Afhverju greip Seðlabankinn ekki inn í?

„Það var pólitísk hvatning á bak við það að bankarnir færu áfram fram og yrður stærri og sterkari, það var ekki verið að halda aftur af útrásinni. Ef Seðlabankinn sá það fyrir að bankakerfið væri í hættu afhverju beittu þeir ekki bindiskyldu til þess að draga úr vexti bankanna? Þó þeir hafi sagt það sögðu þeir það hvergi opinberlega," sagði Björgvin í viðtali í Markaðnum á Stöð 2 í morgun.

Bakkabræður að eignast 87,5% í Existu

Bræðurnir Ágúst og Lýður Guðmundssynir eru að eignast 87,5 prósent í Exista ef fer sem horfir. Félagið verður brátt afskráð úr Kauphöll Íslands.

Pálmi lánaði Stím 2,5 milljarða

FS38, félag í eigu Pálma Haraldssonar, lánaði Stím 2,5 milljarða rétt áður en félagið keypti hluti í Glitni og FL Group í nóvember á síðasta ári. Í ársreikningi FS38 er þess getið að verulegur vafi leiki á því að lánið verði endurheimt.

Icesave sparifjáreigendur gefa sig ekki fram

Ríflega 24 þúsund sparifjáreigendur sem áttu innistæður á Icesave reikningum Landsbankans í Bretlandi hafa ekki haft samband við sjóðinn enn. Innistæður þeirra nema um 65 milljörðum íslenskra króna. Sparifjáreigendurnir hafa til 31. desember til að gefa sig fram.

Fara úr fjórum fimmtu í tvo þriðju

Björgvin ánægður með krónuna

Krónan styrktist um tæp 11 prósent í dag og stendur því í 204 stigum. Gengið hefur því styrkst um tæp 19 prósent frá því krónunni var fleytt í gær.

Þarf að afskrifa tvo og hálfan milljarð króna vegna Stíms

FS38, félag í eigu Pálma Haraldssonar, lánaði Stím 2,5 milljarða rétt áður en félagið keypti hluti í Glitni og FL Group í nóvember á síðasta ári. Í ársreikningi FS38 er þess getið að verulegur vafi leiki á því að lánið verði endurheimt.

Fjárfestar bjartsýnni á afkomu fjármálafyrirtækja

Gengi hlutabréfa hækkaði almennt í Bandaríkjunum í dag í kjölfar nokkurra sveiflna þrátt fyrir að atvinnuleysi hafi aukist vestra á milli mánaða í nóvember. Atvinnuleysi er komið í 6,7 prósent, sem er rétt undir svörtustu spám.

Árni er kominn í fyrsta sætið sem versti bankamaður heimsins

Árni Mathiesen fjármálaráðherra er kominn í fyrsta sætið í netkosningu The Huffington Post um hv er sé versti bankamaður heimsins. Fór Árni frammúr Alan Greenspan fyrrverandi seðlabankastjóra Bandaríkjanna núna síðdegis í dag.

Nýja Kaupþing verður viðskiptavaki Straums

Straumur hefur samið við Nýja Kaupþing um viðskiptavaka með hlutabréf í Straumi fyrir eigin reikning Nýja Kaupþings. Kaupþing Banki hf., Landsbanki Íslands hf. og Glitnir hf. hafa sagt upp viðskiptavakasamningum sínum við Straum.

FIH blandast inn í stærsta fjármálahneyksli Danmerkur

FIH bankinn, sem nú er í eigu íslenska ríkisins, blandast inn í stærsta fjármálahneyksli Danmerkur í ár, IT Factory málið. Bankinn er með veð í eignum JMI Invest sem aftur var stærsti eigandi IT Factory sem nú er gjaldþrota.

Gengið hefur styrkst um yfir 10% í dag

Gengi krónunnar heldur áfram að styrkjast og það sem af er degi hefur gengisvísitalan lækkað um 10,7%. Stendur vísitalan nú í tæpum 205 stigum.

Bæjarfulltrúar Garðabæjar lækka laun sín um 5-10%

Bæjarstjórn Garðabæjar hefur ákveðið að lækka laun bæjarfulltrúa sinna um 5-10%. Er þetta gert vegna þeirra aðstæðna sem eru í þjóðfélaginu.

Bilun olli rangt skráðu gengi hjá Byr

Vegna bilunar í kerfum Reuters í Bretlandi var gengi gjaldmiðla ranglega skráð á vef Byrs sparisjóðs. Sú misskráning átti einnig við vefi annarra sparisjóða í landinu.

Straumur slapp fyrir horn

Straumur hefur í dag lokið fjármögnun á 133 milljónum evra. eða 21 milljarði íslenskra króna. Fjármögnunin bætir lausafjárstöðu bankans og verður nýtt til að endurgreiða sambankalán að upphæð 200 milljónir evra sem gjaldfellur á þriðjudag í næstu viku.

Fyrrum starfsmenn Kaupþings í Noregi stefna hátt

Fyrrum starfsmenn Kaupþings í Noregi hafa metnað til þess að verða einn af fimm stærstu verðbréfamiðlurum í kauphöllinni í Osló. Þetta kemur fram á Finansavisen.

Nokkuð dregur úr viðskiptahallanum

Samkvæmt nýbirtum tölum Seðlabankans var viðskiptajöfnuður á 3. ársfjórðungi neikvæður um 109,6 milljarða kr. Er það nokkru minni halli en á öðrum fjórðungi ársins, en þá mældist viðskiptahallinn 128 milljarða kr., sem er mesti viðskiptahalli í einum fjórðungi frá því Seðlabankinn hóf að taka saman ársfjórðungslegar greiðslujafnaðartölur árið 1990.

Svíar dæla milljörðum í atvinnulífið

Sænska ríkið ætla að dæla 8,3 milljörðum sænskra króna, jafnvirði nærri hundrað tuttugu og fimm milljörðum íslenskra króna, inn í sænskt atvinnulíf til að milda áhrif efnhagskreppunar á fyrirtæki og fjölskyldur. Þetta var tilkynnt í morgun.

Enginn banki með sama gengið á evrunni

Þegar farið er inn á heimasíður bankanna kemur í ljós að enginn þeirra er með sama gengi á evrunni. Munar allt að rúmum 12 kr. á genginu.

Icelandair minnkar hlut sinn í Travel Service

Icelandair Group hefur undirritað samkomulag um hlutafjárviðskipti við meðeigendur sína að flugfélaginu Travel Service í Tékklandi, sem felst í því að eignarhlutur Icelandair Group í Travel Service minnkar úr 80% í 66% af hlutafé félagsins.

Einhliða upptaka evru tæki 4 vikur og kostaði 80 milljarða kr.

Kostnaður við einhliða upptöku evru yrði 80 milljarðar króna, sem færi til að skipta út grunninnistæðum. Einhliða upptaka evru tekur að hámarki fjórar vikur.

Brunaútsala í Woolworths eftir að kaupandi gekk af skaftinu

Allar vörur rúmlega 800 verslunum Woolworths verða selda með 50% afslætti eftir að athafnamaðurinn Theo Paphities hætti við að kaupa keðjunna. Baugur er meðal eigenda Woolworths.

Bakkavör hækkar - annað á niðurleið

Gengi hlutabréfa í Bakkavör hefur hækkað um 3,74 prósent í Kauphöllinni það sem af er dags. Gengi bréfanna hefur rokið upp síðasta mánuðinn, eða um 80 prósent.

Árni kominn í annað sætið yfir versta bankamann heimsins

Árni Mathiesen fjármálaráðherra er nú kominn í annað sætið í netkosningunni um versta bankamann heimsins. Hefur Árni hlotið 17% atkvæða en Alan Greenspan fyrrum seðlabankastjóri Bandaríkjanna er í fyrsta sæti með rúmlega 23% atkvæða.

Meðallaunin á RUV nema rúmum 451.000 kr. á mánuði

Aðalbjörn Sigurðsson formaður Félags fréttamanna á RUV vill koma á framfæri þeirri athugasemd að meðallaun á RUV eru 451.646 kr. en ekki 500.000 kr. eins og fram kom á visir.is í vikunni.

Dollarinn kominn undir 130 krónur

Gengisvísitala krónunnar hefur styrkst um fimm prósent á gjaldeyrismarkaði í morgun og stendur hún í 218 stigum. Þessu samkvæmt hefur gengið styrkst um þrettán prósent frá því krónunni var fleytt í gær.

FME sektar Eimskip um 20 milljónir kr. vegna Innovate

Fjármálaeftirlitið (FME) hefur gert Eimskip að greiða stjórnvaldssekt að fjárhæð 20 milljónir króna. Sektina fær félagið vegna frestunar á birtingu innherjaupplýsinga vegna fjárhagserfiðleika Innovate Holdings Ltd, dótturfélags Eimskips í Bretlandi síðastliðið vor.

Gistinóttum á hótelum í október fækkar á milli ára

Gistinætur á hótelum í október síðastliðnum voru 103.700 en voru 108.800 í sama mánuði árið 2007, sem er tæplega 5% samdráttur milli ára.

Vinnslustöðin birtir ekki 9 mánaða uppgjör sitt

Vinnslustöðin í Vestmannaeyjum mun ekki birta 9 mánaða uppgjör sitt í ár. Næsta uppgjör frá Vinnslustöðinni verður því ársuppgjörið fyrir 2008.

Bakkabræður skutla Kvakki inn í Exista fyrir 50 milljarða kr.

Stjórn Exista hf. samþykkti á fundi sínum í gær að hefja viðræður við einkahlutafélag í eigu Ágústs Guðmundssonar og Lýðs Guðmundssonar um kaup Exista á öllu hlutafé í Kvakki ehf. og í framhaldi af því að nýta heimild hluthafafundar Exista frá 30. október sl. um að auka hlutafé í félaginu um 50 milljarða hluta til greiðslu fyrir hluti í Kvakki ehf.

Fiskur og ál falla í verði

Aðalútflutningsvörur okkar, fiskur og ál, hríðfalla í verði í erlendum gjaldeyri talið. Tonnið af áli hefur lækkað úr þrjú þúsund og fjögur hundruð dollurum í sumar niður í rúma sextán hundruð dollara núna.

Hækkun á Asíumörkuðum í morgun

Hlutabréf hækkuðu í verði á Asíumörkuðum í morgun og voru það fyrirtæki í rafeindageiranum sem leiddu þá hækkun.

Salan á Kaupþingi í Luxemborg tefst vegna lagaflækju

Lagaflækja og tæknileg vandamál gera það að verkum að salan á Kaupþingi í Luxemborg tefst. Til stóð að tilkynna nýjan eigenda að bankanum í dag.

Tiplað gegn um bankarústirnar

Credit Sights segir mikla óvissu um hve mikil verðmæti leynist í gömlu bönkunum.

Gríðarleg aukning innlána hjá Byr

Ragnar Z. Guðjónsson forstjóri Byr segir bankann hafa fundið fyrir gríðarlegri aukningu á innlánum eftir hrun stóru viðskiptabankanna þriggja. Hann vill ekki gefa upp neina tölu í því sambandi en segir mikið af nýjum viðskiptavinum hafa komið til Byr undanfarið.

Líkur á auknu atvinnuleysi í Bandaríkjunum

Eftir tiltölulega rólegan dag á bandarískum hlutabréfamarkaði í dag tók gengið dýfu skömmu fyrir lokun viðskipta. Tölur um atvinnuleysi vestra í síðasta mánuði verða birtar á morgun og skýrir það dýfuna að mestu.

Exista stefnir á Íslandsmet í tapi

Tap Exista á árinu 2008 gæti orðið allt að 400 milljarðar króna. Það væri nýtt Íslandsmet en fyrra met á FL sem í fyrra tapaði 67 milljörðum króna.

Krónan styrktist um tæp fjögur prósent

Gengi krónunnar styrktist um tæp 3,9 prósent á gjaldeyrismarkaði í dag og endaði gengisvísitalan í 239,94 stigum. Þegar mest lét styrkist hún um rúm sex prósent.

Atorka rauk upp í Kauphöllinni

Gengi hlutabréfa í Atorku rauk upp um 30,9 prósent í Kauphöllinni í dag. Þetta er langmesta hækkun dagsins. Hafa ber í huga að aðeins þrjú viðskipti upp á rúmar 203 þúsund krónur standa á bak við stökkið.

EFTA fylgist náið með íslensku fjármálaaðgerðunum

Eftirlitsstofnun EFTA fylgist mjög náið með aðgerðum íslenskra stjórnvalda í fjármálum þ.e. neyðarlögnum og nýju gjaldeyrisreglunum.

Íslenskt brennivín lækkar í verði

Íslenskt brennivín hefur nú lækkað um rúm 6% að meðaltali í verslunum ÁTVR. Þessi lækkun ætti að koma sér vel fyrir skötuveislurnar í desember, enda er skatan vandétin ef ekki fylgir brennivín.

Krónan styrktist um tæp 6%

Óhætt er að segja að hið takmarkaða flot á krónunni í dag hafi tekist vel. Nú klukkan þrjú hefur krónan styrkst um tæp 6% frá í morgun og sendur gengisvísitalan í 234 stigum.

Íslenskar fjölskyldur á framfæri Hjálpræðishersins á Fjóni

Á milli 15 og 20 íslenskar fjölskyldur sem búsettar eru í Óðinsvéum á Fjóni hafa fengið aðstoð frá Hjálpræðishernum í borginni. Samkvæmt frásögn af málinu í blaðinu Fyens Stiftstidende hafa þessar fjölskyldur lent í fjárhagserfiðleikum vegna bankahrunsins á Íslandi.

Moody´s lækkar lánshæfi ríkissjóðs

Matsfyrirtækið Moody's lækkaði í dag lánshæfiseinkunnir Ríkissjóðs Íslands fyrir erlendar og innlendar skuldbindingar í Baa1 úr A1. Horfur eru neikvæðar.

SpKef, Byr og SPRON vilja sameinast

Stjórnir Sparisjóðsins í Keflavík, Byrs sparisjóðs og SPRON hafa undirritað viljayfirlýsingu þess efnis að hefja undirbúning og vinnu sem miðar að því að sameina sparisjóðina.