Rio: Ronaldo verður að vera áfram

Rio Ferdinand hefur biðlað því til Cristiano Ronaldo að hann verði áfram hjá Manchester United. Ronaldo sagði í viðtali í gær að hann væri áhugasamur að ganga til liðs við spænska stórliðið Real Madrid.

Ronaldo er helsta skotmark Real í sumar en tilraunir félagsins til að krækja í leikmanninn hafa farið í skapið á hæstráðendum Manchester United. Þeir segja Ronaldo ekki til sölu.

„Þetta lið getur orðið betra, en þá þurfum við að vera allir saman. Við höfum unnið hart til að koma okkur í þá stöðu sem við erum í og viljum áframhaldandi velgengnin. Það þýðir að leikmennirnir verða að vera áfram," sagði Rio Ferdinand.