Marca segir Ronaldo hafa samþykkt að fara til Real

Spænska blaðið Marca segir að portúgalski landsliðsmaðurinn Cristiano Ronaldo hafi samþykkt að ganga í raðir Real Madrid ef félaginu tekst að semja við Manchester United um kaupverðið.

Blaðið segir að Ronaldo hafi samþykkt að skrifa undir fimm ára samning sem myndi færa honum hátt í 10 milljónir evra í árslaun.

Spænska félagið á þó alveg eftir að reyna að sannfæra forráðamenn Manchester United um að selja stjörnu sína, en ljóst er að spænskir fjölmiðlar ætla ekki að láta sitt eftir liggja í að reyna að lokka Portúgalann til Spánar.