Rice reynir að stöðva ofbeldisöldu

Condoleezza Rice, utanríkisráðherra Bandaríkjanna, er komin til Miðausturlanda, til að reyna að stöðva ofbeldisölduna sem þar hefur gengið yfir undanfarna daga.

Götu lokað í Lundúnum

Vopnaðir lögregluþjónar lokuðu fyrir stundu Harrow Road í Lundúnum. Þeir sögðu íbúum að halda sig innan dyra og einn íbúi telur sig hafa séð fjarstýrt sprengjuleitartæki.

Fjögurra enn leitað

Lögreglan í Bretlandi hefur staðfest að maðurinn sem hún skaut til bana á járnbrautarstöð í Lundúnum í morgun tengdist árásunum í gær. Hún leitar einnig fjögurra annarra manna sem tengjast árásinni.

Polanski vann meiðyrðamál

Kvikmyndaleikstjórinn Roman Polanski vann meiðyrðamál sem hann höfðaði gegn tímaritinu Vanity Fair. Málssóknina höfðaði hann vegna greinar sem Vanity Fair birti í júlí 2002. Þar greindi tímaritið frá því að á leiðinni í jarðarför eiginkonu sinnar, sem var myrt á hrottalegan hátt af Charles Manson árið 1969, hafi Polanski reynt að taka konu á löpp á veitingahúsi í New York.

Sprengjugrín á Kastrup

Rýma varð öryggiseftirlitssvæði Katstrup flugvallar fyrr í dag vegna spaugsemi flugfarþega. Maðurinn sem er 44 ára Dani skellti handfarangri sínum á færibandið og tilkynnti um leið að hann innihéldi sprengju.

Vopnahlé í hættu

Vopnahlé Ísraela og Palestínumanna er talið í mikilli hættu. Condoleezza Rice, utanríkisráðherra Bandaríkjanna, er enn komin til Miðausturlanda, til að reyna að miðla málum.Vopnahléið er forsenda brottflutning

Skjóta til að drepa

Ótti og spenna ríkir í Lundúnum, eftir að grunaður hryðjuverkamaður var skotinn til bana á lestarstöð í dag. Einn maður hefur verið handtekinn og birtar hafa verið myndir af fjórum öðrum mönnum sem grunaðir eru um sprengjutilræðin í borginni í gær. Lögreglan hefur skipanir um að skjóta til að drepa ef talið er að menn séu með sprengiefni á sér.

Föðurlandslögin framlengd

Bandaríkjaþing hefur samþykkt, með miklum meirihluta, að framlengja Föðurlandslögin svokölluðu, sem gefa lögreglunni rýmri starfsheimildir í baráttunni við hryðjuverkamenn.

Lögregla skýtur grunaðan mann

Lögregla í Lundúnum handtók í gærkvöld mann í Stockwell í suðurhluta borgarinnar í tengslum við rannsóknina á hinum misheppnuðu sprengjutilræðum á fimmtudag. Óljóst var af fyrstu fréttum af handtökunni hvort hún tengdist atviki sem varð á Stockwell-jarðlestarstöðinni í gærmorgun, en þá skaut lögregla þar mann til bana sem hagaði sér grunsamlega.

Vill Bush færa réttinn til hægri?

Öllum að óvörum tilnefndi Bush Bandaríkjaforseti íhaldssaman, hvítan karl í embætti dómara við Hæstarétt Bandaríkjanna í gær. Talið er að með þessu vilji hann hnika réttinum til hægri en sumir íhaldsmenn efast um að sá útvaldi sé jafnmikill íhaldsmaður og hermt er.

Sjö verið handteknir í Pakistan

Lögreglan í Pakistan hefur handtekið sjö menn sem taldir eru tengjast hryðjuverkunum á London á einn eða annan hátt. Einn mannanna, sem handtekinn var í gær, er talinn hafa rætt við einn árásarmannanna aðeins fáeinum klukkutímum fyrir árásirnar.

Geta ekki séð um öryggi landsins

Írakskar öryggissveitir eru engan vegin í stakk búnar til að sjá sjálfar um öryggi landsins. Þetta kemur fram í nýrri leyniskýrslu frá Pentagon sem dagblaðið <em>New York Times</em> greinir frá í dag.

Fimm féllu í sjálfsmorðsárás

Fimm írakskir hermenn féllu í sjálfsmorðsárás suður af Bagdad í morgun. Maður ók bíl upp að eftirlitssveit hermannanna og sprengdi sig í loft upp. Árásin var gerð á svæði sem kallað hefur verið „þríhyrningur dauðans“ undanfarið. Ellefu særðust í árásinni, þeirra á meðal lítið barn.

Mótmælaganga stöðvuð á Gaza

Tuttugu þúsund lögreglumenn og hermenn stöðvuðu í nótt mótmælagöngu við Gaza-svæðið. Sex þúsund manns tóku þátt í göngunni sem er ætlað að tefja brottfluttning Ísraela frá svæðinu.

Hjónabönd samkynhneigðra lögleidd

Kanada varð í gærkvöldi fjórða landið í heiminum til að lögleiða hjónabönd samkynhneigðra. Öldungadeild kanadíska þingsins samþykkti þetta á þriðjudagskvöldið og í gærkvöldi skrifaði svo forseti hæstaréttar landsins undir lögin.

2 létust í sprengingu í Danmörku

Karlmaður og barn týndu lífi og fjórir slösuðust, þar af einn alvarlega, þegar kraftmikil sprenging varð í húsi í Óðinsvéum í morgun. Sprengingin var svo mikil að þakið lyftist af og þaksteinar flugu í allar áttir.

Brotthvarfinu hugsanlega flýtt

Hugsanlegt er að brotthvarfi Ísraelsmanna frá hernumdum svæðum Palestínumanna frá Gaza-ströndinni verði flýtt. Þetta segir Ehud Olmert, varaforsætisráðherra Ísraels.

Rice öskuill út í Súdana

Condoleezza Rice, utanríkisráðherra Bandaríkjanna, er öskuill og krefst þess að stjórnvöld í Súdan biðjist afsökunar. Ástæðan er sú að súdanskir embættismenn tóku harkalega á bandarískum blaðamönnum og embættismönnum á fundi í Khartoum í gær.

Lestarstöðvar í Lundúnum rýmdar

Neðanjarðarlestarstöð í Lundúnum var rýmd rétt í þessu og má sjá reyk leggja frá lest, samkvæmt upplýsingum frá slökkviliðinu í borginni. SKY greinir nú frá því að röð atvika hafi átt sér stað í borginni á síðustu mínútum en ekki er ljóst hvað gerðist. 

Sprenging í bakpoka

Götum í nánd við Warren Street neðanjarðarlestarstöðina í London hefur verið lokað og lögregla segir fólki að yfirgefa svæðið. Sömu sögu er að segja í nánd við Oval-stöðina og þar hafa byggingar í grennd einnig verið rýmdar. Sjónarvottur greinir frá því að sprenging hafi orðið í bakpoka hjá manni í einum neðanjarðarlestarvagninum en hún er sögð hafa orðið minniháttar.

Engar fréttir af mannskaða

Naglasprengja er sögð hafa sprungið á Warren Street lestarstöðinni í London. Þá greinir Sky frá því að sprenging hafa orðið í stætisvagni í Hackney og að skothríð hafi heyrst. Engar fréttir hafa borist af látnum eða slösuðum.

Tilraun til sjálfsmorðsárása?

Naglasprengja var sprengd við eða í neðanjarðarlest við Warren Street lestarstöðina í London, samkvæmt óstaðfestum fregnum. Nú hafa borist fregnir af einhvers konar atvikum í almenningssamgöngum í borginni og segja fréttamenn Sky-fréttastöðvarinnar að ýmislegt bendi til þess að reynt hafi verið að gera fjórar sjálfsmorðsárásir. Ferðir þriggja leiða neðanjarðarlesta hafa verið stöðvaðar.

Einn staðfestur slasaður

Enn hefur aðeins verið staðfest að einn sé slasaður eftir „atvikin“, eins og það hefur verið nefnt, í London. Sá var staddur á Warren Street lestarstöðinni. Ekki er ljóst hversu alvarleg meiðslin kunna að vera.

Blair ávarpar bresku þjóðina

Tony Blair, forsætisráðherra Bretlands, mun ávarpa bresku þjóðina klukkan fimmtán mínútur yfir tvö að íslenskum tíma vegna atburðanna í London í dag, að sögn Sky-fréttastöðvarinnar. Staðfest hefur verið að fjórar sprengjuárásir, eða tilraun til árása, hafi verið gerðar víðs vegar um borgina um hádegisbilið, nokkru minni en þær gerðar voru fyrir tveimur vikum.

Vísbendingar um hermikrákuárásir

Fjórar hryðjuverkaárásir eða tilraunir til árása voru gerðar í Lundúnum um hádegisbilið í dag og fyrir nokkrum mínútum girtu lögreglumenn University College sjúkrahúsið af. Ýmislegt bendir til þess að hermikrákur hafi verið á ferð.

2600 íbúðarhús eyðilögð í Kína

Hvirfilbylurinn Haitang hefur eyðilagt 2600 íbúðarhús í austurhluta Kína undanfarna daga. Meira en 300 þúsund manns hafast nú við í neyðarskýlum á svæðinu og gefnar hafa verið út viðvaranir um aurskriður og flóð í dag og á morgun.

Miklar tafir á lestarkerfinu

Lilja Valdimarsdóttir millilenti í London í morgun og náði fréttastofan tali af henni þar sem hún var stödd við Paddington-stöðina. Hún segir miklar tafir hafa verið á lestarkerfinu vegna lokunar á nokkrum leiðum. Hryðjuverkaárasir voru gerðar á þrjár lestir og strætisvagn í London í dag, hálfum mánuði eftir að fimmtíu og sex voru drepnir í árásum í borginni.

Aðeins til að hræða

Tony Blair, forsætisráðherra Bretlands, sagði á blaðamannafundi sem hann hélt í dag að árásirnar hefðu verið gerðar til að hræða fólk. Hann sagði mikilvægt að Lundúnarbúar héldu ró sinni.

Grunur um sjálfsmorð

Karlmaður á fertugsaldri og barnungur sonur hans létu lífið þegar sprengja sprakk í íbúðarhúsi í Óðinsvéum í morgun. Kona mannsins er einnig lífshættulega slösuð en lögregla telur að faðirinn hafi framið sjálfsmorð með þessum skelfilega hætti.

Feðgar létust í sprengingu

Tveir eru látnir eftir að sprengja sprakk í húsi í Óðinsvéum í Danmörku. Svo virðist sem maður hafi stytt sér aldur og banað syni sínum um leið.

Krabbameinslyf gefur góðar vonir

Vonir lækna um að lyfið Herceptin vinni vel á brjóstakrabbameini á fyrstu stigum sjúkdómsins eru svo miklar að heilbrigðisráðherra Breta vill að veitingu leyfis til notkunar þess verði hraðað.

Brottflutningi flýtt

Mótmæli gyðinga við brottflutning landnema frá Gaza-ströndinni virðast ætla að hafa þveröfug áhrif en ætlað var því í gær lét aðstoðarforsætisráðherra Ísraels þá skoðun sína í ljós að hraða bæri brottflutningnum þeirra vegna.

Enn er diplómötum rænt

Tveimur alsírskum sendiráðstarfsmönnum í Írak var rænt í Bagdad í gær. Í það minnsta 15 manns létust í árásum gærdagsins.

Kemst ekki í íbúðina sína

"Ég er eiginlega stressaðri núna heldur en fyrir tveimur vikum því þá vissi ég ekkert hvað var að gerast. Nú fór ég hins vegar strax að hugsa um um 7. júlí," segir Ragnhildur Bjarnadóttir, íbúi í Lundúnum.

Grafin lifandi

Eldri hjón sem fundust látin í grunnri gröf á laugardaginn virðast hafa verið grafin lifandi. Lögregla í Flórída staðfesti þetta í gær.

Árásirnar eiga að skelfa fólk

Tony Blair sagðist eftir sprengingarnar í gær vonast til að lífið í Lundúnum kæmist fljótlega í samt lag á ný. Lögregla handtók mann í námunda við Downing-stræti 10, rétt fyrir blaðamannafund Blair.

Ekkert mannfall í árásunum

Hryðjuverkamönnum tókst að gera árásir á þrjár lestir og strætisvagn í Lundúnum í dag, réttum hálfum mánuði eftir að fimmtíu og sex voru drepnir í árásum í borginni. Ekkert mannfall varð hins vegar í dag en atburðirnir sýna að hvorki öryggisgæsla né eftirlit getur með öllu komið í veg fyrir hryðjuverk.

Pakistanar stöðvi öfgamenn

Pervez Musharraf, hershöfðingi og forseti Pakistans, skoraði á landa sína í gær að setja trúarofstopamönnum í landinu stólinn fyrir dyrnar. Ennfremur sögðu talsmenn Pakistanstjórnar í gær að leit stæði yfir að aðstoðarmanni herskás múslimaklerks sem bjó í Bretlandi, í tengslum við rannsókn sprengjutilræðanna í Lundúnum þann 7. júlí síðastliðinn.

Þýskalandsforseti fellst á þingrof

Horst Köhler, forseti Þýskalands, sagði í sjónvarpsávarpi í gærkvöld að hann hefði ákveðið að fallast á að þing skuli rofið eftir að ríkisstjórn Gerhards Schröders tapaði vísvitandi atkvæðagreiðslu um vantraust. Þar með er orðið ljóst að þingkosningum verður flýtt og þær haldnar 18. september næstkomandi.

Sprengingar skelfa Lundúnabúa

Sprengingar urðu í jarðlestum og strætisvagni í Lundúnum um hádegisbil í gær, en þær voru mun minni en þær sem bönuðu 56 manns fyrir hálfum mánuði. Aðeins einn maður særðist í sprengingunum í gær, að því er fregnir hermdu. Lögreglan sagði mikið af sönnunargögnum hafa fundist sem líkleg væru til að vísa henni á þá sem að tilræðunum stóðu.

Handtekinn vegna Londonárásanna

Pakistanskar öryggissveitir handtóku í morgun breskan múslima sem talinn er tengjast hryðjuverkaárásunum á London. Þetta hefur Reuters-fréttastofan eftir heimildarmönnum innan öryggissveitanna en yfirvöld í Pakistan hafa ekki enn staðfest að þetta sé rétt.

Þúsundir reyna að komast inn

Til mikilla átaka hefur komið milli lögreglu og mótmælenda við Gaza-svæðið þar sem þúsundir manna ætla að freista þess að fara inn á svæðið sem ríkisstjórn Ísraels ætlar að rýma í ágúst. Tjaldbúðir mótmælendanna voru girtar af seint í gærkvöld og slagsmál brutust út.

Sjálfsmorðsárás á Indlandi

Sex manns féllu og sextán særðust í sjálfsmorðsárás í Kasmír á Indlandi í morgun. Árásarmaðurinn keyrði bíl sínum utan í herjeppa og sprengdi sig svo í loft upp með fyrrgreindum afleiðingum.

Súnnítar draga sig út úr viðræðum

Margir súnnítar sem koma að myndun nýrrar stjórnarskrár í Írak hafa dregið sig út úr viðræðunum í kjölfar þess að tveir úr samninganefndinni voru myrtir í gær. Einn súnnítanna í nefndinni segir ástandið í Írak núna vera þannig að engin leið sé að koma nokkru í verk.

20 þúsund flýja Emily

Um tuttugu þúsund manns hafa yfirgefið heimili sín við landamæri Mexíkó og Texas þar sem fellibylurinn Emily lendir væntanlega síðar í dag. Frá því í gærkvöldi hefur bylurinn stigmagnast og í nótt var hraði hans tæplega sextíu metrar á sekúndu.