Riise orðaður við Roma

Norski landsliðsmaðurinn John Arne Riise hjá Liverpool er nú sterklega orðaður við Roma á Ítalíu. Talið er víst að Norðmaðurinn fari frá Liverpool í sumar en fregnir herma að Roma sé líklegra til að næla í hann en Lazio og Newcastle sem einnig hafa áhuga á honum. Þá hefur sænski landsliðsmaðurinn Freddie Ljungberg hjá West Ham einnig verið orðaður við Roma.

Capello: Van Basten sá besti

Fabio Capello segir að landsliðsþjálfari Hollendinga, Marco van Basten, sé besti framherji sem hann hefur þjálfað á ferlinum.

City gefið leyfi til að ræða við Ronaldinho

Manchester City hefur fengið leyfi frá Barcelona til að ræða við brasilíska framherjann Ronaldinho. Forráðamenn City hafa staðfest þetta, en vilja annars lítið tjá sig um málið. Þeir segja þó að Brasilíumaðurinn hafi áhuga á að ganga í raðir City.

AC Milan í viðræðum við Drogba

Forráðamenn AC Milan hafa staðfest að þeir hafi fengið leyfi frá Chelsea til að ræða við framherjann Didier Drogba. Þetta kemur fram í ítölskum fjölmiðlum í dag. Milan fékk hinsvegar ekki leyfi til að ræða við Andriy Shevchenko.

Boltavaktin á öllum leikjum dagsins

Sjötta umferð Landsbankadeildar karla lýkur í dag með fimm leikjum sem verða allir í beinni lýsingu á Boltavakt Vísis og Fréttablaðsins.

Þrjú mörk komin í Keflavík

Nú er kominn hálfleikur í leikjunum fimm sem standa yfir í Landsbankadeild karla. Flest mörkin hafa komið í Keflavík þar sem heimamenn hafa yfir 2-1 gegn KR.

Frei úr leik á EM

Svisslendingar hafa orðið fyrir miklu áfalli strax í fyrsta leik á EM eftir að í ljós kom að fyrirliðinn og framherjinn Alexander Frei getur ekki spilað meira í keppninni vegna meiðsla.

Portúgalar kláruðu Tyrki

Portúgalar unnu í kvöld nokkuð öruggan 2-0 sigur á Tyrkjum í síðari leik dagsins á Evrópumótinu í knattspyrnu. Flestir reikna með að Cristiano Ronaldo og félagar fari upp úr A-riðlinum, en þeir kláruðu verkefni sitt í kvöld nokkuð örugglega.

Tékkar lögðu Svisslendinga í opnunarleiknum

Tékkar unnu verðskuldaðan 1-0 sigur á heimamönnum Svisslendingum í opnunarleik EM í knattspyrnu í dag. Það var varamaðurinn Vaclav Sverkos sem skoraði sigurmark Tékka á 70. mínútu, en hann var þarna að spila sinn þriðja landsleik.

Eiður kysi West Ham frekar en Newcastle

Bresku blöðin eru nú dugleg að orða Eið Smára Guðjohnsen við félög í ensku úrvalsdeildinni. Guardian vitnar þannig í útvarpsviðtal við Eið Smára þar sem hann mun hafa sagt að hann vildi frekar fara til West Ham en til Newcastle.

Valur og KR enn með fullt hús

Valur og KR eru sem fyrr á toppi Landsbankadeildar kvenna eftir leiki dagsins, en bæði lið unnu leiki sína í dag. Valur valtaði yfir Keflavík suður með sjó 9-1 og KR lagði Stjörnuna 2-0 í vesturbænum.

Keisarinn tippar á Ítali - Capello á Þjóðverja

Þýska goðsögnin Franz Beckenbauer tippar á að heimsmeistarar Ítala muni fylgja eftir sigrinum á HM 2006 með því að verða Evrópumeistarar í sumar.

Alves á leið til Barcelona

Brasilíski bakvörðurinn Daniel Alves hjá Sevilla staðfesti í útvarpsviðtali á Spáni að hann væri á leið til Barcelona í sumar. Alves er almennt álitinn einn besti sóknarbakvörður heimsins í dag.

McClaren hefur áhuga á Blackburn

Knattspyrnustjórinn Steve McClaren segist hafa áhuga á því að taka við liði Blackburn í ensku úrvalsdeildinni, en þar vantar mann eftir að Mark Hughes samþykkti að taka við Manchester City.

Eyjamenn enn með fullt hús stiga

Heil umferð fór fram í fyrstu deild karla í knattspyrnu í kvöld. ÍBV er enn með fullt hús stiga eftir 3-0 sigur á Fjarðabyggð.

Kuszczak missir af EM

Pólska landsliðið í knattspyrnu hefur orðið fyrir miklu áfalli nú rétt fyrir EM. Markvörðurinn Tomasz Kuszczak frá Manchester United mun ekki leika með liðinu á EM vegna bakmeiðsla.

Kanu mun framlengja við Portsmouth

Framkvæmdarstjóri Portsmouth telur það öruggt að framherjinn Kanu muni semja á nýjan leik við félagið.

Maldini hættur við að hætta

Ítalska goðsögnin Paolo Maldini hjá AC Milan er hættur við að leggja skóna á hilluna og ætlar að spila eitt ár til viðbótar með liði sínu. Maldini, sem verður fertugur síðar í þessum mánuði, hefur undirritað eins árs samning við Milan.

Kemst Milan í Meistaradeildina þrátt fyrir allt?

Svo gæti farið að AC Milan fái þátttökurétt í Meistaradeild Evrópu á næstu leiktíð þökk sé óförum Steaua Búkarest.

Figo verður áfram hjá Inter

Jose Mourinho hefur staðfest að Portúgalinn Luis Figo verði áfram í herbúðum Inter á næstu leiktíð.

McClaren er Króatíusérfræðingur BCC

Steve McClaren, fyrrum landsliðsþjálfari Englendinga, verður sérfræðingur BBC á EM í knattspyrnu. Í frétt um málið í Daily Mail í dag er bent á kaldhæðnina á bak við það að McClaren verði fenginn til að vera "sérfræðingur" opnunarleik Króata á sunnudaginn.

Rooney klæðist Borat-sundfötum

Félagar Wayne Rooney hjá Manchester United eru nú í óðaönn að undirbúa steggjapartíið fyrir framherjann. Rooney ætlar að kvænast unnustu sinni Coleen McLoughlin í sumar, en fær að kenna á því frá félögum sínum áður en hann gengur í það heilaga.

Marca segir Ronaldo hafa samþykkt að fara til Real

Spænska blaðið Marca segir að portúgalski landsliðsmaðurinn Cristiano Ronaldo hafi samþykkt að ganga í raðir Real Madrid ef félaginu tekst að semja við Manchester United um kaupverðið.

Adebayor blæs á kjaftasögurnar

Emmanuel Adebayor, sóknarmaður Arsenal, neitar því að vera á leið til ítalska liðsins AC Milan í sumar. Hann segist vera hæstánægður hjá Arsenal og elska félagið og stuðningsmenn þess.

Mutu þarf að greiða Chelsea himinháa sekt

Adrian Mutu, leikmaður Fiorentina, þarf að greiða Chelsea 9,6 milljónir punda í miskabætur. Það eru um 1,4 milljarður íslenskra króna.

Van Persie ekki með gegn Ítalíu

Marco van Basten, landsliðsþjálfari Hollands, segir að Robin van Persie verði ekki með í fyrsta leik liðsins á EM sem er gegn Ítalíu á mánudag. Van Persie er allur að koma til eftir meiðsli en það á ekki að tefla á tvær hættur á mánudag.

Staðfest að Giovani fer til Tottenham

Barcelona hefur staðfest að Giovani Dos Santos hafi náð samkomulagi við Tottenham. Þessi 19 ára landsliðsmaður frá Mexíkó hefur skrifað undir samning til fimm ára við Tottenham.

Quaresma til Chelsea í sumar?

Chelsea ætlar að reyna að kaupa portúgalska vængmanninn Ricardo Quaresma frá Porto í sumar. Þessi skemmtilegi 24 ára leikmaður hefur oft verið orðaður við Chelsea en hann er nú farinn að hugsa sér til hreyfings og vill fara í stærra lið.

Kvennalandsliðið upp um eitt sæti

Íslenska kvennalandsliðið hækkaði sig upp um eitt sæti á nýjum styrkleikalista FIFA er gefinn var út í dag. Ísland hefur hækkað sig um þrjú sæti frá áramótum og er nú í 18. sæti listans og í því 11. ef aðeins eru taldar Evrópuþjóðir.

Vieira æfði í gær

Patrick Vieira, fyrirliði Frakklands, æfði í gær og er því útlit fyrir að hann geti verið með á Evrópumótinu. Thierry Henry og Franck Ribery þurftu að hætta á æfingunni vegna smávægilegra meiðsla sem ættu ekki að hafa áhrif á þátttöku þeirra á EM.

Chelsea vill Rijkaard eða Mancini

Breska blaðið The Sun segir að Chelsea ætli að halda fundi með Frank Rijkaard og Roberto Mancini í næstu viku. Þeir tveir eru efstir á óskalista félagsins yfir nýja knattspyrnustjóra.

Eiður aftur í enska boltann?

Eiður Smári Guðjohnsen gæti verið á leið aftur í enska boltann. Þetta segir faðir hans, Arnór Guðjohnsen, í samtali við BBC. Hann segir að eitt enskt úrvalsdeildarlið hafi sýnt mikinn áhuga á að fá Eið.

Rio: Ronaldo verður að vera áfram

Rio Ferdinand hefur biðlað því til Cristiano Ronaldo að hann verði áfram hjá Manchester United. Ronaldo sagði í viðtali í gær að hann væri áhugasamur að ganga til liðs við spænska stórliðið Real Madrid.

„Ég er einn öflugasti málsvari íslenskrar knattspyrnu“

„Ég er hissa en samt ekki hissa,“ sagði Guðjón Þórðarson í samtali við Vísi eftir að ljóst varð að hann var dæmdur í eins leiks bann af Aga- og úrskurðarnefnd KSÍ.

Jackson: Við gefumst aldrei upp

Michael Jackson var hetja Þróttara í kvöld er hann tryggði sínum mönnum 3-2 sigur á Fylki með marki á lokamínútu leiksins.

Gunnar Heiðar skoraði í sigri Vålerenga

Gunnar Heiðar Þorvaldsson skoraði eitt marka Vålerenga í 3-0 sigri liðsins á HamKam í kvöld.

„Guðjón skaðaði ímynd íslenskrar knattspyrnu“

Vísir hefur undir höndum dómsuppkvaðningu Aga- og úrskurðarnefndar KSÍ í máli Guðjóns Þórðarsonar, þjálfara ÍA.

Tryggðu sér sigur með síðustu snertingu leiksins

Þróttarar fögnuðu í kvöld dýrmætum 3-2 sigri á Fylki í Árbænum í kvöld eftir að hafa lent tvívegis undir og skorað sigurmark leiksins með síðustu snertingu leiksins.

Hver skoraði besta markið í fimmtu umferð?

Eins og ávallt stendur nú yfir könnun á Vísi þar sem kosið er á milli fimm marka um besta mark nýliðannar umferðar í Landsbankadeild karla.

Guðjón í eins leiks bann

Guðjón Þórðarson hefur verið dæmdur í eins leiks bann af aga- og úrskurðarnefnd KSÍ.

Mancini er miður sín

Stjórnarmaður hjá Inter, Gabriele Oriali, segir að Roberto Mancini eigi mjög erfitt með að sætta sig við að hafa verið látinn taka pokann sinn hjá félaginu. Mancini er víst niðurbrotinn maður um þessar mundir.

Adebayor efstur á óskalista AC Milan

Emmanuel Adebayor, sóknarmaður Arsenal, er efstur á óskalista AC Milan fyrir sumarið. Búast má við miklum breytingum á liði Milan í sumar eftir að liðið olli miklum vonbrigðum á síðasta tímabili.

Giovani segist á leið til Tottenham

Giovani Dos Santos mun að öllum líkindum leika fyrir Tottenham á næsta tímabili. Hann segir aðalástæðu þess vera knattspyrnustjóri liðsins, Juande Ramos.

Brasilísk vefsíða segir Ronaldo vilja til Real Madrid

Cristiano Ronaldo vill fara frá Manchester United og ganga til liðs við Real Madrid. Þetta segir virt brasilísk vefsíða, Terra. Ronaldo er nú í Sviss við æfingar með portúgalska landsliðinu.

Þór fékk mest úr mannvirkjasjóði

Hafnar eru framkvæmdir á nýjum íþróttaleikvangi á svæði Þórs á Akureyri. Reisa á byggingar þar sem Akureyrarvöllur er staðsettur en íþróttafélagin Þór og KA hafa bæði haft afnot af vellinum.