Tóku ástina fram yfir munkslífið

Tveir búddamunkar sneru baki við skírlífsheiti sínu eftir að þeir urðu ástfangnir af unglingsstúlkum sem hafa þann starfa að selja bjór nærri musteri munkanna. Nang Pong og Vom Vong, sem báðir eru nítján ára, yfirgáfu musterið og gáfu munkslífernið upp á bátinn eftir að æðsti munkurinn í musteri þeirra sakaði þá um að eiga í ástarsambandi við stúlkurnar. Áður hafði stúlkunum verið fyrirskipað að láta munkana tvo í friði svo þeir stæðu við heit sín. Í Kambódíu eru 60 þúsund munkar.