóri.

Microsoft flytur inn ráðstefnu til landsins

Farandráðstefna um vefhönnun og vefhýsingu mun hefja Evróputúr sinn á Íslandi þann 18. nóvember næstkomandi.

Íslandspóstur og Verslanir Hans Petersen hefja samstarf

Verslanir Hans Petersen og Íslandspóstur hafa hafið samstarf um framköllunarþjónustu í pósthúsinu að Síðumúla. Þangað er hægt að koma með myndir í framköllun en á pósthúsinu verða til sölu vörur til sölu vörur tengdar ljósmyndum svo sem rammar, albúm, filmur, rafhlöður og fleira.

Segir vaxtadag Seðlabankans á morgun vera óþarfan

Greining Glitnis segir að vaxtaákvörðunardagur Seðlabankans á morgun sé í raun óþarfur þar sem Alþjóðagjaldeyrissjóðurinn (IMF) hefur í samvinnu við ríkisstjórnina tekið við stjórnun peningamála, a.m.k tímabundið.

Marel og Bakkavör hækka í byrjun dags

Gengi hlutabréfa í Marel Food Systems, sem skilaði góðu uppgjöri í gær, hækkaði talsvert í Kauphöllinni í byrjun dags, eða um 3,45 prósent. Þá hækkaði gengi bréfa í Bakkavör um 0,88 prósent á fyrsta stundarfjórðungi dagsins eftir tólf prósenta fall í gær.

Óbreyttir vextir á óvissutíma

Hluti af því að endurvekja traust á hagstjórn landsins er að bankastjórn Seðlabanka Íslands víki. Þetta er samdóma álit skuggabankastjórnar Markaðarins, en hana skipa Ásgeir Jónsson, forstöðumaður greiningardeildar Kaupþings, Edda Rós Karlsdóttir, hagfræðingur hjá Landsbankanum, Ólafur Ísleifsson, lektor við Háskólann í Reykjavík, og Þórður Friðjónsson, forstjóri Kauphallar Íslands.

Bankahólfið: Engin þota

Vart varð þverfótað fyrir einkaþotum á Reykjavíkurflugvelli á síðasta ári. Þotunum hefur nú fækkað um eina en Bakkabræður hafa losað sig við skýjafákinn.

Hreinn Loftsson kaupir Birtíng

Austursel ehf sem er alfarið í eigu Hreins Loftssonar stjórnarmanns í Baugi, hefur keypt útgáfufélagið Birtíng ehf. Aðaleigandi Birtíngs fyrir þessi viðskipti voru Stoðir Invest, sem er í meirihluta eigu Gaums félags Jóns Ásgeirs Jóhannessonar og fjölskyldu.

Reyna að rifta ákvörðun stjórnar gamla Kaupþings

Skömmu eftir yfirlýsingu frá fyrrverandi stjórn Kaupþings sendi nýja stjórnin frá sér yfirlýsingu. Í fyrri yfirlýsingunni kemur fram að persónulegar ábyrgðir starfsmanna vegna hlutabréfakaupa í Kaupþing hafi verið felldar niður þann 25.september sl. Nýja stjórnin segir hinsvegar að hún ætli að fá állit utanaðkomandi lögmanns um hvort ákvörðunin sé riftanleg. Þegar slík álitsgerð liggi fyrir muni stjórn bankans innheimta umræddar kröfur.

Milljarðar millifærðir úr sjóðum Kaupþings fyrir þjóðnýtingu

Hundrað milljarðar voru millifærðir úr sjóðum Kaupþings inn á erlenda bankareikninga skömmu áður en bankinn var þjóðnýttur. Skilanefnd bankans rannsakar nú hvort þessum fjárhæðum hafi verið skotið undan.

Felldu niður persónulegar ábyrgðir starfsmanna vegna hlutabréfakaupa

Í tilkynningu frá fyrrverandi stjórn Kaupþings banka kemur fram að stjórnin hafi ákveðið á fundi sínum þann 25.september síðastliðinn að fella niður persónulegar ábyrgðir starfsmanna af lánum til hlutabréfakaupa í Kaupþing banka.