Flutningur í vændum hjá Everton?

Framkvæmdastjóri enska knattspyrnufélagsins Everton segir að félaginu standi til boða tilboð aldarinnar til að byggja nýjan leikvöll sem staðsettur yrði í Kirkby, nokkuð fyrir utan Liverpoolborg. Leikvangurinn yrði að stórum hluta fjármagnaður af Tesco verslunarkeðjunni og tæki 50-55,000 manns í sæti.

Inter kaupir tvo leikmenn

Ítalíumeistarar Inter Milan hafa styrkt hóp sinn enn frekar fyrir næstu leiktíð og nú hafa tveir Suður-Ameríkumenn bæst í hópinn sem er nú við æfingar í fjöllunum á Norður-Ítalíu. Þetta eru sóknartengiliðurinn Luis Jimenez frá Lazio sem er landsliðsmaður Chile og kólumbíski varnarmaðurinn Nelson Rivas frá River Plate í Argentínu.

Yi fær ekki að spila með Milwaukee

Kínverski framherjinn Yi Jianlian mun ekki fá að spila með liði Milwaukee Bucks í NBA deildinni ef maka má nýjustu fréttir frá Kína. Jianlian var valinn númer sex af Milwaukee í nýliðavalinu á dögunum en hefur enn ekki skrifað undir samning við félagið vegna þrýstings frá heimalandi sínu. Málið er að verða hið vandræðalegasta og stefnir í að David Stern forseti NBA deildarinnar þurfi nú að skerast í leikinn.

Jackson og Artest fá sjö leikja bann

Fyrrum samherjarnir Stephen Jackson hjá Golden State og Ron Artest hjá Sacramento í NBA deildinni, voru á dögunum dæmdir í sjö leikja bann af deildinni fyrir að komast í kast við lögin utan vallar. Leikmannasamtökin íhuga nú að áfrýja þessum dómi, en Ron Artest er mjög upptekinn við að laga ímynd sína þessa dagana.

Mourning ætlar að spila eitt ár í viðbót

Miðherjinn Alonzo Mourning hjá Miami Heat í NBA deildinni hefur tilkynnt að hann ætli að spila eitt ár til viðbótar með liðinu. Mourning hafð legið undir feldi í allt sumar en sagði ljótt tap liðsins gegn Chicago í fyrstu umferð úrslitakeppninnar í vor vera helstu ástæðu þess að hann hafi ekki geta lagt skóna á hilluna.

Framtíð Drogba óráðin

Framherjinn Didier Drogba hefur látið í það skína í viðtölum að hann sé jafnvel að hugsa sér að fara frá Chelsea. Vitað er að hann er eftirsóttur af stórliðum Evrópu og í viðtali við The Sun í dag segir markaskorarinn framtíð sína óráðna með öllu.

United gerði jafntefli við japönsku meistarana

Manchester United spilaði í dag æfingaleik við japönsku meistarana í Urawa Reds og lauk leiknum með jafntefli 2-2. Darren Fletcher og Cristiano Ronaldo skoruðu mörk enska liðsins fyrir framan rúmlega 58,000 áhorfendur í Tókíó. Heimamenn jöfnuðu leikinn í 2-2 á 78. mínútu eftir að hafa náð forystu snemma leiks.

Beckham tæpur gegn Chelsea

Óvíst er hvort David Beckham geti spilað með LA Galaxy þegar það mætir Chelsea í æfingaleik á laugardaginn. Leiksins hafði verið beðið með mikilli eftirvæntingu í Bandaríkjunum því hann átti að vera frumraun Beckham með liði sínu LA Galaxy. Ökklameiðsli Beckhams hafa tekið sig upp að nýju og hefur hann lítið geta beitt sér á æfingum enn sem komið er.

Við lítum á þetta sem tapaðan leik

HK og Víkingur náðu bæði í langþráð stig í 2-2 jafntefli liðanna í Landsbankadeildinni í gær. Víkingar komust í 2-0 og fengu mörg færi til að skora fleiri mörk en HK sýndi mikinn karakter í að vinna sig aftur inn í leikinn og tryggja sér stigið.

Mido hugsanlega á leiðinni til Birmingham

Egypski framherjinn Mido, er á leiðinni til Birmingham frá Tottenham á láni í eitt ár. Þetta segir hann við vefsíðuna FilGoal í heimalandi sínu. Mido hefur færst aftar í goggunarröðinni hjá Tottenham vegna komu Darren Bent frá Charlton.

Fékk 34,8 prósent atkvæða

Ólafur Stefánsson var valinn í lið ársins í spænsku úrvalsdeildinni í handbolta og er einn af fjórum leikmönnum meistaraliðs Ciudad Real sem eru í sjö manna liðinu. Kosningin fór fram á heimasíðu deildarinnar, www.asobal.es.

Aftaka hjá Blikum í Árbæ

Óhætt er að segja að fyrstu tíu mínútur leiks Fylkismanna og Breiðabliks hafi verið algerlega á skjön við það sem síðar kom. Fylkismenn byrjuðu betur og fór leikurinn að mestu fram á vallarhelmingi Blika. Þá fannst fyrirliðanum Arnari Grétarssyni, nóg komið og tók leikinn í sínar hendur.

Brassar eru komnir með fast tak á Argentínumönnum

Argentína náði ekki að fylgja eftir frábærri frammistöðu í Suður-Ameríkukeppninni og steinlá 3-0 fyrir Brasilíu í úrslitaleiknum.

Valsmenn færast nær meisturunum

Valsmenn galopnuðu baráttuna um Íslandsmeistaratitilinn með sínum þriðja sigurleik í röð í Landsbankadeildinni í gærkvöldi. Erkifjendurnir úr Fram láu í valnum í þetta skiptið en Valur er nú komið með 21 stig í öðru sæti deildarinnar, tveimur stigum minna en Íslandsmeistarar FH, sem hafa aðeins náð í fjögur stig í síðustu þremur leikjum.

Platini afhendir bikarinn

Það verður sjálfur forseti UEFA, Michel Platini, sem afhendur sigurlaunin í úrslitakeppni Evrópumóts undir 19 ára kvenna sem hefst hér á landi á morgun.

Viljum alls ekki missa Valdimar

Handknattleiksmaðurinn Valdimar Þórsson, sem gekk í raðir Fram í lok síðasta mánaðar, gæti verið á förum til sænska úrvalsdeildarliðsins HK Malmö. Sænskir fjölmiðlar sögðu frá því í gær að samningur við leikmanninn væru nánast frágenginn og að aðeins formsatriði yrði að fá undirskrift.

Ólafur í liði ársins á Spáni

Ólafur Stefánsson, leikmaður Ciudad Real og fyrirliði íslenska landsliðsins, er í stöðu vinstrihandar skyttu í liði ársins á Spáni. Þrír liðsfélagar Ólafs eru einnig í liði ársins en Ciudad Real vann deildina á síðasta tímabili.

Húsleit hjá Newcastle, Portsmouth og Rangers í morgun

Lögreglan í Englandi gerði húsleit hjá þremur knattspyrnuliðum, Newcastle, Portsmouth og Rangers í morgun vegna gruns um spillingu. Lögreglan staðfestir að húsleitir hafi verið framkvæmdar í morgun, en tekur fram að málið tengist ekki skýrslu Stevens lávarðs.

EM: Svíar í fyrsta leik

Búið er að raða niður leikdögum fyrir EM í handknattleik sem fer fram í Noregi í janúar og febrúar á næsta ári. Ísland hefur leik þann 17. janúar gegn Svíþjóð. Ísland er í D-riðli ásamt Svíum, Slóvökum og Frökkum.

Harewood í samningsviðræðum við Aston Villa

Enska Úrvalsdeildarliðið Aston Villa er í viðræðum við framherjann Marlon Harewood um hugsanlegan flutning leikmannsins til Villa frá West Ham. Þetta er staðfest á vefsíðu SkySports. Harewood hefur fengið leyfi til þess að yfirgefa West Ham þar sem hann er ekki í framtíðaráætlunum Alan Curbishley, framkvæmdastjóra liðsins.

Þrír leikir í Landsbankadeild karla í kvöld

Tíunda umferð Landsbankadeildar karla í knattspyrnu verður kláruð í kvöld með þremur leikjum. Fylkir fær Breiðablik í heimsókn, Víkingur mætir HK í Kópavogi og Fram tekur á móti Val í Reykjavíkurslag.

Madrid gerir tilboð í Robben

Real Madrid hefur lagt fram tilboð hollenska vængmannin Arjen Robben hjá Chelsea, samkvæmt umboðsmanni leikmannsins. Spænsku meistararnir hafa verið mikið orðaðir við Robben í sumar, og nú hafa þeir boðið 13,5 milljónir punda í leikmanninn.

Rögnvaldur Magnússon jafnaði vallarmetið á Syðridalsvellinum í Bolungarvík

Rögnvaldur Magnússon, kylfingur úr GBO, jafnaði 3 ára gamalt vallarmet Syðridalsvallar í Bolungarvík á föstudaginn, er hann fór þriðja hringinn á 70 höggum (-1) á meistaramóti GBO. Rögnvaldur átti metið sjálfur ásamt Chatchai Phothiya sem einnig kemur úr GBO.

Brasilía sigraði Argentínu í úrslitaleik Suður-Ameríkukeppnarinnar

Brasilía tryggði sér sigur í Suður-Ameríkukeppninni í kvöld með 3-0 sigri á Argentínu í úrslitaleik keppnarinnar. Julio Baptista og Daniel Alves skoruðu fyrir Brasilíu auk þess sem Roberto Ayala, varnarmaður Argentínu, varð fyrir því óláni að setja boltann í eigið net.

Jafntefli í Keflavík

Leik Keflavíkur og KR í Landsbankadeild karla var að ljúka með jafntefli, 1-1. Markalaust var í hálfleik, en Rúnar Kristinsson misnotaði vítaspyrnu fyrir KR í fyrri hálfleik. Símun Eiler Samuelsen kom heimamönnum yfir á 78. mínútu en Björgólfur Takefusa jafnaði fyrir KR-inga á 83. mínútu.

Guðjón tekur ekki til greina að leikur ÍA og Keflavíkur verði endurtekinn

Guðjón Þórðarson, þjálfari ÍA í Landsbankadeild karla í knattspyrnu, segir það ekki koma til greina að endurtaka umdeildan leik ÍA og Keflavíkur. Í leiknum skoraði Bjarni Guðjónsson umdeildasta mark sumarsins sem tryggði ÍA sigur á Keflavík.

Havret sigraði á Opna skoska

Franski kylfingurinn Gregory Havret sigraði í dag Opna skoska meistaramótinu eftir að bráðaban þurfti til að fá sigurvegara. Havret fór hringina fjóra fór á 14 höggum undir pari, líkt og Phil Mickelson.

Úrslitaleikur Copa America fer fram í kvöld

Brasilía og Argentína mætast í draumaúrslitaleik Suður-Ameríkubikarsins í kvöld. Dunga, þjálfari Brasilíu segir ljóst að Argentína sé sigurstranglegra liðið en Brasilíumenn ætli sér að spila með hjartanu.

Malouda byrjar vel hjá Chelsea

Florent Malouda spilaði sinn fyrsta leik fyrir Chelsea í gær og óhætt er að segja að hann hafi staðið sig með prýði. Í æfingaleik gegn Club America lenti Chelsea undir áður en Malouda skoraði glæsilegt mark á 75 mínútu. Níu mínútum síðar átti Malouda ágæta fyrirgjöf á fyrirliðann John Terry, sem tryggði Chelsea sigur með skallamarki.

Ragna fékk silfur

Ragna Ingólfsdóttir, Íslandsmeistari í badminton, endaði Opna ástralska mótið í badminton í örðu sæti. Ragna beið lægri hlut í úrslitaleik í morgun fyrir Larisu Griga frá Úkraínu, 11-21 og 10-21. Ragna þokar sig enn upp heimslistann í einliðaleik en hún var í 38 sæti fyrir mótið og styrkir með þessari frammistöðu enn stöðu sína á að komast á Ólympíuleikana.

Peter Crouch kostar 20 milljónir punda

Forráðamenn Liverpool hafa gefið það út að liðið muni ekki selja Peter Crouch fyrir minna en 20 milljónir punda. Þetta kemur í kjölfar þess að Aston Villa, Newcastle og Manchester City hafa lýst yfir áhuga sínum á leikmanninum.

Newcastle og Chelsea á eftir Cannavaro

Ensku Úrvalsdeildarliðin Chelsea og Newcastle eru nú að berjast um þjónustu Fabio Cannavaro hjá Real Madrid, en þessar fréttir koma í kjölfar þess að nýr þjálfari Real, Bernd Schuster, hefur sagt að ekki væri þörf fyrir Cannavaro lengur hjá liðinu.

Þórarinn Eymundsson tvöfaldur íslandsmeistari annað árið í röð

Þórarinn Eymundsson og Kraftur frá Bringu stálu senunni eftir að þeir sigruðu bæði tölt og fimmgang meistaraflokks á Íslandsmótinu í hestaíþróttum sem lauk á Dalvík í gær. Þetta er annað árið í röð sem að þeir sýna þessa snilldar takta á vellinum.

Lið Mexíkó hirti bronsið

Mexíkó tryggði sér í kvöld þriðja sætið í Suður-Ameríkubikarnum með 3-1 sigri á Úrúgvæ. Úrúgvæ komst yfir í leiknum en Mexíkó jafnaði fyrir hlé. Tvö glæsileg mörk í seinni hálfleik gerðu út um leikinn og Mexíkómenn hirtu bronsið.

Mexíkó og Úrúgvæ keppa um bronsið í kvöld

Mexíkó og Úrúgvæ leika í kvöld um þriðja sætið í Suður-Ameríkubikarnum. Á morgun spila svo Brasilía og Argentína um gullið. Mexíkó tapaði 3-0 fyrir Argentínu í undanúrslitum en Úrúgvæ voru óheppnir að tapa fyrir Brasilíu í vítaspyrnukeppni í undanúrslitum. Leikurinn er sýndur beint á Sýn og hefst útsending klukkan 20:50.

Mancini orðaður við Liverpool

Liverpool eru orðaðir við kaup á Alessandro Mancini, leikmann Roma samkvæmt umboðsmanni leikmannsins, Gilmar Veloz. Mancini átti frábært tímabil með Roma á síðasta tímabili. Veloz segir að hann hafi talað við Rafa Benitez, framkvæmdastjóra Liverpool, en tekur það fram að engar samningsviðræður hafi átt sér stað á milli liðanna.

Skagamenn sóttu stig í Kaplakrikann

Leik FH og ÍA í Landsbankadeild karla var að ljúka. Leikurinn endaði 1-1. Tryggvi Guðmundsson kom FH yfir á 7. mínútu með marki úr vítaspyrnu. Það var svo Ellert Jón Björnsson sem jafnaði fyrir skagamenn á 79. mínútu.

Æfingaleikir ensku Úrvalsdeildarliðanna

Nokkur Úrvalsdeildarlið eru byrjuð að spila æfingaleiki til að stilla lið sín fyrir komandi átök í deildinni. West Ham, Arsenal, Liverpool, Portsmouth, Manchester City og Bolton sigruðu öll leiki sína í gær. Sven-Göran Erikson stjórnaði City til sigurs gegn Doncaster í fyrsta leik sínum sem framkvæmdastjóri.

Mourinho býst ekki við að kaupa fleiri leikmenn

José Mourinho segir að kaupin á Florent Malouda séu sennilega síðustu kaup Chelsea í sumar. Mourinho kvartaði sáran yfir að vera með of lítinn hóp á síðasta tímabili þegar mikið var um meiðsli innan liðsins, og því var búist við að hann myndi kaupa marga leikmenn í sumar.

U19: Styttist í Evrópumót kvennalandsliða

Nú eru aðeins fjórir dagar þar til Evrópumót kvennalandsliða undir 19 ára hefst hér á landi. Þetta er stærsta verkefni sem knattspyrnusamband Íslands hefur ráðist í. Opnunarleikur Íslands og Noregs verður í Laugardalnum á miðvikudaginn.

Langhlaupari fékk spjót í síðuna

Betur fór en á horfðist þegar langhlaupari varð fyrir spjóti á Gullmótinu í Róm. Finnski spjótkastarinn Tero Pitkamaki skrikaði fótur þegar hann kastaði spjóti sínu sem fór óeðlilega langt til vinstri og lenti á æfingasvæði fyrir langstökkvara. Þar varð franski stökkvarinn Salim Sdiri fyrir spjótinu með þeim afleiðingum að þriggja sentímetra skurður myndaðist á hægri síðu hans.

Montgomerie komst ekki áfram á Opna skoska

Colin Montgomerie komst ekki í gegnum niðurskurðinn eftir tvo hringi á Opna skoska mótinu í gær og er þetta í fyrsta sinn sem það gerist. Hann lék hringinn í gær á 74 höggum og var samtals á einu höggi yfir pari og hafnaði í 71.-88. sæti og var einu höggi frá því að komast áfram. Monty sigraði á Evrópumótaröðinni um síðustu helgi og var það fyrsti sigur hans í 19 mánuði.

Ragna í úrslit í Melbourne

Ragna Ingólfsdóttir, Íslandsmeistari í badminton, tryggði sér í morgun sæti í úrslitum á alþjóðlega Viktoríumótinu sem fram fram fer í Melbourne í Ástralíu. Ragna sigraði Kristinu Ludikovu í morgun í tveimur settum en mætir svo Larisu Griga frá Úkraínu í úrslitunum á morgun. Ragna er í 38. sæti á heimslistanum í einliðaleik kvenna.

Hamilton vonsvikinn að mæta ekki Schumacher

Breski nýliðinn Lewis Hamilton hefur viðurkennt að hann sé mjög vonsvikinn yfir hann muni aldrei fá tækifæri til að keppa við Michael Schumacher í formúlunni. Schumacher varð sjö sinnum heimsmeistari í íþróttinni, og sigraði 91 sinnum á 15 ára ferli. Schumacher hætti svo í fyrra, áður en Hamilton keppti í sinni fyrstu keppni.

City kaupir Svisslending fyrir metupphæð

Enska Úrvalsdeildarliðið Manchester City hefur landað hinum efnilega Gelson Fernandes, 20 ára svissneskum miðjumanni. City keypti leikmanninn frá Sion fyrir 3,8 miljónir punda sem er met í svissnesku deildinni.