United getur andað léttar útaf Owen

Framherjinn Michael Owen hjá Englandsmeisturum Manchester United varð að yfirgefa völlinn vegna meiðsla eftir tuttugu mínútna leik gegn Wolfsburg í Meistaradeildinni á dögunum.

Petrov vonar að Barry verði fagnað á Villa Park

Miðjumaðurinn Stiliyan Petrov hjá Aston Villa bindur vonir við að fyrrum liðsfélagi sinn Gareth Barry hjá Manchester City fái hlýjar móttökur þegar liðin mætast á Villa Park-leikvanginum á mánudag.

Redknapp neitar að hann sé að hætta hjá Tottenham

Knattspyrnustjórinn Harry Redknapp hjá Tottenham hefur harðneitað þeim sögusögnum að hann sé við það að yfirgefa Tottenham.

Newcastle þarf að borga Kevin Keegan tvær milljónir punda

Newcastle United þarf að borga Kevin Keegan tvær milljónir punda í skaðabætur eða um 400 milljónir íslenskra króna eftir að Keegan vann mál gegn félaginu fyrir samningsbrot. Keegan hætti hjá Newcastle í september og vildi fá 25 milljónir punda í skaðabætur.

Dimitar Berbatov: Ég verð að breytast

Dimitar Berbatov, búlgarski framherjinn hjá Manchester United, viðurkennir að hann þurfi að breytast ætli hann að ná að aðlagast leik United-liðsins. Berbatov hefur ekki alveg náð að standa undir 30,75 milljón punda kaupverði sínu frá Tottenham á síðasta ári.

Ferguson hrósar Wenger á tímamótunum

Sir Alex Ferguson, stjóri Manchester United, hefur háð mörg sálfræðistríðin við Arsene Wenger, stjóra Arsenal í gegnum tíðina en hann er þó alveg tilbúinn að hrósa franska stjóranum fyrir það sem hann hefur gert hjá Arsenal. Wenger er nefnilega orðinn sá stjóri sem hefur setið lengst í sögu Arsenal.

Babel hefur áhyggjur af því að HM-sæti hans sé í hættu

Ryan Babel er staðráðinn í að vinna sér sæti í byrjunarliði Liverpool því ef honum tekst það ekki óttast hann að sæti hans í HM-hóp Hollendinga sé í mikilli hættu. Babel komst í fyrstu ekki í hópinn hjá Hollendingum í síðustu leikjum liðsins en var síðan kallaður inn vegna forfalla Ibrahim Afellay.

Robbie Keane trúir því að Tottenham endi meðal fjögurra efstu

Robbie Keane er sannfærður um að Tottenham geti komist í hóp fjögurra efstu liðanna í ensku úrvalsdeildinni á þessu tímabili. Tottenham hefur byrjað tímabilið vel og er sem stendur í 4. sæti deildarinnar. Tottenham mætir Bolton um helgina.

Bendtner: Kraftaverk að ég skuli hafa sloppið ómeiddur

Nicklas Bendtner, danski framherjinn hjá Arsenal, segir það hafa verið sannkallað kraftaverk að hann skuli hafa sloppið ómeiddur þegar hann klessukeyrði bílinn sinn um síðustu helgi. Bendtner var á leiðinni á æfingu á sunnudaginn þegar hann missti stjórn á Aston Martin bíl sínum sem fór á steypugirðingu og endaði loks á tré.

Guðjón Þórðarson rekinn frá Crewe

Guðjón Þórðarson var í morgun rekinn sem knattspyrnustjóri enska fótboltafélagsins Crewe Alexandra en kornið sem fyllti mælinn var 3-2 tap liðsins fyrir Bury á þriðjudagskvöldið sem var fjórða tap liðsins í röð í ensku d-deildinni.

Michael Carrick: Við treystum allir Ferguson

Michael Carrick segir allir leikmenn Manchester United treysti og beri virðingu fyrir ákvörðunum stjórans Alex Ferguson. Carrick, sem hefur aðeins byrjað tvo leiki á tímabilinu,var hetja liðsins á miðvikudagskvöldið þegar hann skoraði sigurmarkið á móti Þýskalandsmeisturum Wolfsburg í Meistaradeildinni.

Torres: Ég mun aldrei fara til annars liðs á Englandi

Fernando Torres, framherji Liverpool, hefur fullvissað stuðningsmenn félagsins sem og aðra að hann muni aldrei spila fyrir annað félag á Englandi og sérstaklega ekki fyrir Manchester United. Torres hefur skorað 58 mörk í 93 leikjum síðan að hann kom til Liverpool frá Atletico Madrid árið 2007.

Hermann: Fáum borgað og allir eru því sáttir

Mikið óvissuástand hefur verið hjá enska úrvalsdeildarfélaginu Portsmouth í sambandi við yfirtöku Sulaimans al Fahim á félaginu.

Henry vill snúa aftur til Arsenal - jafnvel sem vantsberi

Framherjinn Thierry Henry hjá Barcelona er sannfærður um að hann muni snúa aftur til Arsenal til þess að vinna með knattspyrnustjóranum Arsene Wenger á einn eða annan hátt.

Sektaður og fær tveggja leikja skilorðsbundið bann

Aganefnd enska knattspyrnusambandsins tók í dag fyrir mál framherjans Emmanuel Adebayor hjá Manchester City sem var kærður fyrir að fagna marki sínu gegn Arsenal beint fyrir framan stuðningsmenn Lundúnafélagsins og þar með ögra þeim.

Ancelotti: Chelsea verður að fara að bæta sinn leik

Carlo Ancelotti, stjóri Chelsea, er ekki alltof ánægður með stöðuna á sínu liði þrátt fyrir að Chelsea hafi unnið tvo fyrstu leiki sína í Meistaradeildinni sex af fyrstu sjö leikjum sínum í ensku úrvalsdeildinni. Chelsea vann 1-0 sigur á Apoel Nicosia í Meistaradeildinni í gær en frammistaða liðsins var ekki góð.

Defoe brákaðist á hendi og fór úr lið á tveimur fingrum

Jermain Defoe, framherji Tottenham, verður ekki með liðinu á móti Bolton um helgina þar sem að komið er í ljós að hann handarbrotnaði í 5-0 sigri á Burnley um síðustu helgi. Defoe gæti einnig misst af næstu verkefnum enska landsliðsins.

Mikilvægur dagur fyrir Emmanuel Adebayor

Emmanuel Adebayor, framherji Manchester City, fær að vita það í dag hvort aganefnd enska knattspyrnusambandsins dæmi hann í leikbann fyrir umdeild fagnaðarlæti sín eftir að hann skoraði á móti sínum gömlu félögum í Arsenal.

Aurelio hefur aldrei séð Benitez svona reiðann

Rafael Benitez, stjóri Liverpool, hefur líklega aldrei verið reiðari út í sína leikmenn en hann var í tapinu á móti Fioretina í Meistaradeildinni í vikunni. Þessu heldur fram landi hans og leikmaður Liverpool, Fabio Aurelio.

Owen gæti verið frá í þrjár vikur - meiddist á nára

Michael Owen, framherji Manchester United, þurfti að yfirgefa völlinn eftir aðeins 20 mínútur í 2-1 sigri liðsins á Þýskalandsmeisturum Wolfsburg á Old Trafford í gær. Fabio Capello, þjálfari enska landsliðsins, var í stúkunni og það voru því súr og svekkjandi skrefin sem Owen þurfti að taka þegar hann fór svo snemma af velli.

Wenger búinn að setja met hjá Arsenal

Arsene Wenger er nú orðinn sá stjóri sem hefur verið lengst við stjórnvölinn hjá Arsenal. Wenger er nú búinn að sitja í stólnum í meira en þrettán ár og hefur með því bætt met George Allison sem var stjóri Arsenal frá 1934-1947.

Manchester United hefur áhuga á Cahill

Samkvæmt heimildum The Sun eru Englandsmeistarar Manchester United áhugasamir um að fá varnarmanninn Gary Cahill frá Bolton.

Owen: Ég mun spila aftur fyrir enska landsliðið

Framherjinn Michael Owen hjá Manchester United hefur ekki hlotið náð fyrir augum landsliðsþjálfarans Fabio Capello hjá Englandi undanfarið en er þó sannfærður um að hann hafi það sem þurfti til þess að spila aftur fyrir landsliðið.

Benitez: Liverpool mun koma til baka á móti Chelsea

Rafael Benitez, stjóri Liverpool, er sannfærður um að sínir menn nái að bæta fyrir ófarirnar í Meistaradeildinni í gær þegar liðið mætir Chelsea á sunnudaginn. Liverpool-liðið var eins og áhorfandi í fyrri hálfleik í 0-2 tapinu á móti Fiorentina í gær.

Áhorfandinn sem Bellamy sló fékk þriggja ára bann

Jake Clarke, áhorfandinn sem hljóp inn á völlinn að loknum leik Manchester United og Manchester City, hefur verið sektaður og má ekki mæta á völlinn næstu þrjú árin.

Ferguson: Rooney getur orðið einn sá besti í heimi

Alex Ferguson, stjóri Manchester United, segir að Wayne Rooney geti auðveldlega orðið einn að bestu knattspyrnumönnum heimsins.

Reo-Coker og Keko orðaðir við Arsenal

Nigel Reo-Coker og spænski táningurinn Keko eru í dag orðaðir við Arsenal í enskum fjölmiðlum.

Walcott klár í slaginn um helgina

Theo Walcott gæti komið við sögu í sínum fyrsta leik með Arsenal í ensku úrvalsdeildinni á núverandi tímabili er liðið mætir Blackburn um helgina.

Capello mun ekki slaka á í landsleikjunum

Fabio Capello mun velja sitt sterkasta lið fyrir síðustu leiki enska landsliðsins í undankeppni HM 2010 þó svo að England sé þegar búið að tryggja sér farseðilinn til Suður-Afríku.

Nicky Butt sagði Owen fyrst frá áhuga United

Michael Owen hefur greint frá því að það var Nicky Butt, félagi hans hjá Newcastle, sem benti honum fyrst á að Alex Ferguson, stjóri Manchester United, hefði áhuga á honum.

Tevez mun framvegis fagna mörkum sínum gegn United

Carlos Tevez segir að hann hafi skipt um skoðun og að hann ætli framvegis að fagna þeim mörkum sem hann eða félagar hans í Manchester City skori í leikjum gegn Manchester United.

Fjórða tap Crewe í röð - Guðjón óánægður með dómgæsluna

Crewe tapaði sínum fjórða leik í röð í ensku D-deildinni í knattspyrnu í gær. Nú tapaði liðið fyrir Bury á heimavelli, 3-2.

Megson ætlar að gera allt til þess að halda Cahill

Varnarmaðurinn efnilegi Gary Cahill hjá Bolton hefur verið sterklega orðaður við stærri félög á borð við AC Milan og Juventus upp á síðkastið en knattspyrnustjórinn Gary Megson hjá Bolton er ekki á því að missa sinn mann.

Einhver vírus að ganga í Manchester United liðinu

Kóreumaðurinn Park Ji-sung getur ekki verið með Manchester United á móti Wolfsburg í Meistaradeildinni á morgun þar sem hann er með vírus. Patrice Evra er hinsvegar orðinn góður af sínum veikindum. Það er því einhver vírus að ganga innan United-liðsins.

Benitez: Vonar að Mascherano geti spilað Chelsea-leikinn

Rafael Benitez, stjóri Liverpool, er að vonast til þess að argentínski miðjumaðurinn Javier Mascherano geti spilað með á móti Chelsea í stórleik ensku úrvalsdeildarinnar um næstu helgi. Mascherano verður ekki með á móti Fiorentina í Meistaradeildinni í kvöld.

Faðir Bendtner: Hann var mjög heppinn að sleppa svona vel

Faðir danska landsliðsmannsins Nicklas Bendtner segir son sinn hafa verið mjög heppinn að sleppa svona vel út úr bílslysi sem hann lenti i á sunnudaginn. Bendtner klessukeyrði þá Aston Martin bílinn sinn þegar hann var á hraðferð á æfingu hjá Arsenal-liðinu.

Darren Bent ver ákvörðun sína að leyfa Jones að taka vítið

Darren Bent, leikmaður Sunderland, hefur komið fram og varið þá ákvörðun sína að leyfa Kenwyne Jones að taka annað víti liðsins í 5-2 sigrinum á Wolves en Steve Bruce, stjóri Sunderland, var allt annað en sáttur með það eftir leikinn enda taldi hann að besta vítaskytta liðsins ætti að taka vítið.

McAllister ráðinn til starfa hjá Portsmouth

Gary McAllister, fyrrum leikmaður og stjóri hjá Leeds United, verður aðstoðarstjóri hjá Hermanni Hreiðarssyni og félögum í Portsmouth. Portsmouth er búið að tapa sjö fyrstu leikjum sínum í ensku úrvalsdeildinni og hefur þurft að leika án íslenska landsliðsfyrirliðans í þeim öllum.

Arabískur prins undirbýr nú yfirtökuboð í Liverpool

Prinsinn Faisal bin Fahad bin Abdullah al-Saud frá Sameinuðu arabísku furstadæmunum hefur mikinn hug á að eignast helmings hlut í enska úrvalsdeildarfélaginu Liverpool.

Denilson frá vegna meiðsla í átta vikur

Arsenal varð fyrir blóðtöku í dag þegar staðfest var að miðjumaðurinn Denilson verður frá vegna meiðsla í um það bil tvo mánuði vegna bakmeiðsla.

Manchester City aftur á sigurbraut

Einn leikur fór fram í ensku úrvalsdeildinni í kvöld þegar Manchester City vann 3-1 sigur gegn West Ham á Borgarleikvanginum í Manchester.

Akinbiyi genginn til liðs við Notts County

Framherjinn Ade Akinbiyi er búinn að skrifa undir samning við enska d-deildarfélagið Notts County út yfirstandandi keppnistímabil en hann kemur til félagsins á frjálsri sölu.

Hughes: Roque Santa Cruz er nógu góður fyrir Manchester City

Mark Hughes, stjóri Manchester City, segir að paragvæski framherjinn Roque Santa Cruz, eigi framtíð hjá félaginu þrátt fyrir að hafa ekki spilað sinn fyrsta leik síðan að City keypti hann á 17,5 milljónir enskra punda frá Blackburn í sumar. Roque Santa Cruz spilar væntanlega með liðinu á móti West Ham í kvöld.

Bendtner keyrði útaf - eyðilagði bílinn en slapp með skrámur

Nicklas Bendtner slapp ótrúlega vel þegar hann klessukeyrði Aston Martin bílinn sinn á hraðbraut í gær. Bendtner var á hraðferð á æfingu hjá Arsenal-liðinu þegar hann keyrði útaf og eyðilagi bílinn sinn sem kostar um 24 milljónir íslenskar krónur. Danski landsliðsmaðurinn stóð upp úr flakinu með nokkrar skrámur en hjartað væntanlega í buxunum.

Skilur ekki rauða spjaldið sem hafði af honum Liverpool-leikinn

Petr Cech, markvörður Chelsea, segir það hafa komið sér mjög á óvart að hann hafi fengið rauða spjaldið fyrir brot sitt á Hugo Rodallega, framherja Wigan, í 1-3 tapi Chelsea um helgina. Þetta var aðeins í annað skiptið á ferlinum sem tékkneski markvörðurinn er rekinn snemma í sturtu.