Straumur slapp fyrir horn

Straumur hefur í dag lokið fjármögnun á 133 milljónum evra. eða 21 milljarði íslenskra króna. Fjármögnunin bætir lausafjárstöðu bankans og verður nýtt til að endurgreiða sambankalán að upphæð 200 milljónir evra sem gjaldfellur á þriðjudag í næstu viku. Gjalddagi þessa nýja láns er 15. maí 2009. Straumur telur að í kjölfar þessa geti bankinn haldið áfram að standa við allar sínar fjárhagslegu skuldbindingar.

„Þessi fjármögnun er mikilvægur áfangi fyrir Straum sérstaklega í ljósi núverandi markaðsaðstæðna. Þetta er ennfremur jákvætt skref fyrir íslenskan fjármálamarkað í ljósi þeirra erfiðleika sem Ísland hefur staðið frammi fyrir undafarna mánuði. Straumur mun, í samræmi við áður yfirlýsta stefnu, halda áfram að byggja upp alhliða fjárfestingabanka ásamt því að

draga úr efnahagsreikning sínum og viðhalda fjárhagslegum styrk," segir William Fall, forstjóri Straums, í tilkynningu til Kauphallarinnar.