Róma lagði Juventus á útivelli og komst í undanúrslit

Róma tryggði sér sæti í undanúrslitum ítölsku bikarkeppninnar í kvöld með 2-0 sigri á útivelli gegn Juventus í Tórínó. Mirko Vucinic kom gestunum yfir um miðja síðari hálfleik og Rodrigo Taddei tryggði sigurinn á lokamínútunni.

Norðmenn enduðu í 9. sæti eftir framlengdan leik gegn Serbíu

Norðmenn náðu 9. sætinu á HM í handbolta með 32-31 sigri gegn Serbíu en sá leikur fór í framlengingu líkt og leikurinn um 11. sætið fyrr í kvöld. Staðan var jöfn, 30-30, eftir venjulegan leiktíma. Håvard Tvedten tryggði Norðmönnum sigurinn með marki tveimur mínútum fyrir leikslok.

Njarðvíkingar rufu taphrinuna - stórsigur hjá Haukum gegn Grindavík

Þrír leikir fóru fram í Iceland Express deild karla í körfubolta í kvöld og þar ber hæst sigur nýliða Hauka gegn Grindvíkingum á útivelli 82-63. Njarðvíkingar náðu að landa sigri eftir langa taphrinu en Njarðvíkingar sigruðu Stjörnuna 89-68. Mesta spennan var í leik Tindastóls og ÍR en þar hafði Tindastóll betur 78-69.

Liverpool í viðræðum við Fulham

Svo gæti farið að Paul Konchesky snúi aftur til Fulham áður en félagaskiptaglugginn lokar á mánudaginn.

Løke svarar fyrir sig: „Hlægilegt og dæmigert fyrir Noreg“

Frank Løke var í gær rekinn úr norska landsliðinu í handbolta fyrir brot á agareglum og mun hann ekki leika fleiri leiki fyrir Noreg á meðan Robert Hedin þjálfar liðið. Løke er allt annað en ánægður með framkomu landsliðsþjálfarans og telur að hann hafi verið rekinn fyrir það eitt að fara seint að sofa.

Gerrard: Sjöunda sætið óásættanlegt

Steven Gerrard vill fá meira úr liði Liverpool á tímabilinu og segir að það sé óásættanlegt fyrir félagið að lenda í sjöunda sæti ensku úrvalsdeildarinnar.

Tiger Woods ætlar sér stóra hluti á árinu 2011

Tiger Woods ætlar sér stóra hluti á árinu 2011 en árið 2010 var ekki gott ár hjá kylfingnum. Hann náði ekki að sigra á atvinnumóti í fyrsta sinn frá því hann gerðist atvinnumaður og einkalíf hans var aðalfréttaefnið þar sem upp komst um framhjáhald hans.

Benfica staðfestir tilboð frá Chelsea

Benfica hefur staðfest að félagið eigi nú í viðræðum við Chelsea um varnarmanninn David Luiz.

Holloway fékk sekt fyrir að gera 10 breytingar á byrjunarliðinu

Stjórn ensku úrvalsdeildarinnar komst að þeirri niðurstöðu í dag að sekta úrvalsdeildarliðið Blackpool um tæplega 5 milljónir kr. fyrir þá ákvörðun Ian Holloway knattspyrnustjóra liðsins að gera 10 breytingar á byrjunarliðinu fyrir leik gegn Aston Villa í nóvember s.l.

Ribery verður lengur frá

Svo virðist sem að Franck Ribery muni ekki spila með Bayern München á ný fyrr en um miðjan febrúar í fyrsta lagi.

Guðmundur: Þurfum toppleik til þess að vinna

Guðmundur Guðmundsson landsliðsþjálfari segir liðið vilja jafna besta árangur Íslands á HM frá upphafi. Til að ná því þarf að vinna Króatíu á morgun.

Christiansen: Höfum mikið sjálfstraust

Danski hornamaðurinn var mjög brattur er Vísir hitti hann í dag. Leikmaðurinn er fullur sjálfstrausts fyrir undanúrslitaleikinn gegn Spánverjum.

Guðmundur: Gagnrýni Dags á ekki rétt á sér

Guðmundur Guðmundsson landsliðsþjálfari undrast gagnrýni Dags Sigurðssonar og hann vísar þeim ummælum Dags að hann sé að hlífa Ólafi Stefánssyni til föðurhúsanna.

Bullard kominn til Ipswich

Miðvallarleikmaðurinn skrautlegi, Jimmy Bullard, er kominn til Ipswich á lánssamningi frá Hull City.

Staffan: Við höfum engu að tapa

Staffan "Faxi" Olsson, landsliðsþjálfari Svía, er hæfilega bjartsýnn fyrir undanúrslitaleikinn gegn Frökkum á morgun.

Óvænt tap hjá TCU

Helena Sverrisdóttir og félagar hennar í háskólaliði TCU töpuðu í gær sínum fyrsta leik í deildakepninni á tímabilinu.

Viljum halda Brand til 2013 og helst lengur

Ulrich Strombach, forseti þýska handknattleikssambandsins, segist alls ekki vilja missa Heiner Brand úr starfi landsliðsþjálfara.

Liverpool hefur frest til laugardags að kaupa Suarez

Frank de Boer, knattspyrnustjóri Ajax, segir að Liverpool hafi frest til laugardags að leggja fram ásættanlegt tilboð í Úrúgvæann Luis Suarez.

U-21 landsliðið spilar æfingaleik við England í mars

Knattspyrnusamband Íslands hefur tilkynnt að U-21 landslið karla muni spila æfingaleik gegn Englandi þann 28. mars næstkomandi. Leikurinn verður spilaður á heimavelli Preston North End, Deepdale-leikvanginum.

Dagur greindi Guðmundi frá óánægju sinni

Dagur Sigurðsson segist hafa greint Guðmundi Guðmundssyni landsliðsþjálfara frá því að hann væri ekki sáttur við hvaða meðferð Alexander Petersson væri að fá hjá íslenska landsliðinu.

HM í handbolta í Katar árið 2015

Katar ætlar að hita upp fyrir HM í knattspyrnu árið 2022 með því að halda HM í handbolta eftir fjögur ár. Þetta var tilkynnt í dag.

Sunnudagsmessan: "Ekki fara til Englands"

„Það hafa margir strákar 18 ára og yngri farið til England og enginn þeirra hefur náð að leika svo mikið sem einn úrvalsdeildarleik,“ sagði Hjörvar Hafliðason í Sunnudagsmessunni á Stöð 2 sport 2 þar sem hann og Guðmundur Benediktsson veltu upp þeirri spurningu hvort ungir íslenskir fótboltamenn ættu yfir höfuð að fara til enskra liða. Alls voru 18 nöfn á þessum lista hjá þeim Guðmundi og Hjörvari.

Van der Sar mun hætta í lok leiktíðarinnar

Edwin van der Sar hefur ákveðið að leggja hanskana á hilluna þegar að tímabilinu lýkur í ensku úrvalsdeildinni.

Dagur gagnrýnir Guðmund í þýskum fjölmiðlum

Dagur Sigurðsson hefur gagnrýnt Guðmund Guðmundsson landsliðsþjálfara í þýskum fjölmiðlum fyrir að nota Alexander Petersson of mikið í leikjum íslenska liðsins á HM.

NBA í nótt: Durant skoraði 47 stig

Kevin Durant átti ótrúlegan leik þegar að Oklahoma City vann nauman sigur á Minnesota, 118-117, í framlengdum leik í NBA-deildinni í nótt.

Róbert bætti met Þorgils Óttars

Róbert Gunnarsson hefur skorað mörk í öllum regnbogans litum af línunni undanfarin átta ár og sum þeirra meira að segja með eftirminnilegum skotum fyrir aftan bak eða úr öðrum nánast ómögulegum aðstæðum.

Ólafur með 100 stórmótsleiki

Ólafur Stefánsson, fyrirliði íslenska handboltalandsliðsins, hefur nú náð því að spila hundrað landsleiki fyrir Íslands hönd á stórmótum, sem er gríðarlegt afrek enda ná því ekki margir að spila hundrað landsleiki á ferlinum, hvað þá á stórmótum eins og HM, EM eða Ólympíuleikum.

Enn óvissa með þáttöku Ingimundar

Strákarnir okkar hafa mátt ferðast mikið á HM í Svíþjóð og þeir fóru í sína síðustu löngu rútuferð í gær. Þá var setið í rútu í fjóra klukkutíma frá Jönköping til Malmö.

Løke rekinn úr norska landsliðinu fyrir agabrot

Frank Løke hefur vakið athygli fyrir flest annað en handboltafærni sína á HM í handbolta og línumaðurinn hefur nú lokið keppni með formlegum hætti. Robert Hedin þjálfari norska liðsins rak hann úr landsliðshópnum í gær.

Sjálfsmark frá Pantsil tryggði Liverpool sigur

Liverpool er á sigurbraut undir stjórn Kenny Dalglish eftir 1-0 sigur gegn Fulham í ensku úrvalsdeildinn í kvöld. Þetta var annar sigur liðsins undir stjórn Skotans en liðið vann WBA um s.l. helgi 3-0 á útivelli. John Pantsil leikmaður Fulham skoraði sjálfsmark á 52. mínútu þar sem að atburðarásin var lygileg.

Hlynur með þrefalda tvennu í sigurleik gegn Borås

Hlynur Bæringsson fór enn og aftur á kostum í liði Sundsvall Dragons í sænsku úrvalsdeildinni í körfubolta í kvöld. Hlynur skoraði 11 stig, tók 15 fráköst og gaf 10 stoðsendingar í 88-81 sigri liðsins gegn Borås Basket.

Balic telur að Frakkar og Danir mætist í úrslitum HM

Ivano Balic er einn þekktasti handboltamaður heims og hann verður án efa í lykilhlutverki í króatíska liðinu þegar það mætir Íslendingum á föstudaginn í leiknum um 5. sætið á HM í Svíþjóð. Balic spáir því að Frakkar og Danir muni leika til úrslita en Króatar léku til úrslita fyrir tveimur árum á HM gegn Frökkum þegar keppnin fór fram í Króatíu.

Barcelona og Real Madrid með vænlega stöðu

Risarnir í spænska fótboltanum, Barcelona og Real Madrid, eru skrefi nær úrslitaleik spænska konungsbikarsins en fyrri leikirnir í undanúrslitum keppninnar fóru fram í kvöld. Barcelona lék sér að Almeria og 5-0 sigur liðsins var síst of stór. Karim Benzema tryggði Real Madrid sigur með marki á 17. mínútu á útivelli gegn Sevilla. Síðari leikurinn er nánast formsatriði fyrir Barcelona og Real Madrid á heimaleikinn eftir.

Gardner tryggði Birmingham farseðilinn á Wembley

Birmingham mætir Arsenal í úrslitum enska deildabikarsins í fótbolta eftir 3-1 sigur gegn West Ham á heimavelli í kvöld. Úrslitin réðust í framlengingu þar sem að fyrri leikurinn endaði 2-1 fyrir West Ham. Craig Gardner tryggði Birmingham farseðilinn á Wembley með marki á 94. mínútu og er þetta í fyrsta sinn í 55 ár þar sem Birmingham leikur til úrslita.

Stórsigur Fram gegn Fylki í N1-deild kvenna

Fram vann stórsigur, 45-21, gegn Fylki í N1-deild kvenna í handbolta í kvöld og með sigrinum er Fram með 20 stig líkt og Valur og Stjarnan. Þessi þrjú lið skera sig algjörlega úr í deildinni en Fylkir er í fjórða sæti deildarinnar. Sigurbjörg Jóhannsdóttir skoraði 13 mörk fyrri Fram og Karen Knútsdóttir 7. Sunna María Einarsdóttir skoraði 7 mörk fyrir Fylki.

Ingó úr Veðurguðunum spilar með Víkingum

Ingólfur Þórarinsson mun leika með nýliðum Víkings úr Reykjavík í Pepsi-deild karla í fótbolta á næstu leiktíð. Ingólfur kemur frá Selfossi sem féll úr úrvalsdeild s.l. haust eftir eins árs veru á meðal þeirra bestu. Mbl.is greinir frá.

Pato tryggði AC Milan sæti í undanúrslitum bikarkeppninnar

Alexandro Pato skoraði bæði mörk AC Milan í 2-1 sigri liðsins gegn Sampdoria á útivelli í ítölsku bikarkeppninni í fótbolta í kvöld. Pato tryggði Milan sæti í undanúrslitum með tveimur mörkum á fimm mínútna kafla í fyrri hálfleik. Guberti skoraði eina mark Sampdoria á 44. mínútu.

Marta til New York Flash

Besta knattspyrnukona heims, Marta frá Brasilíu, hefur ákveðið að ganga til liðs við New York Flash í bandarísku atvinnumannadeildinni, WPS.

Ben Arfa gæti spilað aftur fyrr en áætlað var

Endurhæfing Hatem Ben Arfa gengur greinilega vel en umboðsmaður hans segir að svo gæti farið að kappinn verði kominn aftur á fullt mun fyrr en áætlað var.

Njarðvíkingar styrkja sig í fallbaráttunni

Njarðvíkingar hafa samið við tvo erlenda leikmenn sem bætast í leikmannahóp úrvalsdeildarliðsins fyrir lokasprettinn í Iceland Express deildinni. Njarðvík er í næst neðsta sæti deildarinnar og í viðtali við Karfan.is segir Einar Árni Jóhannsson annar þjálfari liðsins að markmiðið sé að fara upp úr þeirri holu sem félagið sé í.

Þýskir fjölmiðlar gagnrýna Heiner Brand

Þýskir fjölmiðlar eru allt annað en ánægðir með gengi karlalandsliðsins á heimsmeistaramótinu í handbolta í Svíþjóð og gagnrýna þeir Heiner Brand þjálfara liðsins harðlega. Eftir stórtap Þjóðverja gegn Norðmönnum í gær var það ljóst að Þjóðverjar leika um 11. sætið og er það slakasti árangur Þjóðverja á HM frá upphafi.

Adrian Sutil, Paul di Resta og Nico Hülkenberg ráðnir ökumenn hjá Force India

Force India liðið tilkynnti í dag að Þjjóðverjinn Adrian Sutil varður áfram hjá liðinu, fimmta árið í röð og Skotinn Paul di Resta hefur verið ráðinn við hlið hans sem ökumaður og Þjóðverjinn Nico Hülkenberg verður þróunar og varaökumaður liðsins.

Sagna fékk heilahristing

Arsene Wenger, stjóri Arsenal, hefur staðfest að Bacary Sagna hafi fengið heilahristing í leiknum gegn Ipswich í gær.

Ísland - Frakkland, myndasyrpa

Framtíð Scholes í óvissu

Paul Scholes er enn óviss um hvort að hann verði enn leikmaður hjá Manchester United á næstu leiktíð.