Uppsagnir hjá Orkuveitunni - boðað til blaðamannafundar

Orkuveita Reykjavíkur hefur boðað til blaðamannafundar klukkan fjögur í dag. Samkvæmt heimildum fréttastofu er ástæðan uppsagnir innan fyrirtækisins. Þá herma heimildir ennfremur að á annan tug starfsmanna verið sagt upp vegna aðhaldsaðgerða fyrirtækisins.

Ætlar að kæra meint harðræði lögreglunnar og neitar að fara í meðferð

Maðurinn sem heldur því fram að hafa verið beittur harðræði í varðhaldi lögreglunnar á dögunum ætlar að kæra meðferð lögreglunnar til ríkissaksóknara. Þetta kom fram í viðtali sem tekið var við hann í Harmageddon á útvarpstöðinni X-inu í gær.

Óttast átök í undirheimum eftir íkveikjutilraun

Lögregla óttast að einhverskonar átök séu í aðsigi í undirheimunum eftir að reynt var að kveikja í íbúðarhúsi tveggja manna í Hafnarfirði í gær, en þeir tengjast vélhjólasamtökunum Outlaws.

Ræninginn á Akureyri var orðinn staurblankur þegar hann náðist

Tæplega tvítugur piltur sem játaði við yfirheyrslur hjá lögreglunni á Akureyri i gærkvöldi að hafa rænt rúmlega hálfri milljón króna úr afgreiðslukassa í Fjölumboðinu á Akureyri á fimmtudaginn var, var orðinn staur blankur þegar hann var handtekinn aðfararnótt laugardags.

Meirihluti nefndarinnar vill vísa ályktun Bjarna frá

Stjórnskipunar- og eftirlitsnefnd Alþingis hefur agreitt þingsályktun um afturköllun málshöfðunar á hendur Gei Haarde. Meirihluti nefndarinnar leggur til að ályktuninni sem lögð var fram af Bjarna Benediktssyni, formanni Sjálfstæðisflokksins, verði vísað frá. Þetta staðfestir Valgerður Bjarnadóttir formaður nefndarinnar og þingkona Samfylkingarinanr í samtali við fréttastofu. Nefndin kom saman til fundar í morgun klukkan níu.

Aldrei hærra hlutfall kennara með réttindi

Hlutfall kennara með kennsluréttindi hefur aldrei mælst hærra hér á landi. Þetta kemur fram í nýjum mælingum Hafstofunnar en samkvæmt þeim voru rúm níutíu og fimm prósent kennara með kennsluréttindi.

Neitar alfarið að hafa eignast barn: "Ég reyni bara að vera"

"Mér finnst enn þá mjög erfitt að skilja hvað gerðist," sagði Agné Krataviciuté þegar hún bar vitni í Héraðsdómi Reykjavíkur þar sem réttað er yfir henni fyrir að hafa orðið barni sínu að bana síðasta sumar.

Engin ákvörðun verið tekin um tillögu Bjarna - fundi frestað

Fundi sem hófst í Stjórnskipunar- og eftirlitsnefnd Alþingis, þar sem fjallað er um þingsályktun um að vísa Landsdómsmálinu frá, hefur verið frestað til klukkan ellefu. Þetta staðfestir Valgerður Bjarnadóttir í samtali við fréttastofu. Hún segir enga ákvörðun hafa verið tekna af meirihluta nefndarinnar en DV greinir frá því að meirihlutinn hafi lagt til að tillögunni, sem lögð var fram af Bjarna Benediktssyni, yrði vísað frá.

Aðalmeðferð í Straumsvíkurmálinu - játar innflutning á sterum

Aðalmeðferð hófst í morgun í Straumsvíkurmálinu svokallaða en þar eru sex einstaklingar ákærðir fyrir viðamikil fíkniefnabrot. Á meðal þeirra ákærðu eru mennirnir tveir sem taldir eru hafa lagt á ráðin um að smygla stórfelldu magni af fíkniefnum um borð í skipi sem kom frá Rotterdam til Straumsvíkur. Annar maðurinn hefur setið í gæsluvarðhaldi síðan en hinn hefur hafið afplánun vegna annars máls.

Aðalmeðferð hafin í Hótel Frón málinu

Aðalmeðferð í máli Agné Krataviciuté hófst í Héraðsdómi Reykjavíkur fyrir stundu. Agné hefur verið ákærð fyrir manndráp, með því að hafa veitt nýfæddum syni sínum tvo skurðáverka á andlit með bitvopni og banað honum síðan með því að þrengja að hálsi hans uns hann lést af völdum kyrkingar.

Vilja brenna sorp í Helguvík

Bandaríska sorpeyðingarfyrirtækið Triumvirate Environmental hefur lagt fram kauptilboð í sorpeyðingarstöðina Kölku á Suðurnesjum. Samkvæmt heimildum Fréttablaðsins hljóðar tilboðið upp á 10 milljónir dala, um 1,25 milljarða króna. Kalka er í eigu sveitarfélaga á Suðurnesjum og hefur átt við mikla fjárhagserfiðleika að stríða á undanförnum árum. Gangi kaupin eftir áformar Triumvirate að flytja úrgang frá Norður-Ameríku til Íslands og brenna í sorpeyðingarstöðunni, sem er staðsett í Helguvík.

Oddný segir ákvarðanir ÁTVR í anda laganna

"Ég hef ekki séð allar umbúðirnar sem hafnað hefur verið en túlkunin varðandi þær sem ég hef séð finnst mér vera í samræmi við anda laganna og reglugerðina sem gefin var út í kjölfarið."

Góð loðnuveiði í gær

Góð loðnuveiði var vestur af Sandgerði síðdegis í gær og fram á kvöld, eftir að veður gekk heldur niður. Mörg skip fengu fullfermi og eru nú á leið til löndunar og eru fá skip á miðunum.

Kannabis í austurborginni

Lögreglan stöðvaði kannabisræktun í þríbýlishúsi í austurborginni í gærkvöldi. Þar voru um það bil 30 kannabisplöntur á byrjunarstigi ræktunar og var eigandinn á staðnum þegar lögreglu bar að. Skýrsla var tekin af honum og telst málið upplýst, en lögreglan lagði hald á plönturnar og búnað til rækturnar.

Kona ógnaði mönnum með hnífi í Laugardal

Ölvuð kona tók upp á því að ógna ungum mönnum með hnífi í grennd við sundlaugarnar í Laugardal á ellefta tímanum í gærkvöldi. Kallað var á lögreglu sem handtók hana og sakaði engan. Hnífurinn var vasahnífur, en ekki liggur fyrir hvað konunni gekk til. Hún var vistuð í fangageymslum.

Prófessor stefnir alþingismanni

Ragnar Árnason, hagfræðiprófessor við Háskóla Íslands, hefur stefnt Þór Saari, þingmanni Hreyfingarinnar, fyrir dóm vegna meiðyrða. Ragnar krefur Þór um hálfa milljón króna í miskabætur.

Lífeyrissjóðir ósáttir við innleysingu skatts

„Það er fljótsagt, þetta fellur í mjög grýttan farveg á meðal lífeyrissjóðanna,“ segir Þórey S. Þórðardóttir, framkvæmdastjóri Landssamtaka lífeyrissjóða, um hugmyndir Helga Hjörvar, formanns efnahags- og viðskiptanefndar Alþingis, um aðkomu sjóðanna að niðurfærslu verðtryggðra lána.

Fátækum börnum fjölgar til muna

Hundruð milljóna barna í borgum um víða veröld hafa ekki aðgang að hreinu vatni, heilsugæslu, salernum eða annarri grunnþjónustu. Allra fátækustu börnin búa oft á stórhættulegum svæðum, við skelfilegar aðstæður á sorphaugum eða við hlið lestarteina. Þetta er meðal þess sem kemur fram í nýrri skýrslu UNICEF, Barnahjálpar Sameinuðu þjóðanna, sem kemur út í dag.

Sprengjumaður í gæsluvarðhald

Tæplega þrítugur karlmaður á Suðurnesjum hefur verið úrskurðaður í gæsluvarðhald eftir að á heimili hans fannst rörasprengja og efni til sprengjugerðar. Maðurinn ógnaði sérsveitarmönnum með hnífi þegar þeir handsömuðu hann.

Dagsektir vegna ókláraðs turns

Bæjaryfirvöld í Kópavogi ætla ekki að beita mannvirkjalögum til að annað tveggja láta rífa Norðurturninn við Smáralind eða ljúka við bygginguna. Fram hefur komið í Fréttablaðinu að Eignarhaldsfélagið Smáralind ehf. telur það valda því fjárhagstjóni að Norðurturninn sé ókláraður utan í verslunarmiðstöðinni. Eigandi Norðurturnsins er gjaldþrota. Í umsögn skrifstofustjóra umhverfissviðs Kópavogs til bæjarráðs er vitnað til þess að Helgi Birgison skiptastjóri segi viðræður í gangi um framtíð byggingarinnar.

158 manns í farbanni hér síðan árið 2007

Alls hafa 158 einstaklingar verið úrskurðaðir í farbann hér á landi síðan árið 2007. Af þeim voru 59 árið 2008 og nú eru 10 manns undir eftirliti hjá flugstöðvardeild lögreglunnar á Suðurnesjum: níu karlar og ein kona. Sakborningarnir sem nú er fylgst með eru frá Litháen, Póllandi, Íslandi og Palestínu.

Sofandi í reykjarkófi

Lögregla á Selfossi var kölluð að íbúðarhúsnæði þar í bæ nú undir kvöld. Talsverðan reyk lagði frá íbúðinni. Lögreglumaður fór inn og þar reyndist vera maður sofandi í reykjarkófinu. Maðurinn var vakinn og honum hjálpað út úr húsinu. Ekki reyndist hafa verið eldur í húsinu heldur virðist hafa brunnið við í pottum á eldavél og olli það reyknum.

Ómögulegt að gera tilkall til Óskarsverðlauna

"Sorrý Ólafur, Jean Dujardin fékk Óskarinn fyrir besta leikinn og Woody Allen fyrir besta handritið. Þú getur hætt að reyna," segir Pawel Bartoszek, stærðfræðingur og stjórnlagaráðsfulltrúi, um málflutning Ólafs Ragnars Grímssonar, forseta Íslands, á Bessastöðum í dag.

Ólafur Ragnar: Enginn fjárhagslegur ávinningur af því að halda áfram

Ólafur Ragnar Grímsson, forseti Íslands, segist engan persónulegan, fjárhagslegan ávinning hafa af því að halda áfram sem forseti. Hann hafi verið einlægur þegar hann sagði í nýársávarpi sínu að hann hygðist láta af embætti forseta eftir þetta kjörtímabil.

Kannað hvort borpöllum verði betur þjónað frá Íslandi

Breskt-norskt olíuleitarfélag hefur óskað eftir að norsk stjórnvöld meti hvort hentugra sé að þjónusta olíuborpalla á norska hluta Jan Mayen-svæðisins frá Íslandi eða Jan Mayen. Þrjú ár eru frá því íslensk stjórnvöld buðu fyrst fram Drekasvæðið til olíuvinnslu og fyrir rúmu ári hófu norsk stjórnvöld matsferli með það að markmiði að opna á olíuvinnslu sín megin á Jan Mayen-hryggnum.

Eldur borinn að húsi í Hafnarfirði

Eldur var borinn að húsvegg á Hverfisgötu í Hafnarfirði nú síðdegis. Slökkviliðsmenn voru strax sendir á staðinn þegar tilkynnt var um eldinn, en þegar þeir voru komnir á staðinn höfðu íbúar í nágrenninu strax brugðist við og slökkt eldinn. Nokkur eldur hafði blossað upp. Hann barst ekki inn í kjallaraíbúð hússins, en skemmdir eru á húsinu að utan. Samkvæmt upplýsingum frá slökkviliðinu virðist sem olía hafi verið borin að húsinu áður en kveikt var í. Þá eru upplýsingar um að Ouitlaws merki hafi verið skrifað á rúðu í einum glugganum á íbúðinni. Þá var slökkviliðið kallað að Laugardalslaug í dag. Heitur pottur hafði lekið í rými sem er undir heita pottinum, þar sem er líkamsræktaraðstaða. Vatnsmagnið sem lak var töluvert og því þurft aðstoð slökkviliðsins við að hreinsa það upp.

Ólafur ætlar að ákveða sig í lok vikunnar eða byrjun næstu

Ólafur Ragnar Grímsson, forseti Íslands, segist þurfa að gera það endanlega upp við sig fljótlega, síðar í þessari viku eða í byrjun næstu viku hvort hann haldi sig við þá ákvörðun sem hann hafi tekið um að láta af embætti forseta eða hvort hann svari því kalli sem birtist í þeim áskorunum sem honum voru birtar í dag. Þetta sagði Ólafur á blaðamannafundi á Bessastöðum í dag.

Geir Jón segist ekki vanur að skrökva

"Ég var nú bara að svara spurningu sem að mér var beint. Ég er nú vanur því að skrökva ekki og ég svara því sem að mér er rétt," segir Geir Jón Þórisson, yfirlögregluþjónn hjá lögreglunni á höfuðborgarsvæðinu. Ummæli hans um að einstakir þingmenn hafi verið í sambandi við mótmælendur í Búsáhaldabyltingunni sem varð aðdragandi þess að ríkisstjórn Sjálfstæðisflokksins og Samfylkingarinnar lagði upp laupana hafa verið harðlega gagnrýnd. Meðal annars hefur Steingrímur J. Sigfússon, formaður VG, og Álfheiður Ingadóttir, þingmaður flokksins, gagnrýnt þau.

Enn óljóst um fyrirætlanir Ólafs

Ólafur Ragnar Grímsson forseti Íslands hefur tekið við undirskriftum rúmlega 30 þúsund manna þar sem hann er hvattur til að bjóða sig fram að nýju. Guðni Ágústsson fór fyrir hópnum og hélt tölu þar sem hann hvatti Ólaf Ragnar til þess að gefa kost á sér áfram. Ólafur Ragnar þakkaði hlý orð í sinn garð en sagði að hann hefði greint frá fyrirætlunum sínum í nýársávarpi þann 1. janúar. Sagðist hann telja að hann hefði greint frá fyrirætlunum sínum þá eins skýrt og hægt hafi verið. Að þessu sögðu tilkynnti Ólafur að hann ætlaði að fara á nýjan leik í gegnum þessa ákvörðun sína. Hann bauð forsvarsmönnum söfnunarinnar í kaffi og ætlar að ræða við fjölmiðla að þeim fundi loknum. Það er því enn óljóst hvað forsetinn ætlar sér að gera, en skýrist mögulega eftir nokkrar mínútur.

Fjörutíu mæður gefa brjóst á Café París - meinlegur misskilningur

Rúmlega fjörutíu mæður ætla að hittast á kaffihúsinu Café París í miðborg Reykjavíkur á fimmtudaginn og gefa börnum sínum brjóst. Um er að ræða mótmæli vegna pistils sem Hrafnhildur A. Björnsdóttir ritaði á heimasíðuna Spegll.is en þar lýsti hún því þegar vinkonu hennar var meinað að gefa barni sínu brjóst á veitingastað í Reykjavík.

Sigurður Brynjar fundinn

Sigurður Brynjar Jensson, piltur á sextánda ári sem lögreglan lýsti eftir í dag, er fundinn. Sigurður er úr Grindavík en hafði dvalið á Háholti í Skagafirði um skeið.

Steingrímur segir Geir Jón fara með dylgjur

Steingrímur J. Sigfússon, formaður VG, kallaði ásakanir Geirs Jóns Þórissonar, yfirlögregluþjóns lögreglunnar á höfuðborgarsvæðinu, dylgjur á þingi í dag. Þar svaraði hann fyrirspurn Gunnars Braga Sveinssonar, þingmanns Framsóknarflokksins, um það hvort það væri ekki tilefni til þess að hefja rannsókn á þeim ásökunum Geirs Jóns um að einstakir þingmenn hefðu stýrt mótmælendum gegn lögreglu í búsáhaldabyltingunni í janúar 2009.

Höfðabakki opnaður að nýju

Þriggja bíla árekstur varð á Höfðabakka við Elliðaárbrúnna nú á fjórða tímanum. Gatan var lokuð um tíma. Að sögn vaktstjóra hjá slökkviliðinu var tækjabíll sendur á vettvang því ekki var hægt að opna einn bílinn sem í árekstrinum lenti. Ökumaður þess bíls var fluttur á slysadeild en meiðsli hans munu ekki vera mjög alvarleg.

Fundu sprengjumann á Facebook - ógnaði sérsveit með hníf

Rétt tæplega þrítugur karlmaður var handtekinn um miðnætti, en á heimili hans fannst rörasprengja, kindabyssa og efni til sprengjugerðar. Sérsveit ríkislögreglustjórans yfirbugaði manninn eftir að hann ógnaði þeim með hníf.

Miðaldra kona trylltist á slysadeild

Kona á miðjum aldri, trylltist á slysadeild Landspítalans í nótt og hótaði starfsfólki og lögreglu með skærum, sem hún hrifsaði úr vasa starfsmanns.

Þjóðin sjálf finnur sér forsetaefni

Ólafur Ragnar segir að það sé þjóðin sjálf sem finni sér forsetaefni, í samræðum inni á heimilum, á vinnustöðum og heima í héruðum. Það væri ekki hlutverk fjölmiðlanna að finna forsetaframbjóðandann heldur fólksins. Það eru engin dæmi um þess að frambjóðandi lýsi yfir áhuga á framboði og fari svo og leiti sér stuðnings. Það gerist ekki þannig," sagði forsetinn.

Fimm hundar útskrifuðust úr lögregluskólanum í dag

Fimm hundar útskrifuðust úr lögregluskólanum í dag, þar af þrír fíkniefnaleitarhundar frá lögreglu, einn frá Fangelsismálastofnun og þá útskrifaðist sprengjuleitarhundur hjá sérsveit ríkislögreglustjóra.

Tengivagn fullur af diselolíu valt í Borgarhreppi

Tengivagn, fullur af díselolíu, valt skammt frá bænum Beigalda í Borgarhreppi, á þjóðvegi eitt nokkra kílómetra norðan við Borgarnes um ellefuleytið í morgun. Á vef Skessuhorns segir að bílstjóra olíuflutningabílsins sakaði ekki þar sem bíllinn hélst á veginum.

Lýst eftir Sigurði Brynjari

Lögreglan á Suðurnesjum lýsir eftir Sigurði Brynjari Jenssyni. Sigurður Brynjar sem er fæddur árið 1996 og er búsettur í Grindavík. Sigurður er þrekvaxinn og um 180 sm. að hæð.

Heldur áfram að taka saman gögn og upplýsingar um búsáhaldabyltinguna

"Hann er bara að taka saman gögn og upplýsingar,“ svaraði Stefán Eiríksson, lögreglustjóri á höfuðborgarsvæðinu, spurður um skýrslu Geirs Jóns Þórissonar, yfirlögregluþjóns, sem lét þau umdeildu ummæli falla í þættinum Sprengisandi á Bylgjunni í gær, að hann hefði það á tilfinningunni að búsáhaldabyltingunni í janúar árið 2009, hafi verið stýrt af þingmönnum sem sátu inni á Alþingi á þeim tíma.

Síminn biðst afsökunar

Símanum þykir leitt að þau mistök urðu að upphaflegu erindi frá kvartanda, sem barst haustið 2008, var ekki svarað fyrr en ári síðar þegar lögmaður kvartanda ítrekaði erindið. Síminn hefur beðist afsökunar á því í svörum sínum til Póst- og fjarskiptastofnunar, en einkum til kvartanda sem hefur fyrir vikið þurft að bíða mun lengur en eðlilegt er eftir niðurstöðu í málinu.

Gróðurhúsalömpum og gasgrilli stolið

Brotist var inn í gróðurhús í Laugarási aðfaranótt síðastliðins fimmtudags og þaðan stolið sex gróðurhúsalömpum samkvæmt tilkynningu frá lögreglunni á Selfossi. Maður sem var þar á ferð um kl. 03:30 sá til tveggja einstaklinga sem voru á ferð í bifreið við gróðurhúsið. Fljótlega eftir að innbrotið uppgötvaðist féll grunur á konu og karl.

Austurríska leiðin nýtt einu sinni - 174 dvöldu hjá Kvennaathvarfinu

Árið 2011 var, eins og undanfarin ár, annríkisár í Kvennaathvarfinu. Þar dvöldu samtals 174 gestir, konur og börn sem ekki gátu búið heima hjá sér vegna ofbeldis að því er fram kemur í tilkynningu frá Kvennaathvarfinu.

Ólafur fær undirskriftirnar afhentar og boðar til blaðamannafundar

Ólafur Ragnar Grímsson forseti fær klukkan rúmlega fjögur í dag afhentan undirskriftalista þar sem hann er hvattur til þess að gefa kost á sér til endurkjörs. Hópur fólks stóð að söfnun undirskriftanna og áður en yfir lauk höfðu um 31 þúsund manns skorað á forsetann. Á meðal þeirra sem stóðu fyrir söfnuninni voru Baldur Óskarsson, Guðni Ágústsson og Ragnar Arndalds.

Harpa vinnur til verðlauna

Harpa hefur verið valið besta listviðburðarhúsið í samkeppni sem haldin er af alþjóðlegu ferðatímariti, Travel & Leisure, en þar velur virtur hópur dómara bestu byggingar, söfn, veitingastaði, almenningsrými og hótel í heimi. Í umsögn dómnefndar kemur fram að einstakt samstarf arkitekta við listamanninn Ólaf Elíasson skapi byggingu sem líki eftir risavaxinni kviksjá að kvöldlagi sem bæði varpi fram ljósum og endurspegli þeim úr umhverfi sínu með stórfenglegum hætti.