Veiking krónunnar hefur lítil áhrif á lausafjárstöðu Straums

Sú þróun sem átt hefur sér stað á alþjóðafjármálamörkuðum, eftir 30. Júní, hefur haft mikil áhrif á fjármálastofnanir og fyrirtæki, þar á meðal Straum Fjárfestingabanka hf. (Straumur). Straumur hefur gert allt innan eðlilegra marka til að upplýsa hluthafa og lánveitendur um áhrif þessarar þróunar.

Þetta kemur fram í tilkynningu frá Straumi nú í kvöld. Þar segir ennfremur:

„Af því leit sem mögulegt hefur verið hefur Straumur Fjárfestingarbanki haldið áfram þeirri stefnu að auka þóknanatekjur og minnka áhættu í efnahagsreikningi.

Efnahagsreikningur bankans og eigið fé hefur óhjákvæmilega rýrnað vegna lækkunar á verði eigna (bæði fjáreigna og útlána). Þann 30. júní 2008 stóð starfsemi bankans á Íslandi einungis fyrir 26% af þóknunartekjum og 22% af eignum. Starfsemi bankans á Íslandi hefur umfram starfssemi bankans annarstaðar orðið fyrir áhrifum vegna aðstæðna á markaði.

Straumur hefur metið núverandi eignastöðu á fjáreignum út frá gangvirði og virðisrýrnun í kjölfar atburða á bæði innlendum og erlendum mörkuðum. Bankinn getur staðfest að þann 31. október síðastliðinn var eiginfjárhlutfall (CAD) bankans yfir 20% og þar af var eiginfjárþáttur A yfir 18%.

Straumur Fjárfestingarbanki hafði mismunandi eigna, skulda og afleyðustöður við Landsbanka Íslands hf. Glitni Banka hf. og Kaupþing banka hf., þegar þessir bankar voru teknir yfir af Fjármálaeftirliti Íslands. Straumur telur að eftir skuldajöfnunarferli sé samanlögð áhrif, á eignastöðu Straums, gagnvart þessum bönkum jákvæð.

Reikningshald Straums Fjárfestingarbanka er í evrum og bankinn samkvæmt venju ver hreinar eignir sínar í evrum. Hinsvegar hefur bankinn töluvert af eignum og skuldum í öðrum gjaldmiðlum þar á meðal íslenskum krónum.

Undanfarinn mánuð, vegna lokunnar gjaldeyrismarkaðar á Íslandi, hefur bankinn ekki getað stundað sínar venjulegu gjaldeyrisvarnir. Á þessum tíma hefur bankinn neyðst til að taka stöðu í mismunandi tegundum af erlendum gjaldeyri. Þegar markaðsaðstæður leyfa mun bankinn taka upp fyrri aðferðir við gjaldeyrisvarnir. Straumur getur staðfest að veiking Íslensku Krónunnar hefur lítil áhrif á lausafjárstöðu bankans.

Straumur hefur litla endurfjármögnunarþörf þar sem skuldsetning bankans er hlutfallslega lág (30. Júní 2008 voru útlán sem hlutfall af heildar eignum 31%). Langtíma endurfjármögnunar þörf bankans næstu 12 mánuði er undir 400 milljónum evra.

Markaðsaðstæður undanfarinn mánuð hafa samt sem áður haft áhrif á lausafjárstöðu bankans sem í framhaldinu hefur stýrt lausafjárstöðu sinni vel og hefur hún styrkst í kjölfarið. Síðustu mánuði hefur bankinn staðið við allar sínar skuldbindingar og mun gera það einnig í framhaldinu.

Síðustu atburðir á Íslandi hafa orðið til þess að lánshæfismat bankans hefur í þrepum verið lækkað af lánshæfisfyrirtækinu Fitch Ratings í langtímaeinkunn B. Mikilvægt er að nefna að Straumur hefur á þessu tímabili haldið góðu sambandi við aðila er fjármagna bankann og unnið með þeim við að tryggja lausafjárstöðu bankans.

Í framhaldi þeirra atburða sem lýst er hér að ofan einbeitti bankinn sér að því að minnka efnahagsreikning bankans og áhættu, vernda eigið fé og bæta lausafjárstöðu. 31. Október 2008 voru heildar eignir Straums undir 5 milljörðum Evra og áhættu grunnur bankans undir 4 milljörðum evra.

Í byrjun nóvember nýtti bankinn tækifæri á markaði til að styrkja rekstur bankans í London með því að ráða hluta af fyrirverandi starfsmönnum Teathers í London.

Þrátt fyrir erfiðar markaðsaðstæður á flestum mörkuðum Straums telur stjórn og framkvæmdarstjórn bankans að ofangreindar aðgerðir ásamt sterkri eiginfjárstöðu geri bankanum kleift að þróa starfsemi sína í samræmi við stefnu bankans. Straumur mun leggja áherslu á þóknunartekjur, auka fjölbreytni tekjugrunnsins ásamt því að minnka áhættu efnahagsreikningsins."