Higgins úr leik á HM í snóker

John Higgins, sem varð heimsmeistari í snóker árið 1998, tapaði óvænt fyrir Shaun Murphy, 13-8 í annarri umferð heimsmeistaramótsins.

England fær ekki fimm sæti

Uefa mun ekki veita Englandi fimm sæti í Meistaradeild Evrópu að ári en enska knattspyrnusambandið hafið farið fram á fimm sæti ef Liverpool vinnur Meistaradeildina en mun ekki enda í einu af fjórum efstu sætunum í deildinni sem gefur keppnisrétt í Meistaradeild Evrópu að ári.

Arsenal leiðir í hálfleik

Arsenal leiðir gegn Tottenham í eina leik kvöldsins í ensku úrvaldsdeildinni með einu marki gegn engu. Það var Spánverjinn ungi, Jose Antonio Reyes sem gerði markið um miðjan hálfleikinn eftir mistök hjá varnarmanninum unga, Michael Dawson, sem spilaði Spánverjann réttstæðan.

Ekki áfram hjá Val

Akureyringurinn Heimir Örn Árnason er eftirsóttur með eindæmum þessa dagana enda með lausan samning við Val og óhætt að segja að fáir leikmenn, ef einhverjir, í hans gæðaflokki séu á lausu hér á landi.

Ekki hræddir við Chelsea

Carlo Ancelotti, knattspyrnustjóri AC Milan, vill að Mílanóborg hljóti uppreisn æru þegar hans menn mæta PSV Eindhoven í undanúrslitum Meistaradeildarinnar í kvöld, eftir ólætin sem settu blett á leik liðsins í síðustu umferð.

Guðjón á kunnar slóðir

Í kvöld verða háðir fyrstu tveir leikirnir í átta liða úrslitum deildabikarkeppni karla í knattspyrnu.

Töpum ekki heima fyrir Haukum

ÍBV og Haukar mætast í öðrum leik lokaúrslitanna í DHL-deild kvenna í handbolta í Vestmannaeyjum í kvöld.

Silja bætti árangur sinn

Silja Úlfarsdóttir, frjálsíþróttakona úr FH, bætti sinn besta árangur í 400 metra grindahlaupi á háskólameistaramóti í Flórída í Bandaríkjunum um helgina þegar hún hljóp á 56,62 sekúndum.

Sigrún í öðru sæti í Georgíu

Sigrún Fjeldsted úr FH keppti í spjótkasti á móti í Athens í Georgíu í Bandaríkjunum um helgina og hafnaði í öðru sæti þegar hún kastaði spjótinu 49,87 metra.

Arsenal sigraði Tottenham

Arsenal sigraði Tottenham í ensku úrvaldsdeildinni í knattspyrnu í kvöld með einu marki gegn engu. Það var Spánverjinn Jose Antonio Reyes sem skoraði sigurmarkið um miðjan fyrri hálfleik. Þessi úrslit þíða það að Chelsea þarf að bíða þar til á laugardag, í það minnsta, í að lyfta enska meistaratitlinum.

Guðmundur og Kristín unnu

Guðmundur Stephensen úr Víkingi og Kristín Á. Hjálmarsdóttir úr KR tryggðu sér um helgina stigameistaratitil vetrarins á Grand Prix mótaröðinni í borðtennis, þegar þau unnu bæði sigur á lokamótinu sem haldið var í TBR-húsinu.

Magnús Bess í öðru sæti

Hinn nýkrýndi Íslandsmeistari Magnús Bess Júlíusson hafnaði í öðru sæti á Norðurlandamótinu í vaxtarrækt sem haldið var í Helsinki í Finnlandi um helgina.

Þórir Ólafsson til Þýskalands

Handknattleiksmaðurinn Þórir Ólafsson mun leika sína síðustu leiki fyrir Hauka gegn ÍBV á næstu dögum því hann er búinn að skrifa undir tveggja ára samning við þýska félagið TuS N-Lubbecke.

Molar dagsins

Liðsmenn Philadelphia og San Antonio eru með það á hreinu hvað þeir þurfa að gera til að laga leik sinn fyrir leik tvö í einvígjum sinna liða og Cuttino Mobley, leikmaður Sacramento þurfti að opna budduna sína og greiða sekt eftir fíflalæti í leiknum við Seattle.

Detroit 1- Philadelphia 0

Meistarar Detroit Pistons voru lengi í gang gegn Philadelphia í fyrsta leik liðanna á laugardagskvöld, en eftir að hafa lent undir í fyrsta fjórðung, settu þeir í fluggírinn og unnu sannfærandi sigur, 106-85. Pistons leiða því 1-0 í einvíginu.

Dallas 0 - Houston 1

Aðdáendur NBA körfuboltans þurftu ekki að bíða lengi eftir fyrstu óvæntu úrslitunum í úrslitakeppninni þetta árið. Houston Rockets settu einvígi sitt við granna sína í Dallas upp í loft með góðum útisigri, 98-86 og hefur nú tryggt sér oddaleikinn í seríunni.

Boston 1 - Indiana 0

Lið Boston Celtics minnti hressilega á sig á laugardagskvöldið, þegar varamenn liðsins lögðu grunninn að stórsigri á Indiana Pacers í fyrsta leik liðanna. Indiana náði sér aldrei á strik í leiknum og Boston hafði 102-82 sigur, þrátt fyrir að Paul Pierce skoraði ekki körfu í leiknum fyrr en undir lok leiksins.

Silja önnur í 400 m grind

Silja Úlfarsdóttir, frjálsíþróttakona úr FH, varð í 2. sæti í 400 metra grindahlaupi á bandaríska háskólameistaramótinu í Tallahassie í Flórída í gær. Silja hljóp á 56,62 sekúndum og bætti met Clemson-háskóla um tvo hundraðshluta úr sekúndu en það met setti Nikkie Bouyer 1999. Silja varð einnig í 2. sæti í 400 metra grindinni í fyrra.

Seattle 1 - Sacramento 0

Menn sem bjuggust við skotsýningu í fyrstu viðureign Seattle og Sacramento á laugardagskvöld kunna að hafa orðið fyrir vonbrigðum, en það voru stóru strákarnir hjá Seattle sem skópu  87-82 sigur liðsins í fyrsta leiknum með frábærri frammistöðu í fráköstunum.

Ásthildur með tvö

Ásthildur Helgadóttir, fyrirliði íslenska landsliðsins í knattspyrnu, skoraði tvö mörk þegar lið hennar, Malmö, sigraði Mallbacken, lið Erlu Steinu Arnardóttur, með fimm mörkum gegn engu á útivelli í sænsku úrvalsdeildinni í gær.

KR og Breiðablik áfram

Í deildabikarkeppni kvenna í knattspyrnu sigraði KR ÍBV 7-2 í gær. Breiðablik vann Stjörnuna með fjórum mörkum gegn einu.

Logi með 7 í stórsigri

Logi Geirsson skoraði sjö mörk og var markahæstur ásamt Christian Schwartzer þegar Lemgo sigraði Post Schwerin með 38 mörkum gegn 22 í þýsku úrvalsdeildinni í handknattleik í gær. Á meðal áhorfenda á leiknum var 12 ára piltur, Birgir Valdimarsson, en Logi bauð honum og fjölskyldu hans til Þýskalands til þess að fylgjast með leiknum.

Pétur Glímukóngur Íslands

Pétur Eyþórsson í KR varð í gær Glímukóngur Íslands þegar hann sigraði í Íslandsglímunni. Pétur sigraði Ólaf Odd Sigurðsson HSK í síðustu umferðinni og fékk sex og hálfan vinning en Ólafur Oddur varð annar með sex vinninga.

Þróttarstúlkur bikarmeistarar

Þróttur Reykjavík varð í gær bikarmeistari í blaki kvenna eftir sigur á Þrótti Neskaupstað, 3-1.

Titillinn handan við hornið

Chelsea svo gott sem tryggði sér Englandsmeistaratitilinn í knattspyrnu í gær þegar liðið sigraði Fulham með þremur mörkum gegn einu. Eiður Guðjohnsen skoraði þriðja mark Chelsea en þetta var 11. mark hans í deildinni á leiktíðinni.

Kim fallinn af stallinum

Róbert Fannar Halldórsson varð í gær Íslandsmeistari í skvassi þegar hann sigraði Magnús Helgason 3-0 í úrslitum. Kim Magnús Nielsen, Íslandsmeistari í skvassi undanfarin 13 ár, beið lægri hlut fyrir Róberti í undanúrslitum.

JR sigraði í sveitakeppninni

Júdófélag Reykjavíkur sigraði í sveitakeppni á Íslandsmótinu í júdó í íþróttahúsi Hagaskólans í gær. Júdófélagið lagði KA að velli með fimm vinningum gegn tveimur.

Bayern með níu stiga forystu

Bayern Munchen náði í gær níu stiga forystu í þýsku úrvalsdeildinni í knattspyrnu þegar liðið sigraði Bochum, 3-1. Á sama tíma töpuðu helstu keppinautar þeirra í Schalke fyrir Herthu Berlín. Berlínarmenn unnu 4-1.

Real saxaði á Barcelona

Real Madrid sigraði Villareal með tveimur mörkum gegn einu í spænsku 1. deildinni í gærkvöldi og minnkaði forystu Barcelona í þrjú stig. Barcelona mætir Malaga á La Rosaleda vellinum í Malaga í dag. Leikurinn hefst klukkan 17 og verður sýndur beint á Sýn.

PSV meistari í 18. sinn

PSV Eindhoven varð í gær hollenskur meistari í knattspyrnu í 18. sinn eftir 3-0 sigur á Vitesse Arnhem. Fjórar umferðir eru eftir af deildarkeppninni en Ajax, sem er í öðru sæti, á ekki lengur möguleika á því að ná PSV.

Milan náði toppsætinu

AC Milan náði fyrsta sætinu í ítölsku úrvalsdeildinni í gærkvöldi með 3-0 sigri á Parma. Brasilíumennirnir Kaka og Cafu og Daninn John Dahl Tomasson skoruðu mörkin.

Scott sigraði á Johnny Walker

Ástralinn Adam Scott sigraði á Johnny Walker mótinu í golfi sem lauk í Kína í morgun. Scott lék á 18 höggum undir pari og varð þremur höggum á undan Suður-Afríkumanninum Retief Goosen. Þetta er níundi titillinn sem Scott vinnur.

Leikur kattarins að músinni

Færeysku meistararnir í HB voru engin fyrirstaða fyrir Íslandsmeistara FH í leiknum um Atlantic-bikarinn í gær. Hafnfirðingar sigruðu auðveldlega, 4-1.

Atli tekur við FH

Atli Hilmarsson, fyrrum þjálfari KA og þýska liðsins Friesenheim, mun þjálfa karlalið FH í DHL-deildinni í handbolta næstu þrjú árin. Þetta staðfesti Örn Magnússon, verðandi formaður handknattleiksdeildar FH, í samtali við Fréttablaðið í gær.

Friðrik Ingi til Grindavíkur

Friðrik Ingi Rúnarsson, sem tók sér eins árs hlé frá þjálfun á síðasta tímabili, mun stýra Grindavíkingum næstu þrjú árin.

Þriðji sigur Alonso í röð

Fernando Alonso hjá Renault og Michael Schumacher hjá Ferrari sönnuðu sig báðir á Imola-brautinni í gær þegar fjórða keppni formúlu tímabilsins fór fram.

Davíð fær ekki að spila

Knattspyrnumaðurinn Davíð Þór Viðarsson, sem er á mála hjá norska úrvalsdeildarliðinu Lilleström, fékk slæmar fréttir á fimmtudaginn. Forráðamenn Lilleström tjáðu honum þá að hann gæti ekki spilað með liðinu fyrr en 1. júlí þar sem hann er enn skráður í FH, félagið sem hann spilaði með á síðasta tímabili.

Hermann frá í 8-10 vikur

Landsliðsmaðurinn í knattspyrnu, Hermann Hreiðarsson, þarf að taka sér frí í 8-10 vikur eftir meiðsli sem hann hlaut í leik Charlton og Aston Villa á miðvikudag. Hermann meiddist á hné og ljóst er að hann tekur ekki þátt í lokaspretti Charlton í ensku úrvalsdeildinni og líklega spilar hann ekki með íslenska landsliðinu í undankeppni HM í júní.

Mourning gefur launin sín

Alonzo Mourning, miðherji Miami Heat í NBA deildinni, hefur ákveðið að gefa árslaun sín hjá félaginu til góðgerðamála. Þorri peninganna mun fara til nýrnaveikra barna, en Mourining er sjálfur nýrnaþegi.

Silja önnur í 400 m grindahlaupi

Silja Úlfarsdóttir, frjálsíþróttakona úr FH, varð í 2. sæti í undanrásum í 400 metra grindahlaupi á bandaríska háskólamótinu í frjálsum íþróttum í Tallahassie í Flórída í gærkvöldi. Silja hljóp á 58,26 sekúndum.

Coles og Quigley efstir

Þegar keppni er hálfnuð á Houston-mótinu í golfi hafa Ástralinn Gavin Coles og Bandaríkjamaðurinn Brett Quigley forystu, eru báðir á tíu höggum undir pari. Fjórir kylfingar eru jafnir á níu höggum undir pari.

Scott með forystu í Kína

Ástralinn Adam Scott hefur forystu á Johnny Walker mótinu í golfi í Kína. Scott hafði fjögurra högga forystu eftir 36 holur en í morgun jók hann forystuna í sex högg.

Íslandsmót í glímu og júdó

Íslandsglíman fer fram í Borgarleikhúsinu í dag og hefst keppni klukkan 13. Átta karlar keppa um Grettisbeltið og sæmdarheitið glímukóngur Íslands. Fimm konur keppa um Freyjumenið og sæmdarheitið glímudrottning Íslands. Íslandsmót fullorðinna í júdó fer fram í íþróttahúsi Hagaskólans.

Jefferson farinn að æfa með Nets

Framherjinn Richard Jefferson hjá New Jersey Nets, sem verið hefur frá keppni síðan fyrir áramót vegna meiðsla, mætti á sína fyrstu æfingu hjá liðinu í gær og stefnir á að vera með í úrlsitakeppninni.

O´Neal tæpur fyrir fyrsta leikinn

Shaquille O´Neal, miðherji Miami Heat hefur enn ekki geta æft með liði sínu  vegna meiðsla sem hann varð fyrir á dögunum og óvíst þykir um þáttöku hans í fyrsta leiknum við New Jersey á sunnudagskvöld.