Eimskip rauk upp um tæp 55 prósent

Gengi hlutabréfa í Eimskipafélaginu rauk upp um 54,55 prósent í Kauphöllinni í dag. Aðeins tvö viðskipti standa á bak við hækkunina en gengi bréfa skipaflutningafélagsins standa nú í 85 aurum á hlut.

Óskar í fjögurra manna hópi Árvakurs

Óskar Magnússon hæstaréttarlögmaður og fyrrverandi forstjóri Tryggingarmiðstöðvarinnar staðfestir í samtali við Vísi að hann fari fyrir hópi sem gert hefur tilboð í Árvakur, Útgáfufélag Morgunblaðsins. Óskar hefur ekki viljað gefa upp hverjir það eru sem standa að baki tilboðinu með sér en nú fær hópurinn aðgang að frekari gögnum frá Nýja Glitni sem er stærsti lánadrottinn útgáfufélagsins. Opnað verður fyrir þau gögn á morgun.

Ráðgjafar fjármálaráðuneytis Bretlands vissu um aðgerðina

Lárus Finnbogason formaður skilanefndar Landsbankans furðar sig á fréttum um að bresk stjórnvöld séu æf af reiði vegna beiðni um greiðslustöðvun hjá BG Holding ehf. „Ráðgjafar breska fjármálaráðuneytisins vissu af því sem til stóð og að við ætluðum í þessa aðgerð," segir Lárus.

Eignir Baugs nema um þriðjungi af skuldum félagsins

Blaðið Telegraph hefur eftir heimildarmönnum sínum að eignir Baugs í Bretlandi nemi í besta falli um þriðjungi af skuldum félagsins. Eignirnar eru metnar á um 400 milljónir punda en skuldir Baugs við íslensku bankanna nemi um 1,3 milljarði punda eða um 200 milljörðum kr..

Stýrivextir í Bretlandi aldrei lægri

Englandsbanki lækkaði stýrivextir um 50 punkta í dag og fara þeir við það úr 1,5 prósentum í eitt prósent. Þeir hafa aldrei verið lægri.

Óbreyttir stýrivextir á evrusvæðinu

Evrópski seðlabankinn hefur ákveðið að halda stýrivöxtum óbreyttum í 2,0 prósentum. Þetta er í samræmi við væntingar en bankinn hefur lækkað vextina hratt síðastliðna fjóra mánuði.

Héraðsdómur tekur ósk Baugs fyrir á morgun

Héraðsdómur Reykjavíkur mun á morgun taka fyrir ósk Baugs Group og nokkurra dótturfélaga þess að þeim verði veitt heimild til greiðslustöðvunar.

Íslenskt vinnuafl orðið með því ódýrasta í V-Evrópu

Raungengi íslensku krónunnar er nú afar lágt, hvort sem miðað er við verðlag eða launakostnað. Hefur hlutfallslegur launakostnaður fallið enn hraðar en verðlag undanfarið og má segja að íslenskt vinnuafl sé orðið með því ódýrasta í Vestur-Evrópu í kjölfar gengishruns krónu á síðasta ári.

Breytingar á stjórn Seðlabankans auka trúverðugleika bankans

Greining Glitnis telur að breytingar á stjórn Seðlabankans séu til þess fallnar að auka trúverðugleika Seðlabankans innan lands sem utan, en aukinn trúverðugleiki á íslensku fjármálakerfi er afar mikil vægur þáttur í endurreisn efnahagslífsins á komandi misserum.

Nokkuð fæst upp í kröfur hjá Kaupþingi

Skilanefnd Kaupþings hefur birt mat á eignum bankans. Matið er framkvæmt af nefndinni og sérfræðingum innan bankans sem hafa þekkingu á eignunum. Niðurstaðan er sú að eignirnar eru metnar á ríflega 618 milljarða kr. og eru að mestu lán til viðskiptavina að fjárhæð 250 milljarða kr.

Birtíngur eignast ekki Árvakur

Hreinn Loftsson stjórnarformaður Birtíngs segist ekki hafa gert tilboð í Árvakur, Útgáfufélag Morgunblaðsins, en frestur til þess rann út í gær. Fjórir hópar fá að gera skuldbindandi tilboð í útgáfuna en það er fyrirtækjaráðgjöf Nýja Glitnis sem sér um söluferlið á útboði hlutafés í félaginu. Tilboðum skal skilað inn eigi síðar en 17.febrúar.

Landsbankamenn boðaðir á fund í breska fjármálaráðuneytinu

Forráðamenn skilanefndar Landsbankans hafa verið boðaðir á fund í breska fjármálaráðuneytinu í dag en formaður nefndarinnar, Lárus Finnbogason, er nú staddur í London.

Seldi skuldabréf fyrir einn milljarð fyrir Byggðastofnun

Saga Capital Fjárfestingarbanki hefur lokið við að selja skuldabréf Byggðastofnunar. Skuldabréfin voru seld í lokuðu skuldabréfaútboði og nam útgáfufjárhæðin einum milljarði króna.

Eignir Kaupþings hafa hingað til skilað 10 milljörðum kr. í sölu

Samanlagt bókfært virði eigna sem seldar hafa verið af skilanefnd Kaupþings í frjálsri sölu af bankanum og útibúum hans nemur minna en 65 milljónum evra eða tæpum 10 milljörðum kr..

Bakkavör rýkur upp um þrettán prósent

Gengi hlutabréfa í Bakkavör hefur hækkað um 12,97 prósent frá því viðskipti hófust í Kauphöllinni í morgun. Fyrirtækið greindi frá því fyrr í dag að það hefði innleyst 104 milljónir punda, um 17 milljarða króna, af reikningi Nýja Kaupþings.

Lögsókn hafin gegn gamla Glitni í Noregi

Fjórir af fyrrum viðskiptavinum Glitnis í Noregi, sem nú heitir BNbank, telja sig hlunnfarna af bankanum og ætla í mál gegn honum.

Bresk stjórnvöld æf af reiði út í skilanefnd Landsbankans

Bresk stjórnvöld munu vera æf af reiði út í skilanefnd Landsbankans sökum áforma þeirra um að setja Baug í greiðslustöðvun. Þetta kemur fram í grein sem viðskiptafréttastjóri blaðsins The Times skrifar í dag.

Bakkavör fær 104 milljónir punda frá Kaupþingi

Bakkavör hefur nú innleyst 104 milljónir punda, eða um 17 milljarða kr., af reikningi félagsins hjá Nýja Kaupþingi banka en upphafleg fjárhæð nam 150 milljónum punda. Þetta kemur fram í bráðabirgðauppgjöri félagsins sem birt var í morgun.

Össur hf. hagnaðist um rúma 3 milljarða kr í fyrra

Hagnaður Össurar hf. á síðasta ári nam 28,5 milljónum dollara eða rúmlega 3 milljörðum kr. samanborið við 7,6 milljónir dollara á sama tímabili árið 2007. Verður að telja þetta mjög góðan árangur.

Glitnir gjaldfellir öll lán Baugs

Skilanefnd Gamla Glitnis ákvað í dag að gjaldfella öll lán Baugs Group og tengdra félaga, segir í tilkynningu sem send var fjölmiðlum. Þar kemur fram að þetta hafi verið gert í framhaldi af ákvörðun skilanefndar Landsbanka Íslands hf. um að óska eftir greiðslustöðvun hjá BG Holding ehf.,

Vaxtaákvarðanir verða teknar af peningastefnunefnd

Vaxtaákvarðanir Seðlabankans og aðrar ákvarðanir í peningamálum verða teknar af peningastefnunefnd, samkvæmt nýju frumvarpi sem hefur

Fréttaskýring: Stefnuræðan var stund Steingríms

Það er óhætt að segja að stefnuræða Jóhönnu Sigurðardóttur á alþingi í kvöld hafi verið stund Steingríms J. Sigfússonar formanns VG. Hann einfaldlega brilleraði í ræðu sinni og maður hálf vorkenndi Framsóknarkappanum að koma fram á sviðið í framhaldinu.

Berghildur Erla verður upplýsingafulltrúi Kaupþings

Berghildur Erla Bernharðsdóttir hefur verið ráðin upplýsingafulltrúi Nýja Kaupþings. Berghildur lauk M.A. prófi í blaða- og fréttamennsku frá Háskóla Íslands árið 2008, prófi í hagnýtri fjölmiðlun 1995 og B.A. prófi í félags- og viðskiptafræði 1994 frá sama skóla.

Óvíst um afstöðu Kaupþings til greiðslustöðvunarbeiðni Baugs

Finnur Sveinbjörnsson, bankastjóri Kaupþings, segir að ekki hafi verið tekin ákvörðun um það hvort bankinn muni samþykkja ósk Baugs um greiðslustöðvun.

Fjórir fá að bjóða í Árvakur

Fjórum fjárfestum hefur verið boðið að leggja fram skuldbindandi tilboð í Árvakur, útgáfufélag Morgunblaðsins, en tilboðin eiga að berast í síðasta lagi 17. febrúar næstkomandi.

Vörukarfa ASÍ ódýrust í Bónus

Um 8,1 % verðmunur reyndist á matvörukörfu ASÍ þegar verð var kannað í lágvöruverðsverslunum í gær. Vörukarfan var ódýrust í Bónus þar sem hún kostaði kr. 12.421 en dýrust í Nettó kr. 13.422.

Eimskip féll um rúm 45 prósent

Gengi hlutabréfa í Eimskipafélaginu féll um 45,55 prósent í Kauphöllinni í dag og stendur það nú í 55 aurum á hlut. Markaðsverðmæti skipaflutningafélagsins miðað við stöðuna er rétt rúmur einn milljarður króna.

Aðstoðarmaðurinn vissi um það sem ráðherra neitar

Það er athyglisvert að Jón Þór Sturluson aðstoðarmaður Björgvins G. Sigurðssonar viðskiparáðherra virðist hafa verið betur upplýstur en ráðherrann um tilboð Breta um að koma Icesave í breska lögsögu.

Orð Björgólfs Thors um Icesave ábyrgðir standa enn

Ásgeir Friðgeirsson ráðgjafi fyrrum stjórnar Landsbankans segir að orð Björgólfs Thors Björgólfssonar um að hægt hefði verið að koma Icesave reikningum í breska lögsögu standi enn.

Alveg gáttaður á ummælum Jóns Ásgeirs um aðkomu Davíðs

"Ég er eiginlega alveg gáttaður á þessum orðum Jóns Ásgeirs enda eru þau fjarstæða," segir Lárus Finnbogasonm formaður skilanefndar Landsbankans um þau ummæli Jóns Ásgeirs Jóhannessonar um að greiðslustöðvun Baugs sé runnin undan rifjum Davíðs Oddssonar seðlabankastjóra.

Lárus segir að ekkert verði selt frá Baugi í Bretlandi

Lárus Finnbogason formaður skilanefndar Landsbankans segir að ekki standi til að selja neinar af verslunum eða eigum Baugs í Bretlandi meðan á greiðslustöðvun félagsins stendur og hún gæti staðið árum saman.

Afar sterk eiginfjárstaða bjargaði Straumi í umrótinu

William Fall, forstjóri Straums segir að afar sterk eiginfjárstaða hefur hjálpað Straumi gegnum umrótið á síðasta ári. Eins og fram hefur komið í fréttum nam tap Straums á síðasta ári 105 milljörðum kr. sem er Íslandsmet.

Samkeppniseftirlitið beitir Teymi dagsektum

Samkeppniseftirlitið hefur með ákvörðun í dag lagt þriggja milljóna króna dagsektir á Teymi hf. þar sem fyrirtækið hefur ekki farið að fyrirmælum Samkeppniseftirlitsins um breytingar á stjórn IP-fjarskipta (Tals), sem mælt var fyrir um í ákvörðun til bráðabirgða frá 26. janúar sl.

Ekkert lát á hópuppsögnum

Enn er nokkuð um hópuppsagnir en alls misstu 167 manns vinnuna í janúar mánuði í slíkum uppsögnum. Hópuppsagnirnar voru samtals 10 talsins í mánuðinum og voru 4 þeirra í mannvirkjagerð.

Baugur og Straumur leita að kaupanda að Magasin du Nord

Carsten Fensholt fjármálastjóri Magasin du Nord í Kaupmannahöfn segir að greiðslustöðvun Baugs hafi ekki bein áhrif á rekstur verslunarinnar. Hinsvegar leiti Baugur í samvinnu við Straum nú ákaft að kaupenda að versluninni.

Einnig farið fram á greiðslustöðvun Baugs í Englandi

Skilanefnd Landsbanka Íslands hf. lagði í gær fram beiðni um greiðslustöðvun BG Holding ehf. fyrir enskan dómstól. BG Holding ehf. er dótturfélag Baugs Group hf. og meginstarfsemi þess er tengd fjárfestingum Baugs Group hf. í Bretlandi. Meðal fjárfestinga BG Holding ehf. eru matvöruverslanirnar Iceland Foods, verslunarmiðstöðvar House of Fraser og leikfangaverslanir Hamleys.

Aðeins viðskipti með Straum og Century í morgun

Við opnun markaðarins í kauphöllinni í morgun voru aðeins viðskipti með bréf í Straumi og Century Aluminium í gangi. Straumur lækkaði um 4,5% en Century hækkað um 0,6%.

Jón Ásgeir: Pungspark frá Landsbankanum

„Þetta var eina leiðin fyrir okkur til að verja hagsmuni fyrirtækja okkar og annarra lánadrottna. Landsbankinn gaf okkur ekki annan kost,“ segir Jón Ásgeir Jóhannesson, starfandi stjórnarformaður Baugs, um ástæður þess að félagið hefur farið fram á greiðslustöðvun.

Mikil óvissa um eignir Baugs í Bretlandi og Danmörku

Beiðni Baugs um greiðslustöðvun hefur vakið mikla athygli í breskum og dönskum fjölmiðlum og greina helstu blöð þessara landa frá málinu á vefsíðum sínum. Þar er m.a. tekið fram að mikil óvssa ríki nú um eignir Baugs í þessum löndum.

ILVA í Danmörku og Svíþjóð selt til IDdesign

Lagerinn, sem m.a. rekur verslanir Rúmfatalagersins á Íslandi, hefur gert samning um sölu á húsgagnaverslununum ILVA í Danmörku og Svíþjóð til danska félagsins IDdesign.

Baugur óskar eftir greiðslustöðvun

Baugur Group hf. og nokkur dótturfélög þess fóru fram á það við Héraðsdóm Reykjavíkur í morgun að félögunum yrði veitt heimild til greiðslustöðvunar.

"Viðvörunarljósin gegn ESB-aðild Íslands loga skært"

„Viðvörunarljósin gegn aðild Íslands að Evrópusambandinu loga skært. Ímyndið ykkur stöðu ykkar innan ESB ef sambandið ákvæði einn daginn að nýta fiskistofnana ykkar í þágu aðildarríkjanna allra," segir Daniel Hannan, þingmaður breska Íhaldsflokksins á Evrópuþinginu, í samtali við Útveginn.

Vöruskiptin í jafnvægi í janúar

Samkvæmt bráðabirgðatölum fyrir janúar 2009 nam útflutningur 33,6 milljörðum króna og innflutningur 33,3 milljörðum króna.

Kaupþing flutti 90 milljarða kr. frá Mön til London fyrir hrunið

Forstjóri fjármálaeftirlitsins á Mön segir að skömmu fyrir hrun íslensku bankanna hafi Kaupþing flutt 550 milljónir punda eða rúmlega 90 milljarða kr.úr útibúi sínu á eyjunni og yfir til London. Þetta gerðist skömmu fyrir hrun íslensku bankanna og frystingu eigna þeirra á Bretlandi í kjölfarið.

Óska tilboða í Actavis

Eignarhaldsfélag Björgólfs Thors Björgólfssonar, Novator, hefur óskað eftir tilboðum í lyfjafyrirtækið Actavis. Bloomberg-fréttavefurinn greinir frá þessu og segir kaupverðið geta orðið allt að sex milljarða evra en skuldir fyrirtækisins séu fimm milljarðar evra. Novator óskar að sögn Bloomberg eftir því að tilboð berist í þessum mánuði.